1 Tesalonica 2:18 - U Maganda A Baheta Ni Jesu-Cristo

¹⁸ Sakay tunay u pagkasoh me a makasole hina. Bakán la a pumensangan a beses a binalak ko a bumisita hina nikam. Pero pirme kame a páppugáddan ni Satanas.

1 Tesalonica 2:18 Σταυροειδείς Αναφορές

Mateo 4:10

Pero inutusan ni Jesus ti Satanas “Umadeyo ka nikán Satanas. Dipo nakasulat be a ‘Sambaán mo u Panginoon a Diyos sakay siya la u sunudán mo awan dán ti agum.’”

Roma 1:13

Mahal ko hide a kákkapatkákka, gusto ko a matukuyan moy ni sanganák dán a beses a mággagayakán pero tehhod la a hadlang. Gusto ko a umangay hina tánni tehhodák be a maakit ti pánnampalataya ni Cristo, konna tu ginimet ko tu bakán hide a Judio tu lugar hide a inangayan ko.

Roma 15:22

U pángngaral ko tu lugar hide heeh u dahilan ni bakin hanggan nadid ay awanák palla makademát hina nikam.

1 Corinto 16:21

Hikán a ti Pablo u nagsulat ti iye a pángngumusta.

Filipos 4:16

Dipo maski nikuna katoyák dán ti Tesalonica ay bakán kam la a pepensangan a nagpatawed ti tulung para nikán.

Colosas 4:18

Hikán a ti Pablo i nágsulatay ti iye a pángngumusta, tánni matukuyan moy a iye a sulat ay talaga gábwat nikán. Diyan moy kalimunan a nakapiresuwák ipagdasalák moy. Pagpalaán kam nu Diyos.

2 Tesalonica 3:17

Hikán a ti Pablo u nagsulat ti iye a pángngumusta nikam: Iye u pirma ko tu atanan a sulat ko. Konnaák he a magsulat.

Filemon 1:9

pero dipo mahal taka bilang kapátkákka ko, kaya mákkekakagbiyák dálla niko. Hikán ti Pablo, a matanda dan sakay nadid ay pumáppireso pa dipo ni Cristo Jesus.

Pahayag 2:10

Dyan kam manteng tu hirap a adene moy dán a danasán. Tandaan moy: pepireso ni Satanas u sangan nikam bilang pagsubuk; magtiis kam tu alay nu sapulo a aldew. Magtulos-tulos kam la a matapat hanggan tu kamatayan, tánni premyuwan takam ti biyag a awan ti kahád.”