1 Pedro 4:11 - U Maganda A Baheta Ni Jesu-Cristo

¹¹ Ni tagapangaral u kaluub mo ay ipangaral mo u upos nu Diyos. Ni tagapagserbi u kaluub mo ay gamitán mo u begsák mo tu págserbi a inyatád niko nu Diyos tán puriyán de u Diyos tu pamamag-itan ni Jesu-Cristo. Kao nu Diyos u kapangyariyan sakay u karangalan hanggan-hanggan. Amen.

1 Pedro 4:11 Σταυροειδείς Αναφορές

Mateo 6:13

Sakay dyan ka pumayag a matoksu kame tu kasalanan nan iyadeyo mu kami ni Satanas. Dipo u kahariyan sakay u kapangyariyan ay kao mo hangganhanggan. Sakay hiko u mapuri tu atanan hangganhanggan. Amen.”

Juan 13:31

Nadid, nikuna a makalakad ti Judas, kinagi ni Jesus, “Hikán a Anak nu tolay ay odas dán a iyatád nikán nu Diyos u karangalan ko. Sakay mehayag dám be u karangalan nu Diyos dipo tu ginimet ko.

Gimet 7:38

Ti Moises u kaguman nu nuno tam hide tu parang. Siya u nákpágguhon tu anghel a nákpágguhon nikuna sakay tu ninuno tam hide tu Buked a Sinai. Siya u tummanggap tu upos hide a makapangatád ti biyag a gábwat tu Diyos para iyatád nikitam.

Roma 11:36

Dipo u atanan a bagay ay gábwat nikuna, sakay linalang na iye hide tu pamamag-itan na sakay para nikuna. Puriyán u Diyos a magpakahanggan! Amen.

Roma 12:3

Dipo tu págpapala a impagkaluub nu Diyos nikán ay piniliyák na para magtoldu tu upos na, kagiyán ko nikam a dyan moy pahalagaan u sadile moy ti mas higit tu nerarapat. Ni awan tenggiyán moy u tunay moy a kakayanan ayun tu pánnampalataya a inyatád nikam nu Diyos.

Roma 16:27

Puriyán tam u eessa a Diyos u marunung tu atanan. Puriyán tam siya a hangga-hanggan tu pamamag-itan ni Jesu-Cristo! Amen.

Roma 3:2

Tahod a mas higit u Judio hide tu makpal a bagay: Dipalongo tu atanan, hide u nángkatiwalaan nu Diyos tu upos na.

1 Corinto 10:31

Kaya ngane, ni kuman kam sakay uminom oni ányaman u gimitán moy, isipán moy pa ni iye ay makapure tu Diyos.

1 Corinto 12:4

Nadid, tehhod kitam a iba-iba a kaluub, pero eessa la u Ispirito a mágkaluub ti iye.

1 Corinto 3:10

Ayun tu kabaitan nu Diyos nikán, hikán u nagdátton tu pundasyon, konna tu essa a malalake a mágpataknág. Sakay u agum be u mángtapos tu bilay. Pero magin maingat u balang essa a mángtapos tu bilay,

1 Corinto 6:20

Dipo natubus kamon ti dakál a halaga. Kaya gamitán moy u bággi moy para maparangalan u Diyos.

2 Corinto 2:17

Dipo awan kame konna tu agum a gággimitán de a negosyo u upos nu Diyos. Tukoy me a áelingán kame nu Diyos kaya bilang mánnampalataya ni Cristo sakay tagapagserbi nu Diyos, ay tapat kame a mangaral tu upos na.

2 Corinto 9:13

U pángngatád moy ay mangpatunay nide a tapat moy a sinunud u Maganda a Baheta tungkul ni Cristo. Dipo hina, magpure hide tu Diyos.

Efeso 1:19

Sakay ipagdasal ku be a matukuyan moy u awan ti kahád a kapangyariyan na nikitam a manalig nikuna. Itod be a kapangyariyan,

Efeso 4:29

Dyan kam magupos ti madukás; sikapán moy a palagi a u ikagi moy ay kapiyyaan nu agum sakay neayun tu pagkakataun tánni makinabang u makasaneg hide.

Efeso 5:20

Bilang mánnampalataya tu Panginoon tam ati Jesu-Cristo lagi kam a magpasalamat tu Diyos Ama maski ánya man u mangyare nikam.

Efeso 6:10

Iye u dimodyan ko a kagiyán: Magpakatibay kam tu pánnampalataya moy tu Panginoon tu pamamag-itan nu dakila na a kapangyariyan.

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.

Filipos 2:11

Sakay ipakapospos nu atanan a tolay a ti Jesu-Cristo u Panginoon, para tu kapuriyan nu Diyos Ama.

Colosas 4:6

Pilitán moy a mawile hide tu pákpágguhon de nikam sakay adalán moy ti maganda ni kodya moy a tábbegán ti tama u balang essa.

1 Tesalonica 2:4

Tinanggap kame nu Diyos sakay pinagkatiwalaan tu págpakapospos tu Maganda a Baheta. Inpakapospos me iye, bakán a para pasayaán u tolay hide nan u Diyos a makatukoy tu bawat puso tam.

1 Timoteo 1:17

Nadid, U Diyos a Hare a awan ti kahad, awan ti kamatayan, awan ketan sakay maggeessa a Diyos siya u puriyán tam sakay parangalan hanggan-hanggan Amen!

1 Timoteo 6:16

Siya la u awan mata-matay, sakay mágyan tu demlag a awan maláttángngan. Awan ti tolay a naketa oni maketa nikuna. Kao na u karangalan sakay u awan ti katapusan a kapangyariyan. Amen.

Tito 2:1

Pero hiko Tito, ay itoldu mo u adal a neayun tu tama a toldu.

Tito 2:15

Itoldu mo iye hide a atanan sakay kagiyan mo hide a sunudán di iye. Te kapangyariyan ka a pagkagiyan hide ni kailangan kaya dyan mo pabayan a tehhod a mángmemenos niko.

Hebreo 13:7

Alalahanán moy u nangasiwa hide nikam, a nángpakapospos nikam tu upos nu Diyos. Isipán moy ni kodya hide a nabiyag hanggan a natay ate pánnampalataya. Ahigán moy u pánnampalataya de tu Diyos.

Hebreo 5:12

Dapat nakwa ay tagapagtoldu kamon, pero hanggan nadid ay kailangan kampa a tolduwan tu pasapul hide a adal tungkul tu upos nu Diyos. Hanggan nadid ay gatas palla u kákkanán moy embes a u mágkakásseng dán a makan.

Santiagu 1:19

Pakatandaan moy iye kákkapatkákka ko hide, dapat kam a handa a mágsaneg, isipán tam pa ti maayus u kagiyán tam bagu a magupos sakay diyan agad a maiyamut.

Santiagu 1:26

Ni tu pangisip nu tolay ay makidiyos siya pero awan na labe kaya a pugáddán u dila na, ay lállokuwán nala u sadile na, dipo awan ti pinagserserbiyan u pakidiyos na.

1 Pedro 2:12

Dapat kitam a mabiyag ti maayus tu atubang nu Hentil hide, ta maski ni bintangán dikam ti madukás, pero ketan de u mágkaganda moy a gimet ay magpure hide tu Diyos káddemát nu aldew a kássole na.

1 Pedro 2:5

Nadid, ay tehhod kamon a bigu a biyag a gábwat tu Diyos. Sakay nagkaessa kam a nagin konna tu essa a Templo. Kumán kam a bito a biyag a ginimet a templo na. Konna kam be tu essa a saserdote a nelaan para tu Diyos. U alay a ispiritwal a makasaya tu Diyos ay u págserbi moy nikuna alang-alang ni Jesu-Cristo.

1 Pedro 4:10

Pinagkaluuben nu Diyos u balang essa nikitam ti sadile na a kakayahan, kanya gamitán tam itod a kaluub para tu kapiyyaan nu atanan bilang mahusay a katiwala tu iba-iba a kaluub nu Diyos.

1 Pedro 4:16

Pero ni maghirap kam dipo tu pánniwala moy ni Cristo ay diyan moy ikasanike; nan magpasalamat kam tu Diyos, dipo nadulaw kamon a tolay ni Cristo.

1 Pedro 5:11

Katoy nikuna u atanan a kapangyariyan hanggan-hanggan. Amen!

Judas 1:25

Siya la u eessa a Diyos a Tagapagligtas tam tu pamamag-itan ni Jesu-Cristo a Panginoon tam, para la nikuna u kapuriyan, karangalan, kaluwalhatian, sakay kapangyariyan, sapul pa tu itod, nadid sakay hanggan-hanggan! Amen.