2 Corinto 3:12 - U Maganda A Baheta Ni Jesu-Cristo

¹² Dipo ti pag-asa miyan iye, ay mabegsák u pággisipan me a ibaheta u upos nu Diyos.

2 Corinto 3:12 Σταυροειδείς Αναφορές

Juan 10:24

U Judio hide ay naipun tu palebut na sakay kinagi de nikuna, “Hanggan nikasangan mo a itagu nikame ni ti deya ka a talaga? Ni hiko beman u Cristo, kagiyán mu dán nikame ti tapatan.”

Juan 16:25

“Kinagi ko iye hide nikam tu pamamag-itan nu talinghaga, pero dumemát u odas a awanák dán nikam magupos ti talinghaga, nan ikagi ko nikam u tungkul tu Ama ko ti diretsuwan a kákkaupos.

Juan 16:29

Kinagi nu disepulus na hide, “Nadid palla ngane ay magupos ka dán ti diretsuwan nikame, bakán dán a tu pamamag-itan nu talinghaga.

Gimet 14:3

Nanalay pa hod a nágyan di Pablo sakay ti Bernabe sakay mabegsak u pággisipan de a mangaral tungkul tu Panginoon. Pinatunayan be nu Panginoon a tatahoden u ipáppangaral de tungkul tu kabaitan na tu pamamag-itan nu kapangyariyan a inyatád na nide a maggimet ti makataka-taka a bagay.

Gimet 4:13

Nagtaka u buo a Sanedrin tu begsák isip a impeta di Pedro sakay ti Juan, lalu dán nikuna naihupaan de a awan bál hide nakapagadal. Naihupaan dila be a hide u kakaguman ni Jesus tu itod.

Gimet 9:27

Pero kinuyog siya ni Bernabe, sakay inyangay na tu apostol hide. Impaliwanag na nide ni kodya pimmeta u Panginoon ni Saulo sakay nákpágguhon nikuna tu dilan. Kinagi na be ni kodya siya a nagtoldu ti Damasco a awan ti ánteng tungkul ni Jesus.

Gimet 9:29

Nákpágguhon be siya sakay nákpagtábbegan tu Judio hide a magupos ti Griego, kaya binalak de siya a bunuwán.

1 Corinto 14:19

Pero tu pamággipun-ipun nu mánnampalataya hide ay mas gusto ko pa a magupos ti limma a upos a maintendiyan sakay makapagtoldu tu agum, nan libu-libu a upos a awan labe ti makaintendi.

2 Corinto 10:1

Nadid, hikán ti Pablo a u kagi nu agum a mapagpakumbaba tu atubang moy pero matapang ni adeyo, mákkekakagbiyák nikam alang-alang tu kapakumbabaan sakay kabaitan ni Cristo.

2 Corinto 3:11

Ni tehhod a kapangyariyan a impeta u Diyos tu páng-atád na tu Kautusan a limmipas maspa u kapangyariyan a ipeta na tu bigu a tipan a manatile hanggan-hanggan.

2 Corinto 4:13

Kinagi tu Kasulatan, “Nagupusák dipo simmampalatayaák.” Konna bihod u ginággimet me, kaya magupos kame dipo simmampalataya kame.

2 Corinto 7:4

Grabi ti kadakál u págtiwala ko nikam, lagi takam a ipagmadakál! Maski makpal kame a tiniis, u mabate ko ay kasayaan a awan ti kapareho.

Filipos 1:14

Sakay kákpalan tu mánnampalataya hide ay lalo pa a timmatag u pánniwala de tu Panginoon dipo tu kákkepireso ko, sakay bimmegsák u isip de sakay awan ti ánteng a nagbaheta tu Upos nu Diyos.

Filipos 1:20

U gugusto ko sakay áasaan ko ay awanák nakwa magkulang tu tungkulin ko, nan magkahodák ti begsák ni isip ánya man a odas. Tánni mabiyagák man oni matay dán ay mapapuriyan ti Cristo tu pamamag-itan ko.

Colosas 4:4

Ipagdasalák moy be a mepangaral ko iye ti maganda, sakay tu nerarapat.

1 Tesalonica 2:2

Tukoy moy be a pináppasakitan di kame sakay ináinsulto ti Filipos, pero maski ni makpal a hadlang ay inatádden kami pade nu Diyos ti begsák isip a ipakapospos nikam u Maganda a Baheta a gabwat nikuna.

1 Timoteo 3:13

Dipo u dyakuno nu pinuno tu simbaan a matapat tu tungkulin na ay igalang nu atanan. Sakay buo a tiwala de a ipahayag u pánnampalataya de ni Jesu-Cristo.

Filemon 1:8

Nadid, bilang apostol ni Cristo, ay maare taka a utusan tu dapat mo a gimitán;