1 Juan 5:7 - U Maganda A Baheta Ni Jesu-Cristo

⁷ Kanya tehhod a tállo a makapagpatunay a ti Jesu-Cristo ay Anak nu Diyos:

1 Juan 5:7 Σταυροειδείς Αναφορές

Mateo 17:5

Nagupos padi siya nikuna a bigla a liniduman hide nu essa a makasili a diklam. Sakay gábwat hod ay te nagkagi, “Siya u pinakamahal ko a Anak a kinasayaan ko a tahod. Sanigan moy siya!”

Mateo 18:16

Pero ni umád siya sumanig, mángkuyog ka pa ti essa o duwwa a kapatkakka para u atanan nu pinaguhonan moy ay mapatunayan nu duwwa o tállo a sestigo.

Mateo 28:19

Kanya angay kam sakay gimitán moy a disepulus ko u atanan a tolay tu atanan a bansa. Bawtismuwan moy hide tu ngahan nu Ama sakay nu Anak sakay tu Banal a Ispiritu.

Juan 1:1

Bago u sapul átna dán u Upos. Kaguman nu Upos u Diyos sakay u Upos ay mismo a Diyos.

Juan 10:30

Hikán sakay u Ama ay eessa kame.”

Juan 12:28

Káttapos ay kinagi ni Jesus tu Ama, “Amáng ipeta mo u kapuriyan mo tu tolay.” Nikuna a nakagi na itod ay essa a boses u timmábbeg, “Impeta ku dán tu pamamag-itan mo, sakay huway ko iye a ipeta.”

Juan 14:17

Sa itod u Banal a Ispirito a magtoldu nikam ti tatahoden. Awan siya matanggap nu taga-mundu hide dipo awan siya ketan oni makilala nu tolay hide. Pero tukoy moy siya, dipo siya ay kakaguman moy a hod nikam a hanggan-hanggan.

Juan 15:26

Káttapos ay kinagi ni Jesus, “Paangayán ko nikam u Banal a Ispirito a gábwat tu Ama. Siya u mánggiya nikam, sakay itoldu na nikam u tatahoden. Káddemát na ay siya u mángpatunay ni ti deyaák a talaga.

Juan 5:26

U Ama mismo u pinaggabwatan nu biyag. Sakay u Anak ay inatádden na be ti kapangyariyan a paggabwatan nu biyag.

Juan 8:18

Patunayan ko a mismo i sadile kuwáy, sakay magpatunay be u Ama ko a nangutus nikán.”

Juan 8:54

Kinagi ni Jesus nide, “Ni hikán la u mánglangkaw tu sadile ko, awan iye ti kabuluhan. Pero u Ama, a kinagi moy a Diyos moy u mánglangkaw nikán.

Gimet 2:33

Pinággetnod siya tu kawanan nu Diyos sakay natanggap na u nepananto a Banal a Ispirito tu Ama. Iye u inyatád na nikame konna tu áelingán sakay masássaneg moy nadid.

Gimet 5:32

Hikame i mangpatunayay ti bagayan iye pati u Banal a Ispirito a impagkaluub nu Diyos tu atanan a sumássunud nikuna.”

1 Juan 1:1

Summulat kame nikam tungkul nikuna a tu sapul pa ay átna dán, u Upos a Makapangatád ti Biyag. Nasaneg mi siya, sakay netan me, namámmalas sakay natawiden.

1 Juan 5:6

Ti Jesu-Cristo ay immangay ti munduwáy, nabawtismuwan tu dinom sakay timmuhog u digi na tu kákkatay na. Bakán la siya a nabawtismuwan tu dinom nan timmuhog pa u digi na. U Banal a Ispirito u mangpatunay a tatahoden iye, dipo u tatahoden la u katoy tu Banal a Ispirito.

1 Juan 5:8

U Banal a Ispirito, u dinom sakay u digi. Nagkaessa i tállowan iye tu págpatunay de.

Pahayag 19:13

U imbadu na ay kumán a imbatad ti dige, sakay u págdulaw de nikuna ay “Upos nu Diyos.”