1 Tesalonica 2:8 - U Maganda A Baheta Ni Jesu-Cristo

⁸ Dipo grabi ti kadakál u págmahal me nikam ay inlaan mi dán u sadile me tu pángpakapospos me nikam tu Maganda a Baheta. Sakay bakán la a ina, nan iyalay mi pa u biyag me alang-alang nikam dipo mahal mikam a tahod.

1 Tesalonica 2:8 Σταυροειδείς Αναφορές

Lukas 7:2

Tehhod hod a essa a kapitan nu Romano a te pinakamamahal a alipin. Nadid tehhod a saket iye a alipin sakay magipepatay dán.

Roma 1:1

Iye a sulat ay gábwat ni apostol Pablo a tagapagserbi ni Jesu-Cristo a dinulaw sakay pinile na tánni mángbaheta tu Maganda a Baheta nu Diyos.

Roma 10:1

Kákkapatkákka ko hide, u gugusto ko a mangyare sakay u dasal ko tu Diyos ay u kaligtasan nu kalahe ko hide a Judio.

Roma 15:29

Maniwalaák a káddemát ko hina nikam, ay tawed ko u makpal a págpapala para nikam a gábwat ni Cristo.

2 Corinto 12:15

Masayaák maski ni iyatád ko u atanan a hod nikán sakay maski ni iyalay ko u biyag ko para tu kapiyyaan moy. Ni minahal takam ti husto, bakin awanák moy mamahal ti konna hod?

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

Galacia 4:19

Anak ko hide, dipo nikam kaya magdanasák dámman ti hirap a konna tu magenak a bábbey. Gimitán ko iye hanggan pumareho ni Cristo u biyag moy.

Filipos 1:8

Tukoy nu Diyos a grabi dán i ammaw kuwáy dipo dakál u págmahal ko nikam a konna tu págmahal ni Cristo Jesus nikam.

Filipos 2:17

U págserbi moy a bunga nu pánnampalataya moy ay kumán a alay moy tu Diyos. Ni kailangan a mebuhus u digi ko, masayaák pade; dipo tu kamatayan ko ay kumán a mebuhus u digi ko kaguman nu alay moy. Sakay dipo ti ina ay mákpagsayaák nikam.

Filipos 2:20

Awan dán ti iba a kapareho na tu pákpagkaessa na nikán tu págmalasakit tu kapiyyaan moy.

Filipos 4:1

Kaya ngane mahal ko hide a kákkapatkákka, magpakatatag kam tu pánnampalataya moy tu Panginoon. Mahal takam sakay maammawák nikam hikam u kasayaan sakay gantimpala tu págserbi ko.

Colosas 1:28

Itona u dahilan ni bakin a ipáppangaral me ti Cristo tu katolayan. Ipakapos-pos me sakay táttolduwan me hide tu atanan a tukoy me tungkul ni Cristo para meatubang me u balang essa tu Diyos, a awan ti kapintasan dipo tu pákpagkaessa de ni Cristo.

Colosas 1:7

Natukuyan moy iye ni Epafras, a tapat a alipin ni Cristo a mahal me a kaguman a tagapagserbi ni Cristo sakay siya u bilang bággi me nikuna nagtoldu siya nikam.

Colosas 4:12

Mákkumusta be nikam u kabanuwan moy a ti Epafras a alipin ni Cristo Jesus. Pirme nakam a idáddasal ti mataimtim a manatile kam a matatag, lumagu, sakay pirmi a sumunud tu kaluuban nu Diyos.

Filemon 1:1

Iye a sulat ay gábwat nikán a ti Pablo, a pumáppireso dipo tu pángpakapospos ko tu Panginoon tam a ti Jesu-Cristo. U kapátkákka tam a ti Timoteo u kaguman ku he. I sulat miyan iye ay para niko, Filemon, a mahal mi a kaguman tu gawain nu Panginoon.

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

1 Juan 3:16

Hed tam he a matukuyan u tatahoden a págmahal: inyalay ni Cristo u biyag na para nikitam. Kanya dapat be a iyalay tam u biyag tam para tu kákkapatkákka tam hide.