1 Juan 3:23 - U Maganda A Baheta Ni Jesu-Cristo

²³ Sa iye u utus na: Maniwala kitam tu Anak na a ti Jesu-Cristo sakay magmahalan kitam konna tu inyutus nikitam ni Cristo.

1 Juan 3:23 Σταυροειδείς Αναφορές

Mateo 22:39

Sa be iye u kaduwwa: Mahalán mo u kapareho mo konna tu pagmahal mo tu sadili mo.

Markos 9:7

Nadid ay tinaklábben hide nu diklám sakay tehhod hide a nasaneg a boses a gábwat tu diklám, kinagi na “Sa iye u pinakamamahal ko a Anak. Sanigán moy siya!”

Juan 1:12

Pero u atanan a timmanggap sakay naniwala nikuna ay inatádden na hide ti karapatan a magin anak nu Diyos.

Juan 13:34

Kanya essa a bigu a utus u iyatád ko nikam. Magmahalan kam, ni kodya takam a minahal ay konna bi hod u dapat moy a gimitán a págmahal tu bawat essa.

Juan 14:1

Nadid ay kinagi ni Jesus nide, “Diyan kam mabalisa. Magtiwala kam tu Diyos sakay magtiwala kam be nikán.

Juan 15:12

Sa iye u utus ko, magmahalan kam: konna tu págmahal ko nikam.

Juan 17:3

Sakay sa iye u gusto a kagiyán nu biyag a awan ti kahád: u matukuyan ka nu tolay hide a hiko la u tunay a Diyos, sakay matukuyan di be u pinaangay mu he.

Juan 2:23

Nadid, tu Aldew nu Kasayaan nu Pagtaleb ti Jerusalem, makpal a simmampalataya ni Jesus nikuna ketan de u makataka-taka a ginimet na.

Juan 3:18

U maniwala nikuna ay awan mahatulan a maparusaan, pero u awan maniwala nikuna ay nahatulan dán, dipo siya ay awan maniwala tu kaessa-essa a Anak nu Diyos.

Juan 6:29

Timmábbeg ti Jesus, “Sa iye u ipagimet nu Diyos nikam, maniwala kam nikán a pinaangay na he.”

Gimet 16:31

Kinagi de, “Maniwala ka tu Panginoon Jesus tán maligtas ka, pate u pamilya mo.”

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

1 Tesalonica 4:9

Nadid, tungkul dámman tu págmahal para tu kákkapátkákka, awan kamon dapat a paalaalaan dipo intoldu dán nikam nu Diyos ni kodya kam a magmahalan.

1 Timoteo 1:15

Tatahoden iye a pahayag kaya dapat a paniwalaan nu atanan: Dimmemát ti lutaáy ti Jesu-Cristo para iligtas u makasalanan hide. Sakay hikán u pinakamadukás tu atanan.

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

1 Pedro 4:8

U mahalaga tu atanan ay magmahalan kam ti tapat, dipo u págmahal ay makapagpatawad maski sakodya a kakpal u kasalanan.

1 Juan 2:7

Mahal ko hide a kákkapatkákka, bakán a bigu a utus u insulat ko nikam nan u date dán a utus a katoy dán nikam tu itod pa. Iye a mensahe ay nasaneg moy dán.

1 Juan 3:11

Sa iye u adal a nasaneg moy dán sapul nikuna a simmampalataya kam ni Jesus: Magmahalan kitam.

1 Juan 4:15

U mángpahayag a ti Jesus ay Anak nu Diyos ay katoy tu Diyos sakay katoy be nikuna u Diyos.

1 Juan 4:21

Sa iye u utus a inyatád nikitam ni Cristo: ni ti deya man u magmahal tu Diyos ay dapat be a magmahal tu kapatkákka na.

1 Juan 5:13

Insulat ko iye nikam tánni matukuyan moy a u simmampalataya hide tu Anak nu Diyos ay tehhod a biyag a awan ti kahád.