2 Corinto 4:1 - U Maganda A Baheta Ni Jesu-Cristo

¹ Nadid, dipo tu kagbi nu Diyos, ay pinili na kame para ti iye a tarabaho, kaya awan kame panghinaan ti isip.

2 Corinto 4:1 Σταυροειδείς Αναφορές

Lukas 18:1

Kinagi ni Jesus tu disepulus na hide u essa a talinhaga, para itoldu na nide a pirme hide a magdasal sakay dyan hide mawanan ti pag-asa.

1 Corinto 3:5

Deya beman ti Apolos? Deyaák beman? Tagapagserbi kami la nu Diyos, ginamit nala tánni maakit kam a manalig ni Cristo. Gággimitán la nu balang essa u tarabaho a tinanggap na tu Panginoon.

1 Corinto 7:25

Nadid, tungkul be tu mámmadiket sakay tu bábbelo hide, awanák ti mekagi a utus a gábwat tu Panginoon. Pero bilang essa a tolay a mapagkatiwalaan dipo tu kagbi nikán nu Panginoon ay iye u mekagi ko,

2 Corinto 3:12

Dipo ti pag-asa miyan iye, ay mabegsák u pággisipan me a ibaheta u upos nu Diyos.

2 Corinto 3:6

Inatádden na kame ti kakayanan para ipangaral u tungkul tu bigu na a tipan. Sakay i ipáppangaral miyan iye ay awan neayun tu nakasulat tu Kautusan nan tu Ispirito. Dipo u iyatád nu nakasulat a Kautusan ay kamatayan, pero u Ispirito ay mangatád ti biyag.

2 Corinto 4:16

Kaya awan kame manghina ti isip. Maski ni humina dán u bággi me ti lutaáy, ay tulos-tulos pade a bumegsák u ispirito me aldew-aldew.

2 Corinto 5:18

Iye a atanan ay gábwat tu Diyos, a nángsole nikitam nikuna tu pamamag-itan ni Cristo. Sakay inyatád na nikame u tungkulin a mangpasole tu tolay hide nikuna.

Galacia 6:9

Kanya diyan kitam magsawa a maggimet ti maganda tu agum a tolay. Dipo dumemát u aldew a makatanggap kitam ti gantimpala tu awan tam káimang tu pággimet ti maganda.

Efeso 3:13

Kanya dyan kam nakwa manghina dipo tu nabaheta moy a pághirap ko he para nikam. Iye a pághirap ay para tu kapiyaan moy.

Filipos 4:13

Magimet ku iye a atanan dipo tu begsák a inyatád nikán ni Cristo.

2 Tesalonica 3:13

Kákkapatkákka me hide, diyan kam magsawa a maggimet ti maganda.

1 Timoteo 1:13

Maski tu itod ay pinagupusan ko ti madukás u ngahan na sakay pináppahirapan ko siya ay kinagbiyanák padi nu Diyos dipo awan ko tukoy u gagamitán ko nikuna awanák palla ti pánnampalataya nikuna.

Hebreo 12:3

Isipán moy u tiniis hide ni Jesus a hirap a gábwat tu makasalanan hide a tolay, tánni awan kam manghina ti isip.

1 Pedro 2:10

Tu itod ay bakán kam palla a sakup nu Diyos pero nadid ay sakup na kamon. Awan nikam tu itod u kagbi nu Diyos, pero nadid ay hod dán nikam u kagbi na.

Pahayag 2:3

Tukoy ko be a matiyaga kam a nagtiis tu makpal a hirap alang-alang nikán sakay awan moy inadággen u pánnapalataya moy nikán sakay awan kam nanghina.