1 Juan 3:12 - U Maganda A Baheta Ni Jesu-Cristo

¹² Dyan kitam umaheg ni Cain; Naghare nikuna ti Satanas. Binuno na u wadi na. Bakin? Dipo madukás u gimet na pero matuwid u gimet nu wadi na.

1 Juan 3:12 Σταυροειδείς Αναφορές

Mateo 13:19

U pánghalimbawaan nu bine hide a neangay tu digdig nu dilan ay u essa a tolay a nakasaneg tu baheta tungkul tu pághare nu Diyos pero awan na iye naintendiyan. Dumemát ti Satanas, inagew na tu isip na u nasaneg na.

Mateo 13:38

U luta ay u mundo, u maganda a kalase a halaman ay u tolay hide a naghariyan nu Diyos. U madukás a kalase a halaman ay u tolay hide a kao ni Satanas.

Mateo 23:35

Dipo tu gimitán moy, dumemát nikam u parusa tu págbuno tu atanan nu tolay a matuwid tu buo a mundo. Magsapul tu págbuno tu awan ti kasalanan a ti Abel hanggan tu págbuno ni Zacarias a anak ni Baraquias. Binuno moy siya tu bállog nu págalayan sakay tu templo.

Mateo 27:23

“Bakin, anya beman a madukás u ginimet na?” tanong ni Pilato. Pero lalo pa hide a pimmákhaw, “Ipako siya tu kudus!”

Mateo 5:37

Mas maganda a kagiyán mu dálla a ‘O’ ni kaya mo o ni ‘Awan’ ni awan mo kaya a gimitán. Dipo u págsumpa ay gábwat ni Satanas.”

Lukas 11:51

sapul tu pángbuno ni Cain ni Abel hanggan ni Zacarias a binuno tu sállat nu Templo a págtutudan ti alay. Hikam a mabiyag nadid u maparusaan dipo tu ginimet de.”

Juan 10:32

Pero kinagi nide ni Jesus, “Impeta ko nikam u makpal a mágkaganda a gimet a impagimet nikán nu Ama. Hádya ti iye hide u dahilan para batikalánnák moy?”

Juan 8:40

Pero gustuwák moy a bunuwán, maski ni kagiyán ko la nikam u tatahoden a nasaneg ko a gábwat tu Diyos. Pero ti Abraham awan siya ti ginimet a konna tu madukas a gusto moy a gimitan nikan.

Juan 8:41

U gággimitán moy ay gággimitán nu ama moy a essa.” Timmábbeg hide ni Jesus, “Bakán kame a mungaw. U Diyos u Ama me!”

Gimet 7:52

Ti deya beman a prupeta i awanay pinahirapan nu nunu moy hide? Binunu de u nánghula tu káddemát nu Banal a intokyon moy be sakay impabuno.

1 Tesalonica 2:14

U nangyare nikam kákkapatkákka mi hide, ay konna tu nangyare tu gurupo nu mánnampalataya hide ni Cristo a mágyan ti Judea. Pinasakitan kam nu kabanuwan moy hide a konna tu taga-Judea hide pinasakitan hide nu kasa-Judio di labe hide.

Hebreo 11:4

Dipo tu pánnampalataya tu Diyos, ay nagalay ti Abel ti mas maganda a alay nan tu inhandog ni Cain. Kanya nebilang a matuwid ti Abel nikuna tanggapán nu Diyos u alay na. Maski ni nalay dán siya a natay ay magupos padi siya tu pamamag-itan nu pánnampalataya na tu Diyos.

Hebreo 12:24

Sakay umadene kitam ni Jesus, u tagasuhog tu bigu a kasunduwan. Sakay nákkaguman kamon tu kapatawaden nu kasalanan dipo tu nebuhus a dige ni Cristo. Awan iye kapareho nu kákkebuhus nu dige ni Abel a mangaged ti katarungan.

1 Pedro 4:4

Kanya, magtaka dán hide ni bakin a awan kamon mákpággagum nide tu pággimet de ti madukás, kanya sidaán dikamon sakay sestiyán.

1 Juan 3:8

U magtulos-tulos a maggimet ti kasalanan ay kaessa ni Satanas dipo sapul pa tu itod ay mággagimitán dán siya ti kasalanan. Kaya ummangay he u Anak nu Diyos ay para sidaán u gimet ni Satanas.

Judas 1:11

Kakagbi hide sakay makaánteng u demáttán ni iye hide a tolay dipo inaheg de u halimbawa ni Cain. Sakay dipo la tu pagkasoh de tu pilak ay impatibung de u sadi-sadile de a konna ni Balaam. Limmaban hide tu puno de a konna ni Core a pinuksa nu Diyos, kaya puksaan be hide nu Diyos.

Pahayag 17:6

Netan ko i bábbiyan iye a lasing tu dige nu pinile hide nu Diyos, sakay tu dige nu binábbuno na hide dipo tu kássunud de ni Jesus. Nagtakaák tu pákketa ko nikuna.