1 Pedro 5:3 - U Maganda A Baheta Ni Jesu-Cristo

³ Diyan moy ituring a alipin u tolay hide a intiwala nikam nu Diyos nan ipeta moy a maganda kam a halimbawa nide tánni ahigán di kam.

1 Pedro 5:3 Σταυροειδείς Αναφορές

Juan 13:15

Impeta ko nikam u halimbawa a dapat moy a ahigán kanya gimitán moy iye tu kaguman moy hide.

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

1 Corinto 11:11

Pero hikitam a manampalataya hide ni Cristo lállake man oni bábbey ay pareho hide a mahalaga. Kaya diyan kagiyán nu bábbey a awan na kailangan u lállake sakay diyan be kagiyán nu lállake a awan na kailangan u bábbey.

1 Corinto 3:5

Deya beman ti Apolos? Deyaák beman? Tagapagserbi kami la nu Diyos, ginamit nala tánni maakit kam a manalig ni Cristo. Gággimitán la nu balang essa u tarabaho a tinanggap na tu Panginoon.

1 Corinto 3:9

Dipo pareho kami la ay ti Apolos a mágtarabaho para tu Diyos, sakay hikam u kumán a araduwan sakay hikam u kumán a bilay a ipataknág nu Diyos.

2 Corinto 1:24

Bakán a gusto mi kam a págdipalonguwan tu pánnampalataya moy nan gusto mi la a tumulung tánni magin masaya kam tu pánnampalataya moy. Dipo matatag kamon tu pánnampalataya moy hina.

2 Corinto 4:5

Bakán a u sadile me u ipáppangaral me nan ti Cristo Jesus a Panginoon tam. Nagserbi kame nikam dipo tu págmahal me ni Cristo Jesus.

Filipos 3:17

Kákkapatkákka ko hide, ahigán moy u halimbawa ko. Sakay ahigán moy be u agum a mabiyag a konna nikame.

Filipos 4:9

Igimet moy u atanan a natukuyan moy, natanggap, nasaneg sakay netan moy nikán. Sakay u Diyos nu kapayapaan hod nikam.

1 Tesalonica 1:7

Kanya nagin halimbawa kam tu kákkapatkákka tam ti Macedonia sakay ti Acaya.

2 Tesalonica 3:9

Ginimet mi iye bakán a awan kame ti karapatan a maguhay tu tulung moy nan atáden me kam ti halimbawa a dapat moy a ahigán.

1 Timoteo 4:12

Dyan mo pabayan a imemenos kala nu agum dipo ulito ka palla. Nan magin halimbawa ka tu mánnampalataya hide: tu pággupos, ugale, págmahal, pánnampalataya sakay malinis a kákkabiyag.

Tito 2:7

Sakay hiko a mismo u mángpeta ti maganda tu atanan a gimitán mo tánni magin halimbawa ka tu atanan. Ipeta mo u katapatan tu págtoldu mo tánni ketan de a tatahoden u págserbi mo ni Cristo.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.