2 Corinto 4:4 - U Maganda A Baheta Ni Jesu-Cristo

⁴ Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

2 Corinto 4:4 Σταυροειδείς Αναφορές

Mateo 13:22

U bine be a neangay nadid tu kasaetan ay kaparehu na u essa a tolay a nakasaneg sakay tummanggap tu upos nu Diyos pero dipo nailongan siya nu kákkabalisa tu biyag sakay tu linlang nu kayamanan ay awan nakabunga u pánniwala na.

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Juan 1:18

Maski nikan ay awan palla ti naketa tu Diyos Ama, pero impakilala siya nikitam nu Diyos Anak, u kaessa-essa a Anak a minahal nu Ama.

Juan 12:31

Dummemát dán u odas a hatulan u mundu. Sakay palayasán ti Satanas a maghare tu mundu.

Juan 12:35

Timmábbeg ti Jesus nide, “Sabadit dálla a panahun a makaguman moy u demlag. Kanya mabiyag kam tu demlag mentaras a hod palla he u demlag, para awan kam abután nu diham. Dipo awan tukoy nu maglakad tu kadiklámman ni hádya siya angayan.

Juan 12:40

“Hikán a Diyos binuhák ko u mata-mata de sakay pinaigát ko u puso de, tán awan maketa u mata-mata de sakay awan makaintende u isip de, dipo makay magsole hide nikán, sakay pagpiyyaán ko hide.”

Juan 12:45

Sakay u naketa nikán ay naketa dám be tu nangpaangay he nikán.

Juan 14:30

Awan ku dán pakaatakdugán i kákkagiyán kuwáy nikam, dipo pademát dán ti Satanas a siya u maghare ti munduwáy, pero awan siya ti kapangyariyan nikán.

Juan 15:24

Ni awanák naggimet tu atubang de ti makataka-taka a awan magimet nu ti deyaman, maare de a kagiyan a awan hide ti kasalanan. Pero nadid te kasalanan hide, ta maski ni netan de u ginimet ko a makataka-taka, ay naiyamut hide nikame ay tu Ama ko.

Juan 16:11

Sakay male be hide tungkul tu pághatul nu Diyos dipo ti Satanas a mángdipalongo he ti munduwáy ay nahatulan dán a awan dán ti karapatan a maghare.

Juan 8:12

Nadid ay huway a nagupos ti Jesus tu tolay hide, “Hikán u demlag ni munduway. U sumunud nikán ay awan mabiyag tu kadiklámman, nan magkahod ti demlag tu biyag na.”

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

Gimet 26:23

a kailangan a maghirap ti Cristo, sakay siya u kadipalonguwan a mabiyag a huway para mángligtas tu kabanuwan na hide a Judio sakay tu Hentil hide.”

1 Corinto 10:20

Awan! U gusto ko a kagiyán ay i alayan ina hide ay inyalay tu dimonyo hide, bakán a tu Diyos. Umád ko a mákpággagum kam tu dimonyo hide.

2 Corinto 2:11

Dapat la a magpatawad kitam tánni awan kitam malinlang ni Satanas. Dipo tukoy tam u plano na a madukás.

2 Corinto 2:12

Nikuna immangayák ti Troas para mangaral tu Maganda a Baheta tungkul ni Cristo, ay inatáddinák nu Panginoon ti maganda a pagkakataun para magimet ku itod.

2 Corinto 3:11

Ni tehhod a kapangyariyan a impeta u Diyos tu páng-atád na tu Kautusan a limmipas maspa u kapangyariyan a ipeta na tu bigu a tipan a manatile hanggan-hanggan.

2 Corinto 3:14

U tatahoden, awan naintendiyan nu Israelita hide u kahulugan ni iye tu itod dipo mágkaigát u ulu de a kumán a te tumáttakáp tu isip de. Sakay hanggan nadid ay awan di palla naintediyan iye kada basaán de u date a kasunduwan dipo te tumáttakáp palla tu isip de. Sakay mawan la i takáppan ina, ni nákpágkaessa u essa a tolay ni Cristo.

2 Corinto 3:18

Sakay nadid ay nawan dán u tapoh tu isip tam, sakay netan dán nikitam u kapangyariyan nu Panginoon. I kapangyariyanan iye ay gábwat tu Panginoon a Banal a Ispirito. Siya u utay-utay a mangbagu nikitam, hanggan magin kapareho na kitam.

2 Corinto 4:6

Dipo u Diyos mismo u nagkagi a, “Magkahod ti demlag tu kadiklámman.” Siya be u nangdemlag tu puso me hide tánni ketan me u kadakilaan nu Diyos a netan tu hupa ni Cristo.

Galacia 1:4

Inyalay ni Cristo u sadile na dipo tu kasalanan tam, sigun tu kaluuben nu Diyos Ama tam. Ginimet na iye para meligtas kitam tu kadukássan a kasalukuyan a maghare ti munduwan iye.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

Efeso 6:12

Dipo u kalaban tam ay bakán a katolayan, nan u magkadukás hide a ispirito tu panganurin; hide iye u pinuno, u te kapangyariyan hide, sakay u mamahala hide tu mágkadukás a mámmagyan ti munduwáy.

Filipos 2:6

Maskin tunay siya a Diyos ay awan na impilit a manatile a kapantay nu Diyos.

Colosas 1:15

U Diyos ay awan ketan pero ketan u Diyos ni Cristo. Siya u tehhod a kapangyariyan tu atanan a nilalang.

Colosas 1:27

Ginusto nu Diyos a ihayag tu atanan a tolay u dakila sakay makataka-takaan iye a planu na, a awan ti agum nan ti Cristo a katna nikam. Dipo nikuna ay nakasigudu kitam tu pag-asa tam a makaguman kitam tu kahariyan nu Diyos.

1 Timoteo 1:11

Iye a adal ay neayun tu Maganda a Baheta a inyintrega nikán nu dakila sakay mapagpala a Diyos.

Tito 2:13

mentras a maguhay kitam tu dakila a aldew a áasaan tam. Iye u kássole nu dakila tam a Diyos sakay Tagapagligtas a ti Jesu-Cristo.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Hebreo 6:4

Dipo kodya mo a mapagsise sakay pasoliyán u immadág dán hide tu pánnampalataya de? Nademlagan dán hide tu itod, naranasan di dán be u kaluub a gábwat ti langet, sakay nakatanggap be hide tu Banal a Ispirito.

2 Pedro 1:19

Kaya lalo a timmibay u pánniwala me tu inpakapospos nu prupeta hide. Kaya dapat la a pakaisipán moy iye ti husto, dipo kumán iye a simbuwan a mangdemlag tu madiham a lugar hanggan tu aldew a káddemát nu Panginoon. Kapareho siya nu biton ti dimadimang a mangatád ti demlag tu isip moy.

1 Juan 2:11

Pero u maiyamut tu kapatkákka na ay katoy padla tu kadiklámman. Maglakad padla siya tu kadiklámman sakay awan na tukoy u tamuwan na, ta binuhák siya nu kadiklámman.

1 Juan 2:8

Pero mebilang a bigu a utus i insulat kuwáy nikam; metan i tatahodinan iye tu biyag ni Cristo sakay tu biyag moy. Dipo mawan dán u kadiklámman sakay mágdadedemlag dán u tunay a demlag.

1 Juan 5:19

Tukoy tam a anak kitam nu Diyos sakay tukoy tam be a u buo a mundo ay katoy tu kapangyariyan ni Satanas.