1 Juan 5:14 - U Maganda A Baheta Ni Jesu-Cristo

¹⁴ Kaya awan kitam magalangan a umadene nikuna dipo tukoy tam a iyatád na u ányaman a agidán tam ni ayun iye tu kagustuwan na.

1 Juan 5:14 Σταυροειδείς Αναφορές

Mateo 21:22

Sakay anya man u agidan moy tu panalangin ay maalap moy, ni naniwala kam.”

Juan 11:42

Tukoy ko a pirmiyák mo a sanigán. Kaya ko iye a kinagi ay dipo ti tolayáy hide, para maniwala hide a hiko u nángpaangay he nikán.”

Juan 14:13

Sakay maski ni ánya u agidán moy tu Diyos, tu pamamag-itan nu ngahan ko ay iyatád na, para maparangalan u Ama ko dipo nikán a Anak na.

Juan 15:7

Ni manatile kam nikán, sakay u upos ko ay manatile be nikam, ay iyatád ko u ánya man a agidán moy.

Juan 16:24

Hanggan nadid ay awan kam palla ti inaged nikuna tu pamamag-itan nu ngahan ko. Mangaged kam tán makatanggap kam, tán magin tunay u kasayaan moy.”

Juan 9:31

Tukoy tam a awan sanigán nu Diyos u makasalanan hide, pero u ti deyaman a te ánteng tu Diyos sakay manggimet tu kaluuben na ay sanigán na.

Efeso 3:12

Dipo tu pákpagkaessa sakay pánnampalataya tam ni Cristo Jesus, ay malaya kitamon a makaadene tu Diyos a awan ti ánteng oni págduwwa-duwwa.

Hebreo 10:35

Kanya diyan kam mawanan ti pánnalig tu Diyos, dipo tehhod a dakál a piremyo a nakalaan para nikam.

Hebreo 3:14

Dipo hikitam a atanan ay kaguman ni Cristo, ni manatile a matatag u pánniwala tam hanggan-hanggan, konna tu inpeta tam a pánnampalataya tu itod nikuna a bigu kitam palla a summampalataya nikuna.

Hebreo 3:6

Pero ti Cristo ay matapat bilang Anak a namahala tu pinili hide nu Diyos. Sakay hikitam u pamilya na hide ni tulos-tulos kitam a magin tapat tu pag-asa tam nikuna.

Santiagu 4:3

Sakay maskin magaged kam tu Diyos ay awan nakam atádden dipo madukás u katoy tu isip moy sakay gusto moy la a masunud u mágkadukás moy hide a kagustuwan.

Santiagu 5:16

Kanya itapat moy tu balang essa u kasalanan moy hide sakay ipagdasal moy u balang essa tánni magpiyya kam. Dakál u magimet nu panalangin nu tolay a pirme a sumunud tu kagustuwan nu Diyos.

1 Juan 2:28

Kanya ngane anak hide, itulos-tulos moy u pákkaessa moy ni Cristo tánni káddemát na a huway ay mabegsák u isip tam sakay awan kitam masanike nikuna ti aldiwan itod.