2 Corinto 3:8 - U Maganda A Baheta Ni Jesu-Cristo

⁸ maspa u ipeta na a kapangyariyan ni magahikad dán u Banal a Ispirito.

2 Corinto 3:8 Σταυροειδείς Αναφορές

Juan 1:17

Pero inyatád nikitam nu Diyos u Kautusan tu pamamag-itan ni Moises, pero u kagbi sakay u tatahoden ay neatád nikitam tu pamamag-itan ni Jesu-Cristo.

Juan 7:39

U dinom a gustu he a kagiyán ni Jesus ay u Banal a Ispirito, a adene dán a matanggap nu maniwala hide nikuna. Awan palla ingkaluub u Banal a Ispirito ti panahunay a itod, dipo awan palla immangay ti Jesus ti langet.

1 Corinto 3:16

Awan moy beman tukoy a templo kam nu Diyos dipo mágyan nikam u Ispirito na?

2 Corinto 11:4

Dipo masaya kam a mangtanggap tu maskin deya a dumemát sakay mangaral ti iba a Jesus kesa tu impangaral me. Tinanggap moy u ispirito sakay adal a iba tu itáttoldu me nikam.

2 Corinto 3:17

U Panginoon a nabanggit he ay u Banal a Ispirito, sakay ni hádya u Banal a Ispirito nu Panginoon, ay tehhod bi hod a kalayaan a gimitán u kagustuwan nu Diyos.

2 Corinto 3:6

Inatádden na kame ti kakayanan para ipangaral u tungkul tu bigu na a tipan. Sakay i ipáppangaral miyan iye ay awan neayun tu nakasulat tu Kautusan nan tu Ispirito. Dipo u iyatád nu nakasulat a Kautusan ay kamatayan, pero u Ispirito ay mangatád ti biyag.

2 Corinto 3:7

Nikuna iyatád u patakaran a nakasulat tu natáppeng a bito, kaguman a nehayag u demlag nu Diyos. Awan maileng nu Israelita hide u hupa ni Moises, kaya la iye a demlag ay limmipas. Nadid ni nángpeta u Diyos tu kapangyariyan na nikuna a iyatád na u Kautusan a nakapangatád ti kamatayan,

2 Corinto 3:9

Ni nángpeta u Diyos tu kapangyariyan na nikuna a iyatád na u Kautusan a nakapangatád ti kamatayan, maspa u ipeta na a kapangyariyan ni ibutan na dán u kasalanan nu tolay.

Galacia 3:14

Tinubus kitam ni Cristo para u págpapala hide a inpananto nu Diyos ni Abraham ay matanggap be nu Hentil hide tu pamamag-itan ni Jesu-Cristo. Sakay tu pamamag-itan nu pánnampalataya tam nikuna ay matanggap tam u inpananto nu Diyos a Banal a Ispirito.

Galacia 5:5

Pero hikame ay umasa a ibilang nu Diyos a matuwid tu pamamag-itan nu tulung nu Banal a Ispirito sakay tu pánnampalataya me ni Cristo. U katupaden ni iye u pakauha-uhayán me.

Efeso 2:18

Dipo ni Cristo ay pari-pareho kitamon a makaadene tu Ama tu pamamag-itan nu mággeessa a Banal a Ispirito.

2 Tesalonica 2:13

Kákkapatkákka ko hide, lagi kame a magpasalamat tu Diyos dipo nikam a mahal nu Panginoon. Sakay dapat la a magpasalamat kame, dipo sapul pa tu sapul ay pinile kamon nu Diyos a maligtas tu pamamag-itan nu Banal a Ispirito a mangpabanal nikam, sakay tu pamamag-itan nu pánnampalataya moy tu Tatahoden.

1 Pedro 1:2

Pinile kamon nu Diyos a Ama sapul pa tu sapul dipo itod u kagustuwan na. Sakay u Banal a Ispirito u nangpabanal nikam. Kanya magpasakup kamon ni Jesu-Cristo, tánni malinisan kam tu kasalanan moy tu pamamag-itan nu kákkatay na tu kudus. Magkahod kam nakwa ti págpapala sakay kapayapaan.