2 Corinto 5:11 - U Maganda A Baheta Ni Jesu-Cristo

¹¹ Kaya ngani, dipo te ánteng kame tu Diyos, ay gimitán me u atanan para maakit me u tolay hide a sumole nikuna. Tukoy nu Diyos u tunay me a pagkatolay, nakwa ay tukoy moy kami be.

2 Corinto 5:11 Σταυροειδείς Αναφορές

Mateo 10:28

Sakay dyan moy kantingan u makabuno tu bággi moy pero awan makabuno tu kaliduwa nan dapat kantingan moy u Diyos a makabuno tu bággi sakay kaliduwa moy ti impiyerno.

Mateo 25:46

Kinagi pa ni Jesus “Iyangay hide tu kaparusaan a awan ti katapusan pero u malinis hide ay makatanggap ti biyag a awan ti katapusan.”

Lukas 12:5

Kagiyán ko nikam ni deya u dapat moy a kantingan: kantingan moy u Diyos dipo kattapos na a mamuno, siya la u tehhod a kapangyariyan a máng-but tu tolay ti impiyerno. Tandaan moy, u Diyos la u dapat moy a kantingan!

Lukas 16:31

Pero kinagi nikuna ni Abraham, ‘Ni umád de a sunudán u insulat ni Moises sakay u insulat nu propeta hide ay awan dila be sanigán maski u essa a patay a nabiyag a huway.’”

Gimet 13:43

Káttapos nu pamággipun-ipun ay immunonod di Pablo sakay ti Bernabe u mákpal a Judio sakay u bakán hide a Judio a nák-agum tu rilihiyon nu Judio hide. Kinauhon hide nu apostol hide sakay pinayuwan a itulos-tulos di la a magtiwala tu kabaitan nu Diyos.

Gimet 18:13

Káddemát di hod ay kinagi de a, “I tolayan iye ay áakitán na u tolay hide a sumamba tu Diyos tu paraan a bawal tu batas!”

Gimet 18:4

Sakay kada Aldew nu Káimang ay angay mákpagpaliwanagen ti Pablo tu Judio hide sakay Griego tu sinagoga tánni maakit na hide a atanan a sumampalataya.

Gimet 19:26

Nadid netan moy sakay nasaneg u kákkagiyán ni Pabluwan itona. Kinagi na a u diyos kan a ginimet la nu tolay ay bakán a tatahoden a diyos sakay makpal dán u naakit na. Bakán la a ti Efesowáy nan ngahe-ngahe dán a buo a Asia.

Gimet 26:26

Tukoy ni Hare a Agripa iye hide a bagay. Kanya awanák manteng a magupos tu atubang na dipo tukoy na iye hide a bagay. Awan ti nangyare a awan mu tukoy dipo awan iye nangyare ti essa a tagu a lugar.

Gimet 28:23

Kanya nagtakda hide ti essa a aldew, sakay makpal u immangay tu páppágyanan ni Pablo káddemát ni itod a aldew. Saldew siya a nagpaliwanag nide sakay nángpatunay tungkul tu pághare nu Diyos. Tu pamamag-itan nu Kautusan ni Moises sakay u insulat nu prupeta hide ay ginimet na u atanan a makaya na tán maakit na hide a sumampalataya ni Jesus.

2 Corinto 2:17

Dipo awan kame konna tu agum a gággimitán de a negosyo u upos nu Diyos. Tukoy me a áelingán kame nu Diyos kaya bilang mánnampalataya ni Cristo sakay tagapagserbi nu Diyos, ay tapat kame a mangaral tu upos na.

2 Corinto 5:20

Kaya hikame ay inutusan ni Cristo; a u Diyos a mismo u mákpágguhon nikam tu pamamag-itan me. Mákpágguhon kame nikam alang-alang ni Cristo; a magsole kamon tu Diyos.

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

Galacia 1:10

Diyan moy isipán a kaya ku iye a kákkagiyán ay para masaya nikán u tolay. U papure la a gábwat tu Diyos u gusto ko a matanggap. Ni ilingán ku laay ay u ikasaya nu tolay, ay awanák tunay a tagapagserbi ni Cristo.

Efeso 5:21

Pasakup kam tu balang essa bilang tanda nu pággalang moy ni Cristo.

Hebreo 10:31

Makaánteng u mahatulan nu Diyos a biyag!

Hebreo 12:29

dipo ni magparusa u Diyos tam ay kumán a apoy a makatutod.

Judas 1:23

Tulungan moy u agum tán maligtas hide tu kaparusaan. U agum ay kagbiyan moy pero magingat kam tu mágkadukás de a gimet. Kaiyamutan moy maskin u badu de a nadangáttan tu mágkadukás de hide a gimet.

Pahayag 20:15

Ni deya man u awan ti ngahan tu libro a listaan nu tolay hide a inatádden ti biyag a awan ti kahád ay ibut tu malawak a apoy.