2 Corinto 1:9 - U Maganda A Baheta Ni Jesu-Cristo

⁹ U akala me ay dummemát dán u odas me. Pero nangyare itod tánni awan kame magtiwala tu sadile me nan tu Diyos a mangbiyag a huway tu patay hide.

2 Corinto 1:9 Σταυροειδείς Αναφορές

Lukas 18:9

Kinagi ni Jesus iye a talinhaga tu tolay hide a u pangisip de tu sadile de ay mágkalinis, pero imemenos di la be u agum a tolay.

Roma 8:36

Ayun tu kinagi na tu Kasulatan a, “Alang-alang niko ay palagi a dilikadu ti kamatayan u biyag me. Kumán kame a u tupa hide a bunuwán.”

2 Corinto 1:10

Inligtas na kame tu kákkatay sakay tulos-tulos a ilálligtas, sakay umasa kame a tulos-tulos padi u pangligtas na nikame,

2 Corinto 1:8

Kákkapatkákka hide, ibaheta mi nikam u kahirapan a nadanas me ti Asia. Tunay ti kadágge iye a nadanas me, akala me ni matay kami dán.

2 Corinto 3:5

Ni tu sadile mi la, ay awan sapat u kakayanan me a gimitán iye; nan u Diyos u nángkaluub nikame ti kakayananan iye.

2 Corinto 4:7

Kumán kame la a pággasákkan a banga dipo awan kame ti kakayanan, pero intiwala na nikame i kayamanan iye a Ispirituwal dipo gustu na a ipatengge au awan masukat a kapangyariyan ay gábwat nikuna bakán me a kao.

Hebreo 11:19

Dipo maniwala ti Abraham a ni matay ti Isaac ay kaya siya a biyagán a huway nu Diyos a kumán a konna ngani hod u nangyare. Kumán a nesole nikuna ti Isaac a gábwat tu patay hide.