2 Corinto 1:18 - U Maganda A Baheta Ni Jesu-Cristo

¹⁸ Ni kodya a tapat u Diyos, ay konna bi hod u upos ko nikam: u “On” ko nadid ay manatile a “On.”

2 Corinto 1:18 Σταυροειδείς Αναφορές

Juan 7:28

Mentaras a magtoldu ti Jesus tu templo ay kinagi na ti mabegsák, “Tatahoden beman a matenggiyák moy sakay tukoy moy ni hádyaák a gábwat? U tatahoden ay awanák he immangay tu sadile kula a kagustuwan. U tunay a Diyos u nangpaangay he nikán, pero awan moy siya matengge.

Juan 8:26

U tatahoden ay makpalák pa a makagi sakay mehatul kontara nikam. Awanák ti ikagi tu tolay hide ti munduway liban tu ipekagi nikán nu nangpaangay he nikán. Sakay mapagkatiwalaan u kinagi na hide.”

1 Corinto 1:9

Matapat u Diyos a nangdulaw nikam tánni mákpagkaessa tu Anak na a ti Jesu-Cristo a Panginoon tam.

2 Corinto 1:23

Tistigu ko u Diyos, tukoy na u katoy tu puso ko a kayaák a awan immangay hina ti Corinto ay dipo gusto takam a atádden ti pagkakataun a magsise tu mágkadukás moy hide a gimet. Sakay para awan takam makagiyan.

2 Corinto 11:31

Awanák magbule-bule. Tukoy ina nu Diyos sakay Ama nu Panginoon a ti Jesus. Puriyán u ngahan na a awan ti kahád.

2 Corinto 2:17

Dipo awan kame konna tu agum a gággimitán de a negosyo u upos nu Diyos. Tukoy me a áelingán kame nu Diyos kaya bilang mánnampalataya ni Cristo sakay tagapagserbi nu Diyos, ay tapat kame a mangaral tu upos na.

2 Corinto 6:8

Bilang tagapagserbi nu Diyos, nadanas me a ahakán sakay imetmet, puriyán sakay sestiyan. Neturing kame a mabule, maski ni tatahoden u kagiyán me.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.

Pahayag 3:14

Isulat mo be iye tu anghel nu gurupo nu mánnampalataya hide ti Laodicea: Iye u pekagi nu te ngahan a Amen, u matapat sakay tatahoden a tistigu, sakay siya u pinaggábwatan nu atanan a linalang nu Diyos.

Pahayag 3:7

Isulat mo be iye tu anghel nu gurupo nu mánnampalataya hide ti Filadelfia: Iye u pekagi nu banal sakay u tatahoden, hod nikuna u susi oni kapangyariyan a nagsapul tu pághare ni David. Siya u maghatul ni ti deya u makasaddáp tu kahariyan na, nan awan ti makapángsiradu tu binukasan na, sakay awan ti makapangbukas tu siniraduwan na: