2 Corinto 13:9 - U Maganda A Baheta Ni Jesu-Cristo

⁹ Dipo masayaák ni mahinaák sakay hikam ay bumegsák. Kaya, u idáddasal ko ay tulos-tulos kam a lumagu.

2 Corinto 13:9 Σταυροειδείς Αναφορές

Roma 15:2

nan u ikaganda be nu agum, tánni mapabegsák be u pánnampalataya de.

1 Corinto 1:10

Nadid kákkapatkákka hide, mákkekakagbiyák nikam tu ngahan nu Panginoon tam a ti Jesu-Cristo: mabiyag kam ti maayus a awan mamágdadema magkaessa kam ti isip sakay layunin tánni awan nikam ti pamágkampe-kampe.

1 Corinto 2:3

Sakay nikuna hedák hina ay tukoy ko a kulang u kakayanan ko para magtoldu kanya magkábba-kábbaák sakay magpapágpággák ti ánteng a umatubang nikam.

1 Corinto 4:10

Kagi nu tolay hide, Awan kame kan ti tukoy dipo u itáttoldu me ay tungkul ni Cristo; pero mágkarunung kam kan dipo ni Cristo! Mágkahina kame kan; pero mágkabegsák kam kan! Sássestiyán kame pero igággalang kam!

2 Corinto 11:30

Ni magmadakállák ay mas maganda pa ni ipagmadakál ko u kahinaan ko hide.

2 Corinto 13:11

Hanggan dálla he, kákkapatkákka, paalam dán nikam. Sikapán moy a lumagu kam sakay sunudán moy u payo ko hide; magkaessa kam, sakay mabiyag a tehhod a kapayapaan. Ni konna hod, u Diyos nu págmahal sakay kapayapaan ay makaguman moy.

2 Corinto 13:4

Dipo maski ni mahina siya nikuna ipako siya tu kudus, pero nabiyag siya tu kapangyariyan nu Diyos. Mahinaák be konna ni Cristo tu itod, pero dipo tu pákpagkaessa ko ni Cristo ay mabiyagák nadid tu kapangyariyan nu Diyos tánni mangaral nikam.

2 Corinto 4:12

Kaya maski ni kamatayan u maguhay nikame dipo tu pángngaral me tu Maganda a Baheta, itod u ingkapiya moy dipo nagkahod kamon ti biyag a awan ti kahád.

2 Corinto 7:1

Nadid, mahal me hide a kákkapatkákka, nadid ta inpananto nikitam nu Diyos iye hide a bagay ay adággen tam u atanan a mágkadukás a gimet a makapangatád ti dangát tu isip tam sakay makedukás tu bággi tam. Sikapán tam a mabiyag ti banal sakay tehhod a ánteng tu Diyos.

Colosas 1:28

Itona u dahilan ni bakin a ipáppangaral me ti Cristo tu katolayan. Ipakapos-pos me sakay táttolduwan me hide tu atanan a tukoy me tungkul ni Cristo para meatubang me u balang essa tu Diyos, a awan ti kapintasan dipo tu pákpagkaessa de ni Cristo.

Colosas 4:12

Mákkumusta be nikam u kabanuwan moy a ti Epafras a alipin ni Cristo Jesus. Pirme nakam a idáddasal ti mataimtim a manatile kam a matatag, lumagu, sakay pirmi a sumunud tu kaluuban nu Diyos.

1 Tesalonica 3:10

Idáddasal me ti husto aldew ay ti gibi a nakwa ay magketa kitam a huway tánni madagdagen ni anyaman u kulang pa tu pánnampalataya moy.

2 Timoteo 3:17

Tánni u tolay a magserbi tu Diyos ay awan dán ti kulang nan handa dán a maggimet tu atanan a mágkaganda a gimet.

Hebreo 12:23

Umadene kam tu masaya a paggipun-ipun nu imbilang nu Diyos a panganay a anak na hide a nakalista ti langet u ngaha-ngahan de. Umadene kam tu Diyos a hukum nu atanan, sakay tu ispirito nu tolay hide a inturing nu Diyos a banal sakay ginimet na dán a ganap.

Hebreo 13:21

u mangkaluub nakwa nikam u atanan a kailangan moy para megimet moy u kaluuben na, sakay tu pamamag-itan ni Jesu-Cristo ay gimitán na nikitam u makasaya nikuna. Puriyán ti Cristo hanggan-hanggan Amen!

Hebreo 6:1

Kanya dapat kitam a lumagu sakay sapulan tam a pagadalan u maspa nan tu pangpurumero hide a adal a tungkul ni Cristo. Sakay magtulos-tulos kitamon tu adal hide a mágkadisalad. Awan tam kailangan a huway-huwayán u adal hide a tungkul tu káadág tu gimet hide a awan maganda tu pangileng nu Diyos, sakay tungkul tu pánnampalataya tu Diyos,

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.