2 Corinto 5:12 - U Maganda A Baheta Ni Jesu-Cristo

¹² Kinagi me iye nikam a huway, bakán a para ipagmadakál nikam i sadile miyáy, nan para atádden kam ti rason a mepagmadakál moy kame, tanni matábbeg moy u tolay hide a mangpuri la tu bagay hide a pangluwas bakán a u maganda a ugale.

2 Corinto 5:12 Σταυροειδείς Αναφορές

2 Corinto 1:14

Para káddemát nu aldew a kássole nu Panginoon Jesus, ay mepagmadakál moy kame, a konna tu pángmadakál me nikam.

2 Corinto 10:12

Awan ko gusto a ibilang oni ipareho u sadile ko tu agum a magmadakál tu sadile de. Awan ti tukoy i tolayan ina hide! Dipo u sadile dila u ginimet de a sukatan sakay parisan.

2 Corinto 10:18

U parangalan nu Diyos ay u tolay a karapat-dapat tu kaluuban na bakán a u mánglangkaw tu sadile na.

2 Corinto 10:7

U problema nikam ay u panluwas la u áilingan moy. Tehhod hina a tolay a magkagi a hide kan ay tagapagserbi ni Cristo, ni konna hod ay dapat dibe a isipán a maski hikame ay hed ni Cristo.

2 Corinto 10:8

Dipo maski susubra dán u págmadakál ko tu kapangyariyan a inyatád nu Diyos nikán ay awanák masanike dipo iye ay pángpasibát tu pánnampalataya moy bakán a para tu kákkepahamak moy.

2 Corinto 12:11

Kumánnák a essa a tolay a awan ti tukoy dipo tu pághambug ko, pero hikam u nángtoglad nikán a manggimet ti konna hina. Hikam nakwa u dapat a mangpure nikán, dipo maski awanák ti kabuluhan, awanák be medimodyan ti mágkalalakiyan ina hide a apostol kan.

2 Corinto 3:1

Nadid, tu palagay moy beman ay páppuriyán me dámman i sadile miyáy? Awan kame konna tu agum a kailangan pa ti sulat para tanggapán moy oni sulat a gábwat nikam para tanggapán be tu agum a lugar.

2 Corinto 6:4

Nan impeta me tu atanan a gimitán me a tagapagserbi kame nu Diyos: tu pamamag-itan nu págtiis tu atanan kalase nu kahirapan, kalungkutan, sakay kagipitan.

Filipos 1:26

Sakay ni makasoliyák dán hina nikam ay lalu moy a papuriyan ti Cristo dipo nikán.