1 Juan 5:19 - U Maganda A Baheta Ni Jesu-Cristo

¹⁹ Tukoy tam a anak kitam nu Diyos sakay tukoy tam be a u buo a mundo ay katoy tu kapangyariyan ni Satanas.

1 Juan 5:19 Σταυροειδείς Αναφορές

Lukas 4:6

Sakay kinagi nu diyablo ni Jesus, “Iyatád ko niko u atanan a kapangyariyan sakay kayamanan ti kahariyanan iye hide. Hikán i makákkaoway ti iye hide a atanan kanya maare ko iye a iyatád tu deya man a gusto ko a páng-atáddan.

Juan 12:31

Dummemát dán u odas a hatulan u mundu. Sakay palayasán ti Satanas a maghare tu mundu.

Juan 14:30

Awan ku dán pakaatakdugán i kákkagiyán kuwáy nikam, dipo pademát dán ti Satanas a siya u maghare ti munduwáy, pero awan siya ti kapangyariyan nikán.

Juan 16:11

Sakay male be hide tungkul tu pághatul nu Diyos dipo ti Satanas a mángdipalongo he ti munduwáy ay nahatulan dán a awan dán ti karapatan a maghare.

Juan 17:15

Awan ko idasal a alapán mu dán he hide ti munduwáy, nan ingatan mo hide para awan hide matalo ni Satanas.

Roma 8:16

U Banal a Ispirito sakay u ispirito tam ay pareho a mangpatunay a anak kitam nu Diyos.

2 Corinto 1:12

Essa a bagay u mepagmadakál me: nabiyag kame ti matuwid sakay tapat tu atubang nu atanan a tolay, lalu dán nikam. Nagimet mi iye dipo tu kagbi nu Diyos bakán a tu pamamag-itan nu karunungan nu mundu. Sakay mapatunayan nu isip me a tatahoden u ipagmadakál me.

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

2 Corinto 5:1

Nadid, tukoy tam a masida u bággi tam a luta a kumán a bilay a páppágyanan tam mentaras a katoy kitam palla ti munduwáy. Pero tukoy tambe a te inhanda u Diyos a para nikitam a bággi a panglanget. Iye ay awan mata-matay magpakahanggan dipo iye ay ginimet nu Diyos, bakán a ginimet nu tolay.

Galacia 1:4

Inyalay ni Cristo u sadile na dipo tu kasalanan tam, sigun tu kaluuben nu Diyos Ama tam. Ginimet na iye para meligtas kitam tu kadukássan a kasalukuyan a maghare ti munduwan iye.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

2 Timoteo 1:12

Ina u dahilan kaya maghirapák ti konna he. Pero maskin konna pa man hod u nangyare nikán, ay awan ko iye ikasanike. Dipo tukoy ko nitideya u sinampalatayaan ko sakay siguraduwák a awan na pabayan u impagkatiwala ko nikuna hanggan tu aldew a kássole na.

Tito 3:3

Dipo tu itod ay awan kitam be ti tukoy. Hikitam be tu itod ay masássuwayán sakay maigát ti págguluwan. Nalinlang kitam sakay naalipin kitam tu atanan a kalase nu kadukássan sakay mágkadangát a gimet, nabiyag kitam tu kadukássan sakay kassene. Kaiyamutan kitam nu agum sakay kaiyamutan tam be hide.

Santiagu 4:4

Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.

1 Juan 3:14

Tukoy tam a inumagton kitamon tu biyag gábwat tu kamatayan. Tukoy tam iye dipo mahal tam u kákkapatkákka tam hide. U awan magmahal ay manatile a hiwalay tu Diyos.

1 Juan 3:24

U sumunud tu utus nu Diyos ay mákkaessa tu Diyos sakay mákkaessa be u Diyos nikuna. Tukoy tam a nákkaessa u Diyos nikitam dipo tu Banal a Ispirito a inyatád na nikitam.

1 Juan 5:10

Ni ti deyaman u sumampalataya tu Anak nu Diyos ay maniwala ti iye a patunay. Ni ti deyaman u awan sumampalataya tu patunay nu Diyos ay ginimet na a mabule u Diyos. Dipo awan siya maniwala tu págpatunay na tungkul tu Anak na.

1 Juan 5:13

Insulat ko iye nikam tánni matukuyan moy a u simmampalataya hide tu Anak nu Diyos ay tehhod a biyag a awan ti kahád.

1 Juan 5:15

Ni tukoy tam a sanigán na kitam, tukoy tam be a iyatád na u ányaman a agidán tam nikuna.

1 Juan 5:18

Tukoy tam a u anak hide nu Diyos ay awan tulos-tulos ti págkakasala, dipo bantayan hide ni Jesu-Cristo. Sakay awan hide maare a ahikadán ni Satanas.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.

Pahayag 12:9

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.

Pahayag 20:3

sakay imbut nu anghel tu ábbut a awan ti kahád ti kadsalad. Insiradu na u ábbut sakay tinatakan na u pintuwan tánni awan siya makaluwas sakay makapagdaya tu bansa hide mentaras awan matapos u sanglibu a taon. Pero káttapos ni itod ay mapalaya siya ti sabadit a panahun.