2 Corinto 11:28 - U Maganda A Baheta Ni Jesu-Cristo

²⁸ Maliban tu agum pa a karanasan a awan ko nabanggit, áisipán ko pa aldew-aldew u mánnampalataya hide.

2 Corinto 11:28 Σταυροειδείς Αναφορές

Gimet 15:36

Kállipas nu sangan a aldew ay kinagi ni Pablo ni Bernabe, “Angen ta soliyán sakay bisitaán u kákkapatkákka tam hide tu banuwan hide a nangaralan ta tu Upos nu Panginoon. Sakay ilingán ni anya dán i kalagayan diyay.”

Gimet 18:23

Nágyan hod siya ti sangan a aldew sakay káttapos ay naghektat dámman siya. Linebut na u atanan a lugar a sakup ni Galacia sakay ti Frigia, sakay pinabegsák na u pánnampalataya nu atanan a mánnampalataya hod.

Gimet 20:2

Sakay immangay siya tu banu-banuwan ti Macedonia a nagtoldu sakay pinayuwan na u mánnampalataya hod hide a magpakatatag. Káttapos ay nagtulos siya ti Grecia.

Gimet 9:31

Kanya sapul hod ay nagin tahimik u kalagayan nu mánnampalataya hide tu buo a Judea, Galilea sakay Samaria. Hide ay bimmegsák ti pánnampalataya sakay kimmakpal tu tulung nu Banal a Ispirito sakay nabiyag a te ánteng tu Panginoon.

Roma 1:14

Tehhodák a pananagutan a mángbaheta tu upos nu Diyos tu atanan a lahe nu tolay, tu mágkarunung hide sakay tu awan hide ti nagadalan.

Roma 11:13

Nadid, iye dámman u kagiyán ko nikam a bakán hide a Judio. Ginimiták a apostol nu Diyos para nikam, sakay ikarangal ko i tarabahuwan iye.

Roma 15:16

a magin utusanák ni Jesu-Cristo para tu bakán hide a Judio. Magserbiyák tu bakán hide a Judio a konna tu essa a saserdote sakay impangaral nide u Maganda a Baheta nu Diyos. Gimitán ko iye tánni magin alay hide a katanggap-tanggap tu Diyos, a nelaan nikuna tu pamamag-itan nu Banal a Ispirito.

Roma 16:4

Intaya de u biyag de dipo nikán. Dakál u utang ko nide, sakay bakán la hikán ni awan pate atanan nu mánnampalataya hide a Hentil.

1 Corinto 7:17

Mabiyag u balang essa, ayun tu impagkaluub nikuna nu Panginoon, sakay magtulos-tulos tu date na a kalagayan ti biyag nikuna dulawán siya nu Diyos. Ina u itáttoldu ko tu atanan a mánnampalataya.

Colosas 2:1

Nadid, gusto ko a matukuyan moy ni sa kodya ti kadakál u pághirap ko para nikam, konna be tu taga-Laodicea hide, sakay tu atanan a awan palla hide naketa nikán.