1 Tesalonica 2:16 - U Maganda A Baheta Ni Jesu-Cristo

¹⁶ Pilitán di kame a pugáddan tánni awan me mepangaral u Maganda a Baheta nu kaligtasan tu Hentil hide. Naputat dán hide ti kasalanan, kaya nadid ay meangay dán nide u iyamut nu Diyos.

1 Tesalonica 2:16 Σταυροειδείς Αναφορές

Mateo 12:45

Kanya magehyok siya ti pitto a mas madukás pa nikuna sakay angay hide a atanan sumáddáp tu dati na a págyanan sakay mágyan hide hod. Kanya mas lalo a dumukás u kalagayan nu tolay nan tu date. Konna labe hina u magin karanasan moy dipo madukás kam a katolayan.”

Mateo 23:32

Sige! Tapusán moy u sinapulan nu nuno moy hide!

Mateo 24:14

Sakay mepaliwanag ti buo a mundo u Maganda a Baheta a tungkol tu pághari nu Diyos para iye ay matukoyan nu atanan a bansa. Sakay káttapos ay dumemát u katapusan.”

Mateo 24:6

Makasanig kam ti gera sakay bahebaheta a te gera. Dyan kam maligalig. Dapat a mangyare hide iye pero bakán padla iye u katapusan.

Mateo 3:12

Siya u maghatul tu atanan a tolay. Ihiwalay na u mabait a tolay hide sakay tu madukás a tolay hide. Konna tu essa a tolay a ihiwalay na u bunga hide tu yaut. Puhunán na u bunga hide tu bilay na sakay tutudán na u yaut hide. Kanya magsisi kam tánni awan na kam parusaan tu apoy a awan maadaadáp a konna tu yaut a tinutod nu tolay.”

Markos 16:16

U sumampalataya sakay magpabawtismo ay maligtas, pero u umád a sumampalataya ay maparusaan.

Gimet 13:45

Pero nikuna ketan nu Judio hide u tuna't káppal a tolay ay nagsállap hide, kaya kinontara de u kákkagiyan ni Pablo sakay impasanike de siya.

Gimet 13:50

Pero sinulsulan nu Judio hide u bábbey hide a igággalang, sakay u lállake hide a pinuno tu banuwan a kalabanán di Pablo sakay ti Bernabe tánni mapalakad di hide ti banuwanan itod.

Gimet 14:19

Pero te dummemát a Judio hide a gábwat ti Antioquia sakay ti Iconio. Sakay sinulsulan de u tolay hide ti Listra a kumontara ni Pablo kaya binábbatikal di siya. Káttapos ay binehbeh di siya a paluwas tu banuwan tu buung akala de a patay dán.

Gimet 14:2

Pero u ginimet nu Judio hide a awan summampalataya ay sinida de u mánnampalataya hide tu awan summampalataya a Hentil, sakay sinulsulan de hide a kumontara tu mánnampalataya hide.

Gimet 14:5

Nagplano a agad ti madukás u Hentil hide sakay u Judio hide, kaguman u pupuno de hide kontara tu apostol hide. Binalak de a pasakitan hide sakay budasán.

Gimet 17:13

Pero nikuna mabaheta nu Judio hide a taga-Tesalonica a impangaral be ni Pablo ti Berea u Upos nu Diyos ay immangay be hide hod tánni sulsulan de u tolay hide a manggulo tu banuwan.

Gimet 19:9

Pero tehhod a sangan a awan summampalataya, maigát u págguluwan de sakay nagupos pa ti madukás kontara tu Toldu nu Diyos tungkul tu kaligtasan a hod ni Cristo tu atubang nu tolay hide. Kanya nilakaden ni Pablo u sinagoga sakay inkuyog na u mánnampalataya hide tu iskuwilaan ni Tirano sakay nagtulos-tulos siya a nagtoldu aldew-aldew.

Gimet 21:21

Sakay nabaheta de a itáttoldu mu kan tu Judio hide a mámmágyan tu banuwan nu Hentil hide a awan di dán kailangan a sumunud tu Kautusan ni Moises. Kinagi mo kam pa a diyan di dán turiyán u anak di hide oni diyan di dán sunudán u kaugaliyan tam a Judio hide.

Gimet 23:12

Tu kadimadimangan ay nágkasundu u Judio hide sakay nagpananto a awan kuman oni uminom mentaras awan de mabuno ti Pablo.

Gimet 24:9

Inayunan be nu Judio hide u atanan a kinákkagi ni Tertulo.

Gimet 25:2

Immadene nikuna u pinuno nu saserdote hide sakay u pinuno nu Judio hide sakay inyatubang de u reklamo kontara ni Pablo. Nákkekakagbi hide ni Festus

Gimet 25:7

Káddemát ni Pablo ay kinalibung-bungan siya nu Judio hide a gábwat ti Jerusalem. Makpal sakay mágkadágge u ibábbintang de kontara nikuna, pero awan di labe mapatunayan.

Gimet 4:12

Awan dan ti iba a makapangatád ti kaligtasan, dipo awan ti iba a pinaangay he u Diyos ti lutaáy para iligtas u tolay hide nan ti Jesus la.”

Gimet 9:23

Nikuna makalipas u sangan a aldew, ay namágkaessaan nu Judio hide a bunuwán ti Saulo.

1 Corinto 10:33

Magporsigiyák a mapasaya u atanan a tolay tu gággimitán ko; bakán la a u sadile ko a kapiyyaan u áisipán ko nan pate u kapiyyaan nu agum, tánni maligtas hide.

Galacia 5:11

Kákkapatkákka ko hide, tehhod kan a magkagi a ipáppangaral ko kan hanggan nadid a kailangan pade a magpature. Ni tatahoden ina ay awan dán nakwa ti magpahirap nikán. U tatahoden ay páppahirapanák di la dipo ipáppangaral ko u tungkul tu kákkepako ni Cristo tu kudus.

Efeso 3:13

Kanya dyan kam nakwa manghina dipo tu nabaheta moy a pághirap ko he para nikam. Iye a pághirap ay para tu kapiyaan moy.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

1 Tesalonica 1:10

Kinagi di pa a áuhayán moy dán u kássole ni Jesus a Anak nu Diyos a gábwat ti langet a biniyag nu Diyos a huway. Ti Jesu-Cristo u mángligtas nikitam tu pádemát a iyamut nu Diyos.

2 Tesalonica 2:10

Gimitán na u sari-sare a paraan a pagkamaliyan nu tolay hide a mepahamak. Mepahamak hide dipo umád de a pahalagaan u tatahoden a makapángligtas nide.

1 Timoteo 2:4

Gugustu na a maligtas u atanan a tolay sakay makatukoy tu tatahoden,

Hebreo 6:8

Pero ni tumubuway ay lamon sakay saet ay busungán nu Diyos dipo awan pakinabangan, káttapos ay tutudán.

Pahayag 22:11

U makán gimitán ti madukás ay magtulos-tulos a magpakadukás sakay u madangát ti kákkabiyag ay magtulos-tulos a magpakadangát. Pero u maggimet hide ti maganda ay magtulos-tulos a maggimet ti maganda. Sakay u banal ti kákkabiyag ay magtulos-tulos a magpakabanal.”