1 Juan 5:20 - U Maganda A Baheta Ni Jesu-Cristo

²⁰ Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.

1 Juan 5:20 Σταυροειδείς Αναφορές

Mateo 13:11

Tinábbeg na hide “Impakapospos nu Diyos nikam u sekreto nu Kahariyan na pero awan na ipakapospos nide.

Lukas 21:15

dipo hikán i mangtolduway nikam tu tama a itábbeg moy, tánni awan ti makagi u kadima moy hide.

Lukas 24:45

Binukasan na u iisip de para maintendiyan de u Kasulatan hide.

Juan 1:18

Maski nikan ay awan palla ti naketa tu Diyos Ama, pero impakilala siya nikitam nu Diyos Anak, u kaessa-essa a Anak a minahal nu Ama.

Juan 10:30

Hikán sakay u Ama ay eessa kame.”

Juan 14:20

Tu káddemát ni itona a odas ay matukuyan moy a hodák tu Ama. Sakay hikam ay hod kam be nikán, sakay hikán ay hodák be nikam.

Juan 14:23

Timmábbeg ti Jesus nikuna, “U mangmahal nikán ay sumunud tu upos ko. Mahalán siya nu Ama, sakay mágyan kame nikuna.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 14:9

Timmábbeg ti Jesus nikuna, “Awanák mu pad beman tukoy, Felipe, nalayák moy dán a kakaguman? U naketa nikán ay netan na dám be u Ama. Bakin a kagiyán mo a ipeta ko nikam u Ama?

Juan 15:4

Manatile kam nikán tán manatiliyák be nikam. Awan makapagbunga u essa a pinget ni awan nakakapit tu ponan. Konna bi hod u mangyare, awan kam magbunga ni awan kam manatile nikán.

Juan 17:14

Intoldu ku dán nide u upos mo. Tunay u ingál nu taga-mundu hide nide, dipo awan dán hide makamundu a konna nikán a bakán a makamundu.

Juan 17:25

Ama, a Banal maski ni awan ka tukoy nu taga-mundu hide ay tukoy taka, sakay tukoy nu maniwala hide a hiko u nangpaangay he nikán.

Juan 17:3

Sakay sa iye u gusto a kagiyán nu biyag a awan ti kahád: u matukuyan ka nu tolay hide a hiko la u tunay a Diyos, sakay matukuyan di be u pinaangay mu he.

Juan 20:28

Kinagi ni Tomas nikuna, “Hiko ngane u Panginoon ko sakay Diyos ko!”

Juan 8:42

Kinagi ni Jesus nide, “Ni u Diyos u Ama moy, mahalánnák moy nakwa, dipo hikán ay gábwat tu Diyos. Awanák immangay he tu sadile ko la a kagustuwan, nan pinaangayák na he.

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

Roma 9:5

U ninuno de hide ay pinile nu Diyos sakay u lahe de u ginábwatan ni Cristo nikuna a nagin tolay siya, u Diyos a makapangyariyan tu atanan sakay dapat a papuriyan a hanggan-hanggan! Amen.

1 Corinto 1:30

Siya u naggábwatan nu biyag moy nadid dipo tu pákpagkaessa moy ni Cristo Jesus. Nikuna tam a natukuyan u karunungan nu Diyos dipo nikuna sakay tu ginimet na tu kudus ay inturing kitam nu Diyos a matuwid, dipo pinatawad na dán u kasalanan tam. Imbilang kitam nu Diyos a banal sakay pinalaya na kitam gábwat tu kasalanan sakay inligtas na kitam.

2 Corinto 4:6

Dipo u Diyos mismo u nagkagi a, “Magkahod ti demlag tu kadiklámman.” Siya be u nangdemlag tu puso me hide tánni ketan me u kadakilaan nu Diyos a netan tu hupa ni Cristo.

2 Corinto 5:17

Kaya ni deya man u nákpagkaessa ni Cristo ay essa dán a bigu a nilalang. Awan dán u date na a pagkatolay; siya ay binagu dán.

Efeso 3:18

Sakay ni mangyare ina, hikam sakay u agum a mánnampalataya hide ay magkahod ti kakayahan a maintendiyan ni sakodya ti kalawak, kadakál sakay kadisalad u págmahal ni Cristo para nikitam,

Filipos 3:9

sakay mákpagkaessaák nikuna. Awan nák dán manalig a magin matuwid tu pamamag-itan nu kássunud tu Kautusan nan tu pánnalig ni Cristo. U pagin matuwid ko nadid ay kaluub nu Diyos nikán nikuna a simmampalatayaák ni Cristo.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

Tito 2:13

mentras a maguhay kitam tu dakila a aldew a áasaan tam. Iye u kássole nu dakila tam a Diyos sakay Tagapagligtas a ti Jesu-Cristo.

Hebreo 1:8

Pero iye u kinagi na tungkul tu Anak na, “U kahariyan mo, O Diyos, ay awan ti kahád, u pághare mo ay tehhod a katarungan.

1 Juan 2:23

U awan tumenggi tu Anak ay awan be tumenggi tu Ama. Ni deya man u tumenggi tu Anak ay tumenggi be tu Ama.

1 Juan 2:24

Pakaingatan moy tu puso moy u nasássaneg moy tu sapul nikuna summampalataya kam ni Jesus. Ni gimitán moy iye ay manatili kam a kaessa nu Anak sakay tu Ama.

1 Juan 2:6

Ni ti deya man u magkagi a nákpagkaessa siya tu Diyos ay dapat a mabiyag a konna tu kákkabiyag ni Jesu-Cristo.

1 Juan 4:14

Netan me sakay pinatunayan tu agum a pinaangay nu Ama u Anak na tán iligtas u tolay hide ti munduway.

1 Juan 4:16

Tukoy tam a mahal kitam nu Diyos, sakay pinagtiwalaan tam iye a tatahoden. U Diyos ay págmahal. U tolay a pirme a magmahal ay nákpagkaessa tu Diyos sakay nákpagkaessa be u Diyos nikuna.

1 Juan 4:2

Iye u pakatukuyan tam ni u Ispirito ngane nu Diyos u katoy nide: Ni kagiyan de a nagin tolay ti Jesu-Cristo.

1 Juan 5:1

Ni maniwala kitam a ti Jesus u Cristo a sinugu nu Diyos, ay anak kitam ngane nu Diyos. Sakay ni ti deya man u magmahal tu Ama ay magmahal be tu kapareho de a anak nu Ama.

1 Juan 5:15

Ni tukoy tam a sanigán na kitam, tukoy tam be a iyatád na u ányaman a agidán tam nikuna.

1 Juan 5:18

Tukoy tam a u anak hide nu Diyos ay awan tulos-tulos ti págkakasala, dipo bantayan hide ni Jesu-Cristo. Sakay awan hide maare a ahikadán ni Satanas.

1 Juan 5:5

Awan ti iba a magtagumpay tu mágkadukás a gimet ti munduway nan u maniwala la a ti Jesus ay Anak nu Diyos.

Pahayag 15:3

Mágkansiyon hide tu kansiyon ni Moises, a tagapagserbi nu Diyos sakay kansiyon be nu Tupa: “Panginoon a Diyos a makapangyariyan tu atanan, Dakila sakay makataka-taka u gimet mo hide! Hiko u Diyos nu bansa hide, Banal sakay tama u atanan a pámmalakad mo!

Pahayag 19:11

Káttapos ni iye ay nabukasan u langet, sakay naketaák ti kabayo a mapudew. U mágkabayo ay dáddulawán de a Matapat sakay Tatahoden dipo matuwid siya a maghatul sakay mákgera.

Pahayag 3:14

Isulat mo be iye tu anghel nu gurupo nu mánnampalataya hide ti Laodicea: Iye u pekagi nu te ngahan a Amen, u matapat sakay tatahoden a tistigu, sakay siya u pinaggábwatan nu atanan a linalang nu Diyos.

Pahayag 3:7

Isulat mo be iye tu anghel nu gurupo nu mánnampalataya hide ti Filadelfia: Iye u pekagi nu banal sakay u tatahoden, hod nikuna u susi oni kapangyariyan a nagsapul tu pághare ni David. Siya u maghatul ni ti deya u makasaddáp tu kahariyan na, nan awan ti makapángsiradu tu binukasan na, sakay awan ti makapangbukas tu siniraduwan na:

Pahayag 6:10

Makán pákhawán hide ti mabegsak, “Panginoon a Makapangyariyan, banal sakay tatahoden! Hanggan nikan kame pa a maguhay bagu mo a hatulan sakay parusaan u tolay hide a nangbuno nikame?”