1 Juan 5:10 - U Maganda A Baheta Ni Jesu-Cristo

¹⁰ Ni ti deyaman u sumampalataya tu Anak nu Diyos ay maniwala ti iye a patunay. Ni ti deyaman u awan sumampalataya tu patunay nu Diyos ay ginimet na a mabule u Diyos. Dipo awan siya maniwala tu págpatunay na tungkul tu Anak na.

1 Juan 5:10 Σταυροειδείς Αναφορές

Juan 3:16

Dipo mahal a tahod nu Diyos u tolay hide ti munduway, kanya inyatád na u kaessa-essa na a Anak, para ni ti deya man u sumampalataya nikuna ay awan matay nan magkahod ti biyag a awan ti kahád.

Juan 3:18

U maniwala nikuna ay awan mahatulan a maparusaan, pero u awan maniwala nikuna ay nahatulan dán, dipo siya ay awan maniwala tu kaessa-essa a Anak nu Diyos.

Juan 3:33

Pero u maniwala hide tu kinagi ni Jesus ay hide u mangpatunay a tatahoden u kinagi nu Diyos.

Juan 5:38

sakay awan moy tinanggap u upos na dipo awan kam maniwala nikán a pinaangay na he.

Gimet 8:37

Kinagi nikuna ni Felipe, “Maare taka a bawtismuwan ni tunay u pánnampalataya mo tu Panginoon Jesu-Cristo.” Timmábbeg siya, “Maniwalaák a ti Jesu-Cristo u anak nu Diyos.”

Roma 8:16

U Banal a Ispirito sakay u ispirito tam ay pareho a mangpatunay a anak kitam nu Diyos.

Galacia 4:1

Iye u gusto ko a kagiyán; mentaras anak palla u magmana ay kumán a awan siya humigit tu alipin maski siya u mangkao tu atanan.

Galacia 4:6

Sakay para mapatunayan a anak kam nu Diyos, ay pinaangay na u Ispirito nu Anak na tu puso tam hide, tánni makadulaw kitam tu Diyos a, “Ama, Ama ko!”

Colosas 3:3

dipo kumán kamon a natay tu date moy a kákkabiyag, sakay u tatahoden moy a biyag ay katoy tu Diyos, kaguman ni Cristo.

Hebreo 3:12

Kanya magingat kam kákkapatkákka ko, a awan magkahod ti madukás a isip sakay mawanan ti pánniwala a magin dahilan nu káadág moy tu biyag a Diyos.

2 Pedro 1:19

Kaya lalo a timmibay u pánniwala me tu inpakapospos nu prupeta hide. Kaya dapat la a pakaisipán moy iye ti husto, dipo kumán iye a simbuwan a mangdemlag tu madiham a lugar hanggan tu aldew a káddemát nu Panginoon. Kapareho siya nu biton ti dimadimang a mangatád ti demlag tu isip moy.

1 Juan 1:10

Pero ni kagiyán tam a awan kitam nakagimet ti kasalanan ay ginimet tam a mabule u Diyos sakay awan ketan tu biyag tam u Upos na.

1 Juan 5:1

Ni maniwala kitam a ti Jesus u Cristo a sinugu nu Diyos, ay anak kitam ngane nu Diyos. Sakay ni ti deya man u magmahal tu Ama ay magmahal be tu kapareho de a anak nu Ama.

Pahayag 12:17

Dipo tu iyamut nu dragon ay binalingan na a geraán u nabuhay a lahe nu bábbey. Iye u tolay hide a sumássunud tu utus nu Diyos sakay nagtulos-tulos a nagin tapat tu tatahoden a inhayag ni Jesus.

Pahayag 2:17

“Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide! U magtagumpay ay atádden ko tu netagu a manna. Sakay atádden ko siya ti mapudew a bito a sássulatan nu essa a bigu a ngahan a awan ti makatuko-tukoy maliban nikuna.”

Pahayag 2:28

Sakay iyatád ko be nikuna u talang umaga a paketan tu tagumpay na.”