1 Tesalonica 2:5 - U Maganda A Baheta Ni Jesu-Cristo

⁵ Tukoy moy be a maski nikan ay awan kame naggamit ti makaakit a paggupos tanni maakit mikam. Sakay awan kame ti madukás a hangad tu págpakapospos me. U Diyos u tistigu me.

1 Tesalonica 2:5 Σταυροειδείς Αναφορές

Mateo 22:16

Kaya pinaangay de nikuna u sangan tu disepulus de hide a kaguman u sangan a sakop ni hare Herodes. Kinagi de, “Maistu, tukoy mi a hiko ay matapat sakay itáttoldo mo u buo a tatahoden a gusto nu Diyos a gimetan nu tolay hide. Awan ka ti piliyán dipo pareho u pangileng mo tu atanan a tolay.

Mateo 23:13

Nadid pinagkagiyan ni Jesus u maisto hide nu Kautusan ni Moises sakay u Pariseo hide, “Kakagbi kam! Mapagkunware kam! Hadlangán moy u tolay hide para awan hide mapaghariyán nu Diyos. Umád moy a magpasakop tu pághare nu Diyos ay hadlangan moy pa u masoh a magpasakop!

Gimet 20:33

Awanák naghangad ti pilak, ginto oni damit tu maskin deya.

Roma 1:9

Dipo tukoy nu Diyos a pagserbiyan ko ti buo a puso, tu pángngaral ko tu Maganda a Baheta tungkul tu Anak, na a palagi takam a idáddasal.

Roma 16:18

U tolay hide a konna hina ay awan magserbi tu Panginoon Jesu-Cristo, ni awan tu sadile de a hangad. Lállokuwán de la u kulang hide ti karunungan tu pamamag-itan nu mágkagaganda de a pággupos.

Roma 9:1

Nadid, hikán a mánnampalataya ni Cristo ay te kagiyánák nikam. Tatahoden u kagiyán ko awanák magbule-bule, sakay u Banal a Ispirito u mangpatunay a malinis u konsensiya ko a tatahoden u kagiyán ko.

2 Corinto 12:17

Bakin? Pinagsamantalaan ku beman u kabaitan moy tu pamamag-itan nu pinaangay ko hina hide?

2 Corinto 2:17

Dipo awan kame konna tu agum a gággimitán de a negosyo u upos nu Diyos. Tukoy me a áelingán kame nu Diyos kaya bilang mánnampalataya ni Cristo sakay tagapagserbi nu Diyos, ay tapat kame a mangaral tu upos na.

2 Corinto 4:2

Inadággen midán u gimet me hide a makasani-sanike sakay gággimitán ti tagu. Awan kame mángloko sakay awan me dag-dagen oni palitan u upos nu Diyos. Nan hayagan me a impangaral u tatahoden sakay iye ay tukoy nu Diyos. Kaya handa kame a pahatul maskin deya.

2 Corinto 7:2

Tanggapán moy kame tu puso moy. Awan kame ti ginimet a madukás maski ni tideya man nikam. Awan me sinida oni dinaya u tideyaman.

Galacia 1:20

Tatahoden a atanan i kinagi kuwáy ti sulatan iye, tukoy nu Diyos a awanák magbule-bule.

1 Tesalonica 2:10

Hikam u tistigu me sakay u Diyos, a tapat kame sakay awan ti mepintas tu ugale me sakay maayus u pákpággagum me nikam a mánnampalataya hide.

1 Timoteo 3:3

Sakay awan siya máglalasingán, awan mágbálbág nan masássohán ti kapayapaan, awan mákpágdadima sakay awan be masássohán ti pilak.

1 Timoteo 3:8

Konna be tu dyakuno hide tu simbaan, kailangan ay magin kagalang-galang hide, awan mabule, awan máglalasing, sakay awan masássohán ti pilak.

Tito 1:7

Dipo u tungkulin nu essa a pinuno nu simbaan ay para tu Diyos, dapat a awan siya ti kapintasan. Dapat a awan siya hambug oni alisto a maiyamut sakay dapat be a awan siya máglasing, awan mággulo oni hupa ni pilak.

1 Pedro 5:2

a alagaan moy hide ti maayus u pinile hide nu Diyos a inpagkatiwala na nikam. Alagaan moy hide a konna tu pággalaga nu pastol tu tupa na hide. Pospusán moy hide a maluwag tu isip moy dipo itod u gusto nu Diyos, bakán a u mapilitan kam la. Gimitán moy u tungkulin moy bakán a tu pangsadile moy a kapiyyaan nan gimitán moy itod dipo gusto moy a magserbi.

2 Pedro 2:18

Dipo u pangisip de ay tunay hide ti kalalake, pero awan labe ti seserbi u kákkagiyán de. Kákkagiyán de a awan madukás u kássunud tu kagustuwan nu pilas. Kanya maakit de a maggimet a huway ti madukás u bigu palla hide a immadág tu date de a madukás a kákkabiyag.

2 Pedro 2:3

Sakay tu makasadile de a kagustuwan, ay dayaán dikam tu pamamagitan nu mágkaganda a upos para maalap de u kayamanan moy. Nalay dán a nakahanda u hatul a para nide, sakay u Diyos a mangparusa nide ay awan tidug.

Judas 1:11

Kakagbi hide sakay makaánteng u demáttán ni iye hide a tolay dipo inaheg de u halimbawa ni Cain. Sakay dipo la tu pagkasoh de tu pilak ay impatibung de u sadi-sadile de a konna ni Balaam. Limmaban hide tu puno de a konna ni Core a pinuksa nu Diyos, kaya puksaan be hide nu Diyos.