2 Corinto 10:5 - U Maganda A Baheta Ni Jesu-Cristo

⁵ Sidaán me u bawat katuwiran a mapagmataas a manghadlang tu pángtengge nu tolay tu Diyos, sakay pasukuwán me u atanan a áisipán de hide tánni sumunud hide ni Cristo.

2 Corinto 10:5 Σταυροειδείς Αναφορές

Mateo 15:19

Dipo u gábwat tu puso u madukás a isip tu agum, pámmuno, pángngalunya, págtakaw, págsistigo ti kakabuliyan tu agum a tolay sakay págmetmet.

Lukas 1:51

Impeta na u kapangyariyan na, kaya pinagwatak-watak na u hambug hide.

Roma 1:21

Maski tukoy dán nu tolay a tehhod a Diyos ay awan di pade siya pinarangalan bilang Diyos oni pinasalamatan. U ginimet de ay nagisip hide ti awan ti seserbi kanya nadiklámman u isip de a awan ti tukoy.

Roma 1:5

Tu pamamag-itan ni Jesu-Cristo ay tinanggap me u kaluub a magin apostol tánni maakit me u tolay hide tu atanan a bansa a sumampalataya sakay sumunud nikuna.

Roma 16:26

pero nadid ay nehayag dán tu atanan a tolay tu pamamag-itan nu insulat nu prupeta hide. Iye ay ayun tu utus nu awan ti kamatayan a Diyos, tánni u atanan nu tolay ay manampalataya sakay sumunud nikuna.

Roma 7:23

Pero tehhod a agum a kapangyariyan a magahikad tu sadili ko. Tu isip ko ay gustu ko a maggimet ti maganda pero iba be u gimitán nu bágge ko dipo u madukás a kagustuwan nu bágge ko u lagi a masunud kanyaák a magkasala.

1 Corinto 1:19

Dipo nesulat, “Sidaán ko u karunungan nu mágkarunung hide, sakay gimitán ko a awan ti kabuluhan u katalinuwan nu mágkalalake hide.”

1 Corinto 3:19

Dipo u karunungan ti munduwan iye ay awan ti kabuluhan tu pangileng nu Diyos. Konna he u nakasulat tu Kasulatan, “Ekhutan nu Diyos u mágkalalake hide tu kalalakiyan di labe.”

2 Corinto 11:20

U tatahoden, págtatiisan moy la a alipinán dikam, maski ni lokuwán dikamon, áagiwan ti kayamanan, badit-baditán dikam sakay ipasanike ay tiisán moy pade hide!

2 Corinto 9:13

U pángngatád moy ay mangpatunay nide a tapat moy a sinunud u Maganda a Baheta tungkul ni Cristo. Dipo hina, magpure hide tu Diyos.

Filipos 4:7

Ni ginimet moy iye, atádden kam nu Diyos ti kapayapaan a siya u mangbantay tu puso sakay tu isip moy dipo tu pákpagkaessa moy ni Cristo Jesus. I kapayapaanan iye ay awan kaya a maabut nu isip nu tolay.

2 Tesalonica 2:4

Kalabanán na u atanan a sássambaán sakay diyos nu tolay hide, sakay ilangkaw na u sadile na. Mággetnod siya tu disalad nu Templo nu Diyos sakay ikagi na u sadile na a siya u Diyos.

2 Tesalonica 2:8

Pumeta siya kapag naibut dán u mangpugád nikuna. Pero tu káddemát nu Panginoon Jesu-Cristo, ay bunuwán na i tolayan iye a masássuwayán. Puksaán na iye tu pamamag-itan la nu angás na. Sakay tunawán nu makasile a demlag a katoy nikuna tu káddemat na.

Hebreo 4:12

Dipo u upos nu Diyos ay biyag sakay makapangyariyan sakay mas matalas nan u áttak a magdiluputan ti tadám, ladássán na hanggan tu paghiwalayan nu kaliduwwa sakay ispirito, kasukasuwan hanggan tu uták nu tulang. Sakay tukoy na u katoy tu isip sakay plano nu tolay.

Hebreo 5:9

Nikuna a nagin ganap dán siya, ay siya u naggábwatan nu awan ti katapusan a kaligtasan nu atanan a sumunud nikuna.

1 Pedro 1:2

Pinile kamon nu Diyos a Ama sapul pa tu sapul dipo itod u kagustuwan na. Sakay u Banal a Ispirito u nangpabanal nikam. Kanya magpasakup kamon ni Jesu-Cristo, tánni malinisan kam tu kasalanan moy tu pamamag-itan nu kákkatay na tu kudus. Magkahod kam nakwa ti págpapala sakay kapayapaan.

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.