1 Pedro 2:2 - U Maganda A Baheta Ni Jesu-Cristo

² Dapat kam a mauwaw tu Upos nu Diyos, konna tu kákkauwaw nu anak ti gatas, tánni bumegsák u pánnampalataya moy hanggan matanggap moy u kaligtasan.

1 Pedro 2:2 Σταυροειδείς Αναφορές

Mateo 18:3

Kinagi na, “Pakatandaan moy iye: hanggan awan kam nagbago sakay pumarehas tu anak hide a mapakumbaba, talaga a awan kam mebilang tu pinaghariyán dán hide nu Diyos.

Mateo 19:14

Pero kinagi ni Jesus, “Pabayan moy a umadeni nikán u anak hide. Dyan moy hide bawalan dipo tu kapareho de hide u pághareyan nu Diyos.”

Markos 10:15

Tandaan moy: u umád a tumanggap tu pághare nu Diyos a konna tu págtanggap nu anak ay awan siya makasáddáp tu kahariyan nu Diyos.”

Lukas 18:17

Tandaan moy: ni deya man u awan mangtanggap tu pághare nu Diyos a konna tu bábbadit a anak ay awan paghariyan nu Diyos.”

Roma 6:4

Kanya nikuna a nabawtismuwan kitam, nelábbáng kitam a kaguman ni Cristo tánni makaguman na kitam be a mabiyag. Kanya ni kodya a nabiyag ti Cristo tu pamamag-itan nu dakila a kapangyariyan nu Ama, hikitam be ay mabiyag tu bigu a biyag.

1 Corinto 14:20

Kákkapatkákka hide, dyan kam konna tu isip nu anak. Pero ni tungkul tu págkasala magin konna kam tu anak a awan ti tukoy tu mágkadukás. Pero dapat a mágkakáttáng dán i isip moye.

Efeso 2:21

Tu pamamag-itan ni Cristo, u atanan a bahagi nu bilay ay natongko-tongko sakay nakataknág bilang banal a templo nu Panginoon.

Efeso 4:15

Nan manatili kitam tu katutuhanan a tehhod a págmahal tánni tu atanan a bagay ay magin konna kitam ni Cristo a siya u ulo nu atanan nu mánnampalataya hide.

2 Tesalonica 1:3

Kákkapatkákka me hide, lagi kame a magpasalamat tu Diyos dipo nikam. Dapat mila iye a gimitán, dipo tulos-tulos la u kállagu nu pánnampalataya moy ni Cristo, sakay mas pa u págmahal moy tu balang essa.

1 Pedro 1:23

Dipo neenak kamon a huway, bakán a tu pamamag-itan nu kákkeenak a maare palla a matay, nan tu bigu a biyag a hod nikam nadid a awan ti kahád, sakay inyatád nikam nikuna a simmampalataya kam tu awan magbabagu a upos nu Diyos.

2 Pedro 3:18

Pero lumagu kam tu kagbi nu Diyos sakay tu pákkatukoy moy tu Panginoon tam sakay Tagapagligtas a ti Jesu-Cristo. Puriyán siya nadid sakay magpakahanggan! Amen.