2 Corinto 10:18 - U Maganda A Baheta Ni Jesu-Cristo

¹⁸ U parangalan nu Diyos ay u tolay a karapat-dapat tu kaluuban na bakán a u mánglangkaw tu sadile na.

2 Corinto 10:18 Σταυροειδείς Αναφορές

Lukas 16:15

Pero kinagi ni Jesus nide, “Mapagpakunwari kam tu atubang nu katolayan, pero tukoy nu Diyos u katoy tu puso moy. Dipo u mahalaga tu tolay ay sasala nu Diyos.”

Juan 12:43

Dipo ginusto dipa a puriyán hide nu tolay kasera tu Diyos.

Gimet 2:22

“Hikam a taga-Israel hide ay mágsaneg kam nikán! Ti Jesus a taga-Nazaret ay pinaangay nu Diyos nikam, sakay pinatunayan iye nu Diyos tu pamamag-itan nu himala hide sakay tu makataka-taka hide a ginimet na tu pamamag-itan ni Jesus. Mismo hikam u nakatukoy ti pangyayariyan iye dipo nangyare iye he nikam.

Roma 14:18

U magserbi ni Cristo tu konna he a paraan ay makasaya tu Diyos sakay igalang siya nu kapareho na.

Roma 16:10

Ikumustaák moy be ni Apeles a essa a matapat a magserbi ni Cristo. Ikumustaák moy be tu sabilay ni Aristobulo,

Roma 2:29

U tatahoden a Judio ay u tolay a nabagu u puso tu pamamag-itan nu Ispirito nu Diyos, sakay bakán a dipo nature siya. U papure nikuna ay bakán a gábwat tu tolay nan gábwat tu Diyos.

1 Corinto 11:19

(Talaga a magguru-gurupo kam! Pero kaluuban dámbe nu Diyos ina tánni ketan nitideya nikam u matapat?)

1 Corinto 4:5

Kaya bakán a hikitam u magkagi ni tama oni madukás u essa a tolay. Maguhay kam tu tama a panahun, dipo u Panginoon u maghatul káddemát na. Iluwas na u bagay hide a netagu tu kadiklamman sakay ikagi na u lihim hide a plano nu balang essa. Ti panahunan iye, balang essa ay tumanggap ti papure a karapat-dapat nikuna a gábwat tu Diyos.

2 Corinto 10:12

Awan ko gusto a ibilang oni ipareho u sadile ko tu agum a magmadakál tu sadile de. Awan ti tukoy i tolayan ina hide! Dipo u sadile dila u ginimet de a sukatan sakay parisan.

2 Corinto 13:7

Pero idáddasal ko tu Diyos, a nakwa ay awan kam mággimet ti madukás, bakán a para paluwasán a tamaák, nan para makagimet kam ti maganda maski ni lumitaw a liwaták.

2 Corinto 3:1

Nadid, tu palagay moy beman ay páppuriyán me dámman i sadile miyáy? Awan kame konna tu agum a kailangan pa ti sulat para tanggapán moy oni sulat a gábwat nikam para tanggapán be tu agum a lugar.

2 Corinto 5:12

Kinagi me iye nikam a huway, bakán a para ipagmadakál nikam i sadile miyáy, nan para atádden kam ti rason a mepagmadakál moy kame, tanni matábbeg moy u tolay hide a mangpuri la tu bagay hide a pangluwas bakán a u maganda a ugale.

2 Corinto 6:4

Nan impeta me tu atanan a gimitán me a tagapagserbi kame nu Diyos: tu pamamag-itan nu págtiis tu atanan kalase nu kahirapan, kalungkutan, sakay kagipitan.

2 Timoteo 2:15

Pagsikapan mo a magin karapat-dapat tu atubang nu Diyos, bilang essa a tagapagserbi a awan ti ikasanike sakay tapat a tagapagtoldu tu tatahoden.

1 Pedro 1:7

U ginto a masida ay subukán tu apoy para matukuyan ni talaga a ginto. Konna labi hod, tu pánnampalataya moy, a mas mahalaga kasera tu ginto ay subukán be ti pagsubuk tán matukuyan ni talaga a matapat kam. Tánni mapuriyan, dakilaán, sakay parangalan kam tu Aldew a mehayag ti Jesu-Cristo.