2 Corinto 5:13 - U Maganda A Baheta Ni Jesu-Cristo

¹³ Ni kumán kame man a nasidaan ti isip, alang-alang iye tu Diyos, sakay ni matino kami man ay para iye tu kapiyyaan moy.

2 Corinto 5:13 Σταυροειδείς Αναφορές

Markos 3:21

Nikuna a mabaheta nu pamilya ni Jesus i iye ay inangay di siya para pahintuwán, dipo kákkagiyán nu tolay hide a nasida dán u isip na.

Roma 12:3

Dipo tu págpapala a impagkaluub nu Diyos nikán ay piniliyák na para magtoldu tu upos na, kagiyán ko nikam a dyan moy pahalagaan u sadile moy ti mas higit tu nerarapat. Ni awan tenggiyán moy u tunay moy a kakayanan ayun tu pánnampalataya a inyatád nikam nu Diyos.

2 Corinto 11:1

Nadid, pagpasensiyaanák moy ni magupusák a kumán a tolay a awan ti tukoy. Sabagay páppasensiyaannák moy labe.

2 Corinto 12:11

Kumánnák a essa a tolay a awan ti tukoy dipo tu pághambug ko, pero hikam u nángtoglad nikán a manggimet ti konna hina. Hikam nakwa u dapat a mangpure nikán, dipo maski awanák ti kabuluhan, awanák be medimodyan ti mágkalalakiyan ina hide a apostol kan.

2 Corinto 12:6

Ni magmadakállák man ay bakánnák a kumán a awan ti tukoy, dipo tatahoden u kagiyán ko. Pero magpugáddák la ta umád ko a magisip u tolay hide a masmataasák kasera tu ketan de a ginimet ko sakay tu nasaneg de a págtoldu ko.

2 Corinto 7:12

Tukoy nu Diyos a u sulat ko nikam, ay bakán la a para tu nagkasala oni tu nagkasalaan na, nan tánni ipeta ko nikam tu atubang nu Diyos a hikam ay tunay a tapat nikán.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

1 Tesalonica 1:5

Impakapos-pos me nikam u Maganda a Baheta a awan kame nagduwwa-duwwa, sakay bakán la a tu pággupos nan tu kapangyariyan nu Diyos sakay tu tulung nu Banal a Ispirito. Sakay netan moy ni kodya kame a nabiyag nikuna nákpágyan kami hina. Ginimet mi ina para tu kapiyaan moy.

2 Timoteo 2:10

Kaya pagtiisan ko u atanan a bagay alang-alang tu pinile hide nu Diyos tánni magkahod be hide ti kaligtasan sakay biyag a awan ti kahád a gábwat ni Cristo Jesus.