1 Pedro 1:17 - U Maganda A Baheta Ni Jesu-Cristo

¹⁷ Pare-pareho u pangileng nu Diyos nikitam a atanan. Hatulan na u balang essa a ayun tu ginimet na. Kanya ni dulawán tam a Ama u Diyos ni magdasal kitam ay dapat tam labe siya a igalang, mentaras a biyag kitam palla.

1 Pedro 1:17 Σταυροειδείς Αναφορές

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Mateo 22:16

Kaya pinaangay de nikuna u sangan tu disepulus de hide a kaguman u sangan a sakop ni hare Herodes. Kinagi de, “Maistu, tukoy mi a hiko ay matapat sakay itáttoldo mo u buo a tatahoden a gusto nu Diyos a gimetan nu tolay hide. Awan ka ti piliyán dipo pareho u pangileng mo tu atanan a tolay.

Mateo 6:9

Kanya magdasal kam a te kahulugan a konna he “Amáng a Diyos ti langet, ilangkaw nakwa nu tolay hide u ngahan mo.

Roma 11:20

Tatahoden ina. Kináttol hide dipo awan hide sumampalataya ni Cristo, sakay hikam ay inkabit dipo nanampalataya kam nikuna. Kanya dyan kam magmadakál, nan magkahod kam ti ánteng.

2 Corinto 1:2

Pagpalaán kam nakwa sakay magkahod ti kapayapaan a gábwat tu Diyos a Ama tam sakay tu Panginoon a ti Jesu-Cristo.

2 Corinto 5:6

Kaya pirme a mabegsák u pággisipan me maski ni tukoy me a mentras biyag kitam palla, ay awan kitam palla makasáddáp tu bilay a inhanda nu Panginoon.

2 Corinto 7:1

Nadid, mahal me hide a kákkapatkákka, nadid ta inpananto nikitam nu Diyos iye hide a bagay ay adággen tam u atanan a mágkadukás a gimet a makapangatád ti dangát tu isip tam sakay makedukás tu bággi tam. Sikapán tam a mabiyag ti banal sakay tehhod a ánteng tu Diyos.

2 Corinto 7:11

Ilingán moy u inyatád nu kalungkutan a ayun tu kaluuban nu Diyos. Dipo ti ina ay nagin masigasig kam a patunayan a awan kam ti kasalanan tungkul tu bagay hide a kinagi ko. Naiyamut kam tu gimet a madukás sakay nagkahod kam ti ánteng. Nagin masigasig kam a mesole u date tam a pamággagum. Sakay pinarusaan moy a agad u te kasalanan hide. Pinatunayan moy dán ina nikán a áwan kam ti tukoy ti kasalananan itod.

Galacia 2:6

U punu nu mánnampalataya hide ti Jerusalem ay awan be ti nakagi. Awan ti halaga nikán ni ti deyaman hide, dipo awan ti paboran u Diyos.

Efeso 1:17

Sakay u lagi ko a dasal tu Diyos nu Panginoon tam a Jesu-Cristo, u dakila a Ama, ay atádden na kam ti karunungan sakay pángngintendi gabwat tu Banal a Ispirito tánni makilala moy siya ti husto.

Efeso 3:14

Kanya kada maalaala ku iye a plano nu Diyos ay lumuhudák para magpasalamat tu Ama.

Efeso 6:9

Sakay hikam a amo hide, mákpággagum kam ti maganda tu alipin hide. Dyan moy hide pakantingán, dipo tukoy moy a pareho kam la a alipin nu eessa a Panginoon a katoy ti langet sakay pantay u pangileng na tu balang essa.

Filipos 2:12

Kanya ngane, mahal ko hide a kákkapatkákka, ni kodyaák moy a lagi a sássunudán nikuna mamágkaguman kitam palla ay nakwa lalo kam pa a masássunudán nadid maski ni adeyuwák nikam. Pagsikapan moy a mabiyag a neayun tu kaligtasan a tinanggap moy, sakay gimitán moy iye ate hod a ánteng sakay pággalang tu Diyos.

Colosas 3:25

U makasalanan be hide ay parusaan na ayun tu kasalanan de hide dipo u Diyos ay awan ti kampiyan.

Hebreo 12:28

Kanya magpasalamat kitam tu Diyos, dipo makaguman nakitamon tu kahariyan na a awan mayanág. Sambaan tam u Diyos tu paraan a makasaya nikuna, a tehhod a paggalang sakay ánteng;

Hebreo 4:1

Sakay nadid, u pananto nu Diyos tungkol tu imangan a inhanda na ay para labe nikitam. Kanya ngani mangilag kam makay tehhod nikam a awan makaguman tu impananto na.

1 Pedro 2:11

Kákkapatkákka ko hide, bakán a munduwáy u permamente tam a págyanan nan kumán kitam la a bisita ti iye. Kanya mákkekagbiyák nikam, adággen moy dán u mágkadukás a kagustuwan nu bággi moy dipo ina u mangsida tu kássunud moy tu Diyos.

1 Pedro 3:15

Igalang moy ti Cristo sakay sambaán moy siya bilang Panginoon. Dapat Pirme kitam a handa a magpaliwanag tu maski ni ti deya a magtanung nikam tungkul tu pánnampalataya tam.