2 Corinto 4:10 - U Maganda A Baheta Ni Jesu-Cristo

¹⁰ Lagi kame a dumanas ti kahirapan konna tu pághirap a dinanas ni Cristo nikuna a natay siya; para ipareho me u biyag me tu biyag ni Cristo a siya u mángpeta a biyag pade ti Jesus a atoy nikame.

2 Corinto 4:10 Σταυροειδείς Αναφορές

Juan 14:19

Sabadit dálla a panahun ay awanák dán ketan nu taga-mundo hide, pero ketanák moy. Sakay dipo biyagák, hikam be ay mabiyag.

Roma 6:5

Dipo ni nákpagkaessa kitam ni Cristo tu kamatayan na, talaga a makaguman na kitam tu kákkabiyag na a huway.

Roma 6:8

Sakay ni hikitam ay natay a kaguman ni Cristo, maniwala kitam a mabiyag kitam be a kaguman na.

Roma 8:36

Ayun tu kinagi na tu Kasulatan a, “Alang-alang niko ay palagi a dilikadu ti kamatayan u biyag me. Kumán kame a u tupa hide a bunuwán.”

2 Corinto 1:5

Dipo ni sa kodya ti kadágge u táttiisán me a hirap tu pákpágkaessa ni Cristo, ay konna bi hod u kasayaan a natanggap me a gábwat nikuna.

2 Corinto 1:9

U akala me ay dummemát dán u odas me. Pero nangyare itod tánni awan kame magtiwala tu sadile me nan tu Diyos a mangbiyag a huway tu patay hide.

2 Corinto 13:4

Dipo maski ni mahina siya nikuna ipako siya tu kudus, pero nabiyag siya tu kapangyariyan nu Diyos. Mahinaák be konna ni Cristo tu itod, pero dipo tu pákpagkaessa ko ni Cristo ay mabiyagák nadid tu kapangyariyan nu Diyos tánni mangaral nikam.

2 Corinto 4:11

Dipo lagi kame a katoy tu dilikadu a kalagayan alang-alang ni Cristo, tanni tu pamamag-itan nu bággi me a matay, ay mehayag a biyag siya.

Galacia 6:17

Kanya sapul nadid ay diyan moy dán nakwa dagdagen i hirap kuwáy. Dipo u peklat hide tu bággi ko ay magpatunay a tagapagserbiyák ni Jesus.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

2 Timoteo 2:11

Tatahoden u kakagiyan a: “Ni natay kitamon a kaguman ni Cristo, ay mabiyag kitamon be a kaguman na.

1 Pedro 4:13

Nan magsaya kam tu pághirap moy dipo nákpaghirap kam ni Cristo, tán masaya kam a tahod káddemát nu aldew a ketan tam u kadakilaan na.

1 Pedro 4:14

Mapalad kam ni dáddustaán di kam dipo ni Cristo, dipo tukoy moy a katoy nikam u Banal a Ispirito nu Diyos a makapangyariyan.

Pahayag 1:17

Pákketa ko nikuna ay kumánnák a patay a nalugmuk tu atubang na. Pero intupo na nikán u kawanan na a kamát sakay kinagi na, “Dyan ka manteng! Hikán u Sapul sakay u Katapusan,