1 Tesalonica 2:9 - U Maganda A Baheta Ni Jesu-Cristo

⁹ Kákkapatkákka mi hide, siguradu a matandaan moy palla ni kodya kame a nagpagud a nagtrabaho aldew ay ti gibi tánni awan kami la makadágge nikam mentaras a ipakapospos me nikam u Maganda a Baheta a gábwat tu Diyos.

1 Tesalonica 2:9 Σταυροειδείς Αναφορές

Lukas 18:7

U Diyos pa wád u awan mángsuhog tu pinile na hide a mákkekakagbi nikuna ti aldew ay ti gibi. Paguhayán na beman wád hide ti malay a panahun?

Lukas 2:37

sakay nadid ay walo a pulo ay ti áppat dán a taon a nabilo. Lagi siya tu Templo aldew ay ti gibi a mágpapuriyán tu Diyos tu pamamag-itan nu págkakulasyon sakay pakándasal.

Gimet 18:3

sakay dipo pare-pareho hide a mággimet ti tolda ay nákpágyan dán hod siya sakay nákpagtarabaho a kaguman de.

Gimet 20:24

Pero awan nikán ti halaga u biyag ko, u mahalaga ay magimet kula u tungkulin ko sakay matapos u tarabaho a inyatád nikán nu Panginoon Jesus u págbaheta tu Maganda a Baheta tungkul tu kabaitan nu Diyos.

Gimet 20:31

Kanya magingat kam! Isipán moy a makpalák a luwa a timmuhog tu págtatoldu ko nikam aldew ay ti gibi tu tállo a taon a kakagumanák moy.

Roma 1:1

Iye a sulat ay gábwat ni apostol Pablo a tagapagserbi ni Jesu-Cristo a dinulaw sakay pinile na tánni mángbaheta tu Maganda a Baheta nu Diyos.

Roma 15:16

a magin utusanák ni Jesu-Cristo para tu bakán hide a Judio. Magserbiyák tu bakán hide a Judio a konna tu essa a saserdote sakay impangaral nide u Maganda a Baheta nu Diyos. Gimitán ko iye tánni magin alay hide a katanggap-tanggap tu Diyos, a nelaan nikuna tu pamamag-itan nu Banal a Ispirito.

Roma 15:19

Sakay tu pamamag-itan nu makataka-taka hide a bagay tu kapangyariyan nu Banal a Ispirito. Kanya nebaheta ko u Maganda a Baheta tungkul ni Cristo sapul ti Jerusalem hanggan ti Ilirico.

1 Corinto 4:12

Magtarabaho kame para tehhod a makan. Idáddasal me a pagpalaán u magupos nikame ti madukás; táttiisán me ni sássestiyán di kame.

1 Corinto 9:15

Pero awan ko ginamit iye hide a karapatan, sakay awanák nadid nagsulat nikam tán atáddinák moy ti tulung. Mas gustuwán ku pa a matayák ti aláp nan mák-agidák sakay itod u magin dahilan para awan ku dán mepagmadakál a itáttoldu ko u Maganda a Baheta ti libre.

1 Corinto 9:18

Anya nadid i mauhay kuway a gantimpala? Awan ti agum nan u págtoldu ko tu Maganda a Baheta ti libre sakay tu awan ko káasa tu karapatan ko a mangaged bilang mángngaral.

1 Corinto 9:4

Awan kame beman ti karapatan a umasa tu mannampalataya hide tu kailangan me hide?

2 Corinto 11:27

Nadanas ko be u matindi a hirap sakay pagud, pirme a magpuyat, matindi a aláp sakay uwaw. Nagdanasák ti dágnen dipo awanák ti mealikábkáb.

2 Corinto 11:9

Sakay nikuna nagkulangák hina ay awanák nakadágge maskin deya man nikam dipo tinulunganák nu kákkapatkákka hide ti Macedonia. Sapul pa ti sapul ay iniwasan ko dán a makadággi nikam ti anya man a paraan sakay ina u gimitán ko hanggan-hanggan.

2 Corinto 6:5

Binálbág di kame, impireso, sakay ginulo kame nu katolayan. Nadanas me a magtrabaho ti husto, awan mátdug ti magdamag sakay awan kuman ti sangan a aldew.

Filipos 4:16

Dipo maski nikuna katoyák dán ti Tesalonica ay bakán kam la a pepensangan a nagpatawed ti tulung para nikán.

1 Tesalonica 1:3

dipo kada magdasal kame tu Diyos a Ama tam ay maisip me u maganda moy a gimet a bunga nu pánnampalataya moy ni Jesu-Cristo. Sakay u pághirap moy dipo tu págmahal sakay tu págtággád moy dipo umasa kam a sumole u Panginoon tam a ti Jesu-Cristo.

1 Tesalonica 2:2

Tukoy moy be a pináppasakitan di kame sakay ináinsulto ti Filipos, pero maski ni makpal a hadlang ay inatádden kami pade nu Diyos ti begsák isip a ipakapospos nikam u Maganda a Baheta a gabwat nikuna.

1 Tesalonica 2:6

Awan me hinangad a puriyán moy kame oni puriyán nu agum a tolay.

1 Tesalonica 3:10

Idáddasal me ti husto aldew ay ti gibi a nakwa ay magketa kitam a huway tánni madagdagen ni anyaman u kulang pa tu pánnampalataya moy.

1 Timoteo 1:11

Iye a adal ay neayun tu Maganda a Baheta a inyintrega nikán nu dakila sakay mapagpala a Diyos.

1 Timoteo 4:10

Dipo he, kaya kitam a magsumikap sakay magtiyaga dipo u pag-asa tam ay katoy tu biyag a Diyos, u Tagapagligtas nu atanan a tolay, lalu dán tu atanan a mánnampalataya.

1 Timoteo 5:5

U tatahoden a bilo a bábbey ay u mággeessa dálla ti kákkabiyag sakay u Diyos dálla u áasaan na, kaya makándasalán siya aldew ay ti gibi.

2 Timoteo 1:3

Magpasalamaták tu Diyos a pagserbiyan ko ti tapat, konna tu ginimet nu nuno ko hide. Awan taka kalimunan a ipagdasal aldew ay ti gibi.