2 Corinto 1:5 - U Maganda A Baheta Ni Jesu-Cristo

⁵ Dipo ni sa kodya ti kadágge u táttiisán me a hirap tu pákpágkaessa ni Cristo, ay konna bi hod u kasayaan a natanggap me a gábwat nikuna.

2 Corinto 1:5 Σταυροειδείς Αναφορές

Lukas 2:25

Nadid, tehhod a essa a lállake a magyan ti Jerusalem a Simeon u ngahan na. Malinis siya a tolay sakay te ánteng tu Diyos sakay u Banal a Ispirito ay katoy nikuna. Makán uhayán siya ni nikán a dumemát u Cristo a mángligtas tu lahe ni Israel.

Gimet 9:4

kanya nalugmuk siya. Sakay nasaneg na u boses a nagdulaw nikuna, “Saulo, Saulo! Bakin páppahirapanák mo?”

Roma 8:17

Sakay bilang anak hide nu Diyos, hikitam ay tagapagmana nu Diyos sakay kaguman ni Cristo a magmana tu págpapala hide a inhanda na. Dipo ni magtiis kitam a konna ni Cristo tu itod ay dumemát u aldew a parangalan na kitam a kaguman na.

Filipos 1:20

U gugusto ko sakay áasaan ko ay awanák nakwa magkulang tu tungkulin ko, nan magkahodák ti begsák ni isip ánya man a odas. Tánni mabiyagák man oni matay dán ay mapapuriyan ti Cristo tu pamamag-itan ko.

Filipos 2:1

Nadid, dipo makapangatád ti begsák isip u biyag moy a nakaugnay ni Cristo, sakay tehhod kam a kasayaan tu págmahal na, sakay nákpagkaessa kam tu Banal a Ispirito, sakay te soh kam a tumulung tu agum,

Filipos 3:10

U gusto ko nadid ay matengge ku pa ti husto ti Cristo, maranasan u kapangyariyan nu kákkabiyag na a huway sakay mákhate tu tinággád na a hirap sakay pumareho nikuna pati tu kákkatay na.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

2 Timoteo 3:11

Tukoy-tukoy mo u atanan a pággusig sakay hirap, a dinanas ko ti Antioquia, Iconio sakay ti Listra. Tiniis ko u hirap hide a iye pero inligtasák nu Panginoon tu atanan a iye.

1 Pedro 4:13

Nan magsaya kam tu pághirap moy dipo nákpaghirap kam ni Cristo, tán masaya kam a tahod káddemát nu aldew a ketan tam u kadakilaan na.