2 Corinto 10:1 - U Maganda A Baheta Ni Jesu-Cristo

¹ Nadid, hikán ti Pablo a u kagi nu agum a mapagpakumbaba tu atubang moy pero matapang ni adeyo, mákkekakagbiyák nikam alang-alang tu kapakumbabaan sakay kabaitan ni Cristo.

2 Corinto 10:1 Σταυροειδείς Αναφορές

Mateo 11:29

Magpasakup kam nikán konna tu essa a hayup a te paud sakay matuto kam nikán. Mabaiták sakay mapagpakumbaba kanya makaimang kamon.

Mateo 21:5

“Kagiyán moy tu taga banuwan nu Sion, ‘Ilengan moy, pademát dán u hare moy. Siya ay mapagpakumbaba; nakasakay la tu essa a bul-o nu asno.’ ”

Gimet 8:32

Iye u parte nu libro a bábbasaán na: “Kumán siya a essa a tupa a netakda a bunuwán Oni konna tu kordero a awan lumaban maski ni gapasan sakay awan ti kákkagi.

Roma 10:20

Sakay buo a tapang a kinagi ni Isaias: “Netanák nu awan hide mangehyok nikán. Nagpakilalaák tu tolay hide a awan magtanung nikán.”

Roma 12:1

Kanya ngane kákkapatkaka ko hide, kinagbiyan kam nu Diyos kaya mákpágguhunák nikam. Nadid a biyag kam palla, iparehu moy u biyag moy tu essa a alay a awan ti kapintasan a iyatád moy tu Diyos para págserbi nikuna mentaras biyag kam. Iye u makapangpasaya nikuna. Sakay iye u tatahoden a págsamba moy nikuna.

Roma 15:15

Pero nagsulaták pade tungkul tu bagay hide a dapat a ipaalaala nikam, dipo impagkaluub nu Diyos nikán

1 Corinto 2:3

Sakay nikuna hedák hina ay tukoy ko a kulang u kakayanan ko para magtoldu kanya magkábba-kábbaák sakay magpapágpággák ti ánteng a umatubang nikam.

1 Corinto 4:10

Kagi nu tolay hide, Awan kame kan ti tukoy dipo u itáttoldu me ay tungkul ni Cristo; pero mágkarunung kam kan dipo ni Cristo! Mágkahina kame kan; pero mágkabegsák kam kan! Sássestiyán kame pero igággalang kam!

1 Corinto 4:21

Ánya u gusto moy: angayák hina a págngállan takam, oni angayák hina a ipeta u págmahal sakay kabaitan ko nikam?

2 Corinto 10:10

Dipo kagi nu agum ay “Tu sulat la siya a matapang; pero tu harapan ay awan ti magimet.”

2 Corinto 10:2

Ipákpágguhon ko nikam a dyanák moy pilitán a magupos ti masaket káddemát ko hina. Dipo handaák a umatubang sakay pagupusan u tolay a nagkagi nikam a makamundu kan u kákkabiyag me.

2 Corinto 10:7

U problema nikam ay u panluwas la u áilingan moy. Tehhod hina a tolay a magkagi a hide kan ay tagapagserbi ni Cristo, ni konna hod ay dapat dibe a isipán a maski hikame ay hed ni Cristo.

2 Corinto 11:21

Makasani-sanike man, aminán ko a mahinaák ngane dipo awan ko kaya a gimitán ina! Pero ni tehhod a magmadakál ay makapagmadakállák be maski ni kumánnák a essa a awan ti tukoy.

2 Corinto 11:30

Ni magmadakállák ay mas maganda pa ni ipagmadakál ko u kahinaan ko hide.

2 Corinto 12:5

Mepágmadakál ko i karanasan kuwan iye, pero ni hikán la ay awanák ti mepagmadakál, maliban tu kahinaan ko hide.

2 Corinto 3:12

Dipo ti pag-asa miyan iye, ay mabegsák u pággisipan me a ibaheta u upos nu Diyos.

2 Corinto 5:20

Kaya hikame ay inutusan ni Cristo; a u Diyos a mismo u mákpágguhon nikam tu pamamag-itan me. Mákpágguhon kame nikam alang-alang ni Cristo; a magsole kamon tu Diyos.

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

2 Corinto 7:4

Grabi ti kadakál u págtiwala ko nikam, lagi takam a ipagmadakál! Maski makpal kame a tiniis, u mabate ko ay kasayaan a awan ti kapareho.

Galacia 4:13

Tukoy moy dámbe a tu dipalongo a pángngaral ko nikam ay te sakiták kayaák a nagnalay hina a nagtoldu nikam.

Galacia 5:2

Pakatandaan moy i kagiyán kuwáy, hikán ti Pablo u magkagi nikam a ni magpature kam para magin katanggap-tanggap tu Diyos ay mawanan dán ti halaga u ginimet ni Cristo para nikam.

Efeso 3:1

Kaya dipo ti iye, hikán a ti Pablo ay nepireso dipo tu pángngaral ko tungkul ni Cristo Jesus nikam a Hentil hide.

Efeso 4:1

Kaya nadid, bilang essa a nakapireso dipo tu págserbi ko tu Panginoon ay mákkekakagbiyák nikam a mabiyag kam a konna tu nerarapat bilang dinulaw hide nu Diyos.

Filipos 4:5

Ipeta moy tu atanan a tolay u kabaitan sakay pasensiya moy. Adene dán a dumemát u Panginoon.

Colosas 1:23

Pero kailangan a manatile kam a tapat sakay matatag tu pánnampalataya moy. Dyan moy pabayan a mawan u pag-asa a gábwat tu Maganda a Baheta a nasaneg moy. U Maganda a Baheta a iye ay nepangaral dán tu buo a mundu, sakay hikán ati Pablo ay naging tagapangaral ti iye.

2 Tesalonica 3:17

Hikán a ti Pablo u nagsulat ti iye a pángngumusta nikam: Iye u pirma ko tu atanan a sulat ko. Konnaák he a magsulat.

Filemon 1:19

Hikán a ti Pablo i nángsulatay he, hikán i mangbayaday tu ányaman a utang ni Onesimo niko. Pero ni tuusán ay utang mu be nikán u pákkatenggi mo ni Cristo.

Filemon 1:9

pero dipo mahal taka bilang kapátkákka ko, kaya mákkekakagbiyák dálla niko. Hikán ti Pablo, a matanda dan sakay nadid ay pumáppireso pa dipo ni Cristo Jesus.

1 Pedro 2:11

Kákkapatkákka ko hide, bakán a munduwáy u permamente tam a págyanan nan kumán kitam la a bisita ti iye. Kanya mákkekagbiyák nikam, adággen moy dán u mágkadukás a kagustuwan nu bággi moy dipo ina u mangsida tu kássunud moy tu Diyos.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.