2 Corinto 2:7 - U Maganda A Baheta Ni Jesu-Cristo

⁷ Kaya patawadán moy dán siya sakay tulungan moy siya a magin matatag tu pánnampalataya na tánni awan siya matuluyan a manghina ti isip dipo tu matindi a kalungkutan.

2 Corinto 2:7 Σταυροειδείς Αναφορές

1 Corinto 15:54

Ni mapalitan dán ti awan mahunot u bággi sakay mapalitan dán ti awan matay u bággi ay matupad u kinagi na tu Kasulatan: “Natalo dán u kamatayan; ganap dán u tagumpay!”

2 Corinto 2:8

Kaya mákkekakagbiyák nikam a ipabate moy nikuna a mahal moy padi siya.

2 Corinto 5:4

Mentaras a hed palla nikitam u date tam a bággi, ay makán daingán kitam dipo tu kahirapan tam. Bakán a dipo gusto tamon a matay, nan dipo gusto tamon a mesulot u bigu a bággi, tánni u bággi a matay ay mapalitan ti bággi a awan mata-matay.

2 Corinto 7:10

Dipo u kalungkutan a ayun tu kaluuban nu Diyos, u mánggiya nikam tánni magsise sakay magbagu, para maligtas kam. U konna he a kalase ni kalungkutan ay awan pagsisiyan. Pero u kalungkutan nu bakán hide a taga sunud nu Diyos ay kamatayan u demáttán na dipo awan ti págsise.

Efeso 4:32

Nan magin mabait kam sakay makákkagbiyán tu balang essa sakay magpatawadan kam konna tu págpatawad nikam nu Diyos tu pamamag-itan ni Cristo.

Filipos 2:27

Nagkasakit ngane siya ti grabi a ngahe-ngahe na dán a ikatay pero kinagbiyan siya nu Diyos sakay pati be hikán. Kinagi ko a pati hikán, dipo tu págpiyya na ay neligtasák be tu matindi a kalungkutan.

Colosas 3:13

Mamágpasensiyaan kam sakay mamágpatawaden ni te saket kam ti isip tu balang essa. Magpatawaden kam konna tu págpatawad nikam nu Panginoon.

1 Tesalonica 4:13

Kákkapátkákka mi hide, gusto me a matukuyan moy ni ánya u mangyare tu mánnámpalataya hide a nágkatay dán, tánni awan kam maglungkut a konna tu tolay hide a awan ti pag-asa.

2 Tesalonica 3:6

Nadid, kákkapatkákka, te iyutus kame nikam a gábwat tu Panginoon Jesu-Cristo, adeyuwan moy u tamad hide sakay u umád a sumunud tu itáttoldu me nikam.