2 Corinto 3:14 - U Maganda A Baheta Ni Jesu-Cristo

¹⁴ U tatahoden, awan naintendiyan nu Israelita hide u kahulugan ni iye tu itod dipo mágkaigát u ulu de a kumán a te tumáttakáp tu isip de. Sakay hanggan nadid ay awan di palla naintediyan iye kada basaán de u date a kasunduwan dipo te tumáttakáp palla tu isip de. Sakay mawan la i takáppan ina, ni nákpágkaessa u essa a tolay ni Cristo.

2 Corinto 3:14 Σταυροειδείς Αναφορές

Mateo 13:11

Tinábbeg na hide “Impakapospos nu Diyos nikam u sekreto nu Kahariyan na pero awan na ipakapospos nide.

Mateo 16:17

Kinagi nikuna ni Jesus, “Pinagpala ka Simon a anak ni Jonas! Dipo iye a karunungan ay awan intoldu niko ni ti deya man a tolay nan impakapospos iye niko nu Ama ko a atoy ti langet.

Mateo 6:23

Pero ni te diperensiya u mata moy ay madihaman u atanan a bággi moy. Kanya ni u simbuwan a atoy niko ay madukás, ay grabe a tahod u kadukássan mo.”

Juan 12:40

“Hikán a Diyos binuhák ko u mata-mata de sakay pinaigát ko u puso de, tán awan maketa u mata-mata de sakay awan makaintende u isip de, dipo makay magsole hide nikán, sakay pagpiyyaán ko hide.”

Juan 12:46

Immangayák he para demlag ni munduway, tan deya man u maniwala nikán ay awan manatili tu kadiklámman.

Juan 8:12

Nadid ay huway a nagupos ti Jesus tu tolay hide, “Hikán u demlag ni munduway. U sumunud nikán ay awan mabiyag tu kadiklámman, nan magkahod ti demlag tu biyag na.”

Gimet 13:15

Káttapos a mabasa u sangan a parte nu libro nu Kautusan sakay tu prupeta hide, ay kinagi nide nu puno hide nu sinagoga, “Kákkapatkákka ko hide, ni tehhod kam a makagi a makapagpabegsak tu tolay hide ay kagiyán moy dán!”

Gimet 15:21

Dipo sapul pa tu itod a panahun, u Kautusan ni Moises ay bábbasaan dán tu sinagoga hide kada Aldew nu Káimang, sakay ipáppangaral u upos na tu kada banuwan.”

Gimet 16:14

U essa nide ay ti Lydia a taga-Tiatira, essa a negosyante a máglako ti mágkamahal a tela a kulay ubi. Te ánteng siya tu Panginoon. Mentaras a mágsaneg siya ni Pablo ay binukasan nu Panginoon u isip na sakay naniwala siya tu kinákkagi ni Pablo.

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

Roma 11:25

Kákkapatkákka ko hide, gusto ko a matukuyan moy u essa a katutuhanan a nadid ko la a ikagi nikam, tánni awan magin mataas u pangisip moy tu sadile moy. U págmaigát nu Judio hide ay pansamantala la, awan habang panahun. Iye ay hanggan a makompleto u bilang nu Hentil hide a manampalataya ni Cristo.

2 Corinto 3:15

Hanggan nadid, ay tehhod palla a tapoh u isip de kada basaán de u libro ni Moises dipo awan di iye naintendiyan.

2 Corinto 3:6

Inatádden na kame ti kakayanan para ipangaral u tungkul tu bigu na a tipan. Sakay i ipáppangaral miyan iye ay awan neayun tu nakasulat tu Kautusan nan tu Ispirito. Dipo u iyatád nu nakasulat a Kautusan ay kamatayan, pero u Ispirito ay mangatád ti biyag.

2 Corinto 4:6

Dipo u Diyos mismo u nagkagi a, “Magkahod ti demlag tu kadiklámman.” Siya be u nangdemlag tu puso me hide tánni ketan me u kadakilaan nu Diyos a netan tu hupa ni Cristo.

Efeso 4:18

Sakay awan hide ti pang-intendi. Dipo awan hide ti tukoy sakay mágkaigát u ulo de, awan hide ti bahagi tu biyag a impagkaluub nu Diyos.