2 Corinto 10:13 - U Maganda A Baheta Ni Jesu-Cristo

¹³ Pero awan kame lummampas tu kahád a inyatád nu Diyos nikame, u tarabaho a inlaan na nikame, kaguman dán u pángngaral me nikam.

2 Corinto 10:13 Σταυροειδείς Αναφορές

Mateo 25:15

Inatádden na ti pilak u kada essa ayon tu kanya-kanya na a kakayahan: inatádden na u essa ti limma a libo a piso, u essa be ay duwwa a libo sakay u essa be ay essa a libo Káttapos ay hinumektat siya.

Roma 10:18

Pero u tanung ko, awan palla beman nakasaneg u Israelita hide? Nakasaneg ngane hide! Dipo, te nesulat a konna he, “nasaneg tu atanan a suluk ni munduway u boses de sakay u atanan a kinagi de ay nasaneg tu buo a mundu.”

Roma 12:3

Dipo tu págpapala a impagkaluub nu Diyos nikán ay piniliyák na para magtoldu tu upos na, kagiyán ko nikam a dyan moy pahalagaan u sadile moy ti mas higit tu nerarapat. Ni awan tenggiyán moy u tunay moy a kakayanan ayun tu pánnampalataya a inyatád nikam nu Diyos.

Roma 12:6

Iba-iba u kakayanan a inyatád nikitam nu Diyos ayun tu habag na, kanya gamitán tam i kaluuban ina hide. Ni u kaluub nu essa a tolay ay págpahayag tu upos nu Diyos, kailangan ipahayag na iye ayun tu pánnampalataya na.

Roma 15:20

U pinakagugusto ko ay mepangaral u Maganda Baheta tu lugar hide a awan palla nepangaral ti Cristo tánni awanák makapangaral tu lugar a tehhod dán a tarabaho a sinapulan nu iba.

1 Corinto 12:11

Eessa la a Ispirito u náng-atád ti iye a atanan, sakay ibahagi na iye tu balang essa ayun tu kagustuwan na.

Efeso 4:7

Pero u bawat essa nikitam ay inátadden ni Cristo ti kaluub, ayun tu gustu na a inyatád.

1 Pedro 4:10

Pinagkaluuben nu Diyos u balang essa nikitam ti sadile na a kakayahan, kanya gamitán tam itod a kaluub para tu kapiyyaan nu atanan bilang mahusay a katiwala tu iba-iba a kaluub nu Diyos.