1 Juan 5:18 - U Maganda A Baheta Ni Jesu-Cristo

¹⁸ Tukoy tam a u anak hide nu Diyos ay awan tulos-tulos ti págkakasala, dipo bantayan hide ni Jesu-Cristo. Sakay awan hide maare a ahikadán ni Satanas.

1 Juan 5:18 Σταυροειδείς Αναφορές

Mateo 5:37

Mas maganda a kagiyán mu dálla a ‘O’ ni kaya mo o ni ‘Awan’ ni awan mo kaya a gimitán. Dipo u págsumpa ay gábwat ni Satanas.”

Mateo 6:13

Sakay dyan ka pumayag a matoksu kame tu kasalanan nan iyadeyo mu kami ni Satanas. Dipo u kahariyan sakay u kapangyariyan ay kao mo hangganhanggan. Sakay hiko u mapuri tu atanan hangganhanggan. Amen.”

Juan 1:13

Nagin anak ngane hide nu Diyos, bakán a tu pamamagitan nu pangpilas a kákkeenak oni tu kagustuwan nu tolay, nan dipo tu kaluuben nu Diyos.

Juan 14:30

Awan ku dán pakaatakdugán i kákkagiyán kuwáy nikam, dipo pademát dán ti Satanas a siya u maghare ti munduwáy, pero awan siya ti kapangyariyan nikán.

Juan 15:4

Manatile kam nikán tán manatiliyák be nikam. Awan makapagbunga u essa a pinget ni awan nakakapit tu ponan. Konna bi hod u mangyare, awan kam magbunga ni awan kam manatile nikán.

Juan 15:7

Ni manatile kam nikán, sakay u upos ko ay manatile be nikam, ay iyatád ko u ánya man a agidán moy.

Juan 15:9

Mahal takam a konna tu pángmahal nikán nu Ama. Manatile kam tu págmahal ko.

Gimet 11:23

Nikuna dumemát hod sakay netan na u págpapala nu Diyos nide ay nasaya siya sakay pinayuwan na hide a atanan a manatile hide a tapat tu Panginoon.

Santiagu 1:18

Ayun tu kaluuban nu Diyos ay ginimet na kitam a anak na hide tu pamamag-itan nu impakapospos na a upos na a tatahoden, tánni magin pinakamahalaga kitam tu atanan a linalang na.

Santiagu 1:27

U ibilang nu Diyos a Ama tam a makidiyos ay u tumulung tu ulila sakay tu bábbey hide a bilo tu kahirapan de, sakay awan mák-aheg tu mágkadukás hide a gimet ti munduway.

1 Pedro 1:23

Dipo neenak kamon a huway, bakán a tu pamamag-itan nu kákkeenak a maare palla a matay, nan tu bigu a biyag a hod nikam nadid a awan ti kahád, sakay inyatád nikam nikuna a simmampalataya kam tu awan magbabagu a upos nu Diyos.

1 Juan 2:29

Ni tukoy moy a matuwid ti Cristo, ay dapat tukoy moy be a u atanan a mággimet ti matuwid ay anak nu Diyos.

1 Juan 3:12

Dyan kitam umaheg ni Cain; Naghare nikuna ti Satanas. Binuno na u wadi na. Bakin? Dipo madukás u gimet na pero matuwid u gimet nu wadi na.

1 Juan 3:3

Kanya ni ti deyaman u te konna he a pag-asa ay dapat a mabiyag a tehhod a kalinisan, konna ni Cristo.

1 Juan 3:9

U tatahoden a anak nu Diyos ay awan magtulos-tulos a maggimet ti kasalanan dipo katoy nikuna u biyag a gábwat tu Diyos. Sakay dipo u Diyos dán u ama na, awan dán siya maare a magtulos-tulos a maggimet ti kasalanan.

1 Juan 4:6

Pero kao kitamon nu Diyos kanya ni ti deyaman u tumenggi tu Diyos ay mágsaneg nikitam; pero awan mágsaneg nikitam u awan kao nu Diyos. Hed tam he a matukuyan ni tideya u magtoldu ti tatahoden a gábwat tu Ispirito nu Diyos sakay nitideya u magtoldu ti kakabuliyan a gábwat ni Satanas.

1 Juan 5:1

Ni maniwala kitam a ti Jesus u Cristo a sinugu nu Diyos, ay anak kitam ngane nu Diyos. Sakay ni ti deya man u magmahal tu Ama ay magmahal be tu kapareho de a anak nu Ama.

1 Juan 5:15

Ni tukoy tam a sanigán na kitam, tukoy tam be a iyatád na u ányaman a agidán tam nikuna.

1 Juan 5:19

Tukoy tam a anak kitam nu Diyos sakay tukoy tam be a u buo a mundo ay katoy tu kapangyariyan ni Satanas.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.

1 Juan 5:21

Anak ko hide, umadeyo kam tu diyos-diyosan hide.

1 Juan 5:4

dipo napagtagumpayan dán nu atanan a anak nu Diyos u mágkadukás a gimet ti munduway. Nagtagumpay kitam dipo tu pánnampalataya tam ni Jesu-Cristo.

Judas 1:21

Dyan kam sumina tu págmahal nu Diyos, mentaras a maguhay kitam ni Jesu-Cristo a Panginoon tam. Siya u mángkaluub nikitam tu biyag a awan ti kahád dipo tu kagbi na.

Judas 1:24

Puriyán tam nadid u kaessa-essa a Diyos tam a Tagapagligtas! Siya u mangtáttawed nikitam tánni awan kitam magkasala sakay siya u makapáng-adene nikitam tu atubang na a awan ti kapintasan sakay makapangatád ti kasayaan.

Pahayag 2:13

Tukoy ko a mámmágyan kam tu lugar a paghariyan ni Satanas, pero tulos-tulos kam padi a tapat nikán. Awan moy inadággen u pánnampalataya moy. Maski ni binuno ti Antipas, a matapat ko a tagapagserbi ti lugar moye a páppágyanan ni Satanas.