1 Juan 5:8 - U Maganda A Baheta Ni Jesu-Cristo

⁸ U Banal a Ispirito, u dinom sakay u digi. Nagkaessa i tállowan iye tu págpatunay de.

1 Juan 5:8 Σταυροειδείς Αναφορές

Mateo 28:19

Kanya angay kam sakay gimitán moy a disepulus ko u atanan a tolay tu atanan a bansa. Bawtismuwan moy hide tu ngahan nu Ama sakay nu Anak sakay tu Banal a Ispiritu.

Markos 14:56

Makpal u nagtistigu ti kakabuliyan a kontara ni Jesus, pero awan pari-pareho u kinákkagi de.

Juan 15:26

Káttapos ay kinagi ni Jesus, “Paangayán ko nikam u Banal a Ispirito a gábwat tu Ama. Siya u mánggiya nikam, sakay itoldu na nikam u tatahoden. Káddemát na ay siya u mángpatunay ni ti deyaák a talaga.

Juan 19:34

Pero u essa a sundalo ay pinika na u hawes ni Jesus tu gayang, sakay bigla a nagbulos u dige ay tu dinom.

Gimet 15:15

Iye ay ayun labe tu insulat nu prupeta hide:

Roma 8:16

U Banal a Ispirito sakay u ispirito tam ay pareho a mangpatunay a anak kitam nu Diyos.

2 Corinto 1:22

Tinatakan na kitam bilang kao na tu pamamag-itan nu pángkaluub na nikitam tu Ispirito na. Iye u patunay a matanggap tam u atanan a impanantu na.

Hebreo 13:12

Kaya konna labi hod, natay ti Cristo tu luwas nu banuwan tán malinis na u tolay tu kasalanan de hide tu pamamag-itan nu dige na.

Hebreo 6:4

Dipo kodya mo a mapagsise sakay pasoliyán u immadág dán hide tu pánnampalataya de? Nademlagan dán hide tu itod, naranasan di dán be u kaluub a gábwat ti langet, sakay nakatanggap be hide tu Banal a Ispirito.

1 Pedro 3:21

I dinuman itod a lonso ay sa itod u mage letrato nu págbautismo a mángligtas nikam. Tu pamamag-itan nu kákkabiyag a huway ni Jesu-Cristo. U págbawtismo a iye ay bakán a para linisán u dangát nu bággi tam nan iye ay tanda a nagsise kitamon tu kasalanan tam hide. Dipo ti iye ay maare kitamon a iligtas nu Diyos dipo ti Cristo ay huway a nabiyag.

1 Juan 5:9

Ni maniwala kitam tu págpatunay nu tolay hide, ay dapat mas paniwalaan tam u págpatunay nu Diyos. Dipo siya mismo u nangatád ti tálluwan iye a patunay tungkul tu Anak na.