2 Corinto 1:22 - U Maganda A Baheta Ni Jesu-Cristo

²² Tinatakan na kitam bilang kao na tu pamamag-itan nu pángkaluub na nikitam tu Ispirito na. Iye u patunay a matanggap tam u atanan a impanantu na.

2 Corinto 1:22 Σταυροειδείς Αναφορές

Juan 3:33

Pero u maniwala hide tu kinagi ni Jesus ay hide u mangpatunay a tatahoden u kinagi nu Diyos.

Juan 6:27

U makan ay masida, kanya diyan moy iye sikapan a ehyukan. U sikapan moy a ehyukan ay u makan a awan masisida sakay makapangatad ti biyag a awan ti kahad. Hikán a Anak nu Tolay u makapangatad ti biyag a hanggan-hanggan, dipo hikán u inatádden nu Ama ko ti kapangyariyan.”

Roma 4:11

Tinure siya bilang tanda a ibilang dán siya a matuwid dipo tu pánnampalataya na. Kanya ti Abraham ay imbilang a ama nu atanan a manampalataya a awan nature. Sakay dipo ngane tu pánnampalataya de, ay imbilang hide nu Diyos a matuwid.

Roma 8:23

Sakay bakán la a hide! Maski hikitam a timmanggap tu Banal a Ispirito bilang dipalongo a kaluub nu Diyos ay mágdadaingán be mentaras a maguhay kitam a matubus u bággi tam sakay ihayag nu Diyos a anak na kitam.

Roma 8:9

Pero awan kamon mabiyag a ayun tu makasalanan a pagkatolay nan ayun tu pággiya nu Banal a Ispirito, ni talaga a mágyan nikam u Ispirito nu Diyos. Ni u Ispirito ni Cristo ay awan tu essa a tolay ay bakán siya a kán Cristo.

2 Corinto 5:5

U Diyos be u nánghanda nikitam tánni tanggapán tam u bigu a bággi. U patunay ay inyatád na nikitam u Banal na a Ispirito.

Efeso 4:30

Sakay dyan moy palungkután u Banal a Spirito, dipo siya u tanda nu Diyos nikam, sakay siya u katibayan nu kaligtasan moy káddemát nu netakda a aldew.

1 Tesalonica 4:8

Kaya ni ti deya man u mangadi ti iye a adal ay bakán a tolay u inadiyan na nan u Diyos a náng-atád nikam tu Banal na a Ispirito.

2 Timoteo 2:19

Pero awan maare a mawan u tatahoden a toldu a gábwat tu Diyos. A konna tu pundasyon a indátton na sakay tinatakan na ti konna he, “Tukoy nu Panginoon ni deya u sakup na hide,” sakay “U tolay a sumunud tu Panginoon ay dapat ibutan na u gimet na a madukás.”

Pahayag 2:17

“Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide! U magtagumpay ay atádden ko tu netagu a manna. Sakay atádden ko siya ti mapudew a bito a sássulatan nu essa a bigu a ngahan a awan ti makatuko-tukoy maliban nikuna.”

Pahayag 7:3

Kinagi na, “Dyan moy palla sidaán u luta, u diget, sakay u kakayowan. Mentaras awan tam palla namarkaan u kidáp nu tagapagserbi hide nu Diyos.”

Pahayag 9:4

Pero nakagiyan hide a dyan de sidaán u lamu-lamon oni u ánya man a mula sakay u kakayowan hide. Nan u tolay la hide a awan ti marka nu Diyos tu kidáp u pasakitan de.