2 Corinto 3:9 - U Maganda A Baheta Ni Jesu-Cristo

⁹ Ni nángpeta u Diyos tu kapangyariyan na nikuna a iyatád na u Kautusan a nakapangatád ti kamatayan, maspa u ipeta na a kapangyariyan ni ibutan na dán u kasalanan nu tolay.

2 Corinto 3:9 Σταυροειδείς Αναφορές

Roma 4:11

Tinure siya bilang tanda a ibilang dán siya a matuwid dipo tu pánnampalataya na. Kanya ti Abraham ay imbilang a ama nu atanan a manampalataya a awan nature. Sakay dipo ngane tu pánnampalataya de, ay imbilang hide nu Diyos a matuwid.

1 Corinto 1:30

Siya u naggábwatan nu biyag moy nadid dipo tu pákpagkaessa moy ni Cristo Jesus. Nikuna tam a natukuyan u karunungan nu Diyos dipo nikuna sakay tu ginimet na tu kudus ay inturing kitam nu Diyos a matuwid, dipo pinatawad na dán u kasalanan tam. Imbilang kitam nu Diyos a banal sakay pinalaya na kitam gábwat tu kasalanan sakay inligtas na kitam.

1 Corinto 15:41

Iba u demlag nu aldew, iba be u demlag nu bulan, sakay iba be u demlag nu biton hide. Sakay maski u biton hide ay tehhod a iba-iba a demlag.

2 Corinto 3:8

maspa u ipeta na a kapangyariyan ni magahikad dán u Banal a Ispirito.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Galacia 3:10

Pero u tolay hide a umasa a maligtas tu kássunud tu Kautusan ay sinumpa. Dipo nakasulat, “Maparusaan u tolay hide a awan sumássunud tu atanan a nakasulat tu Libro nu Kautusan.”

Filipos 3:9

sakay mákpagkaessaák nikuna. Awan nák dán manalig a magin matuwid tu pamamag-itan nu kássunud tu Kautusan nan tu pánnalig ni Cristo. U pagin matuwid ko nadid ay kaluub nu Diyos nikán nikuna a simmampalatayaák ni Cristo.

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.