1 Juan 3:10 - U Maganda A Baheta Ni Jesu-Cristo

¹⁰ Hed tam he a matukuyan ni deya u anak nu Diyos sakay ni deya u anak ni Satanas: Ni deya man u awan maggimet ti maganda sakay awan magmahal tu kapatkákka na ay bakán a anak nu Diyos.

1 Juan 3:10 Σταυροειδείς Αναφορές

Mateo 13:38

U luta ay u mundo, u maganda a kalase a halaman ay u tolay hide a naghariyan nu Diyos. U madukás a kalase a halaman ay u tolay hide a kao ni Satanas.

Lukas 6:35

Nan mahalán moy u kadima moy hide. Mággimet kam ti maganda nide sakay magpaáddem kam a awan dán umasa ti ánya pa man a bayad. Tánni dakál u piremyo a matanggap moy. Tán hikam u magin anak nu Dakila a Diyos. Dipo siya ay makákkagbiyan tu mágkadukás sakay tu awan hide tumáttenggi ti utang a luub nikuna.

Juan 1:12

Pero u atanan a timmanggap sakay naniwala nikuna ay inatádden na hide ti karapatan a magin anak nu Diyos.

Juan 11:52

Sakay bakán la a tu bansa de, nan para tu atanan a anak nu Diyos a nekalat tu buu a mundu, para hide ay ipunán sakay pagessaán.

Juan 8:44

Ti Satanas u ama moy. Sakay ni ánya u gusto na ay itod u gusto moy be a gimitán. Mágbabono siya sapul pa tu sapul, sakay umád na u tatahoden dipo awan u tatahoden nikuna. Dipo ugale na dán a mágbabuli-buliyán dipo mabule siya, sakay siya u naggábwatan nu atanan kakabuliyan.

Juan 8:47

Dipo u anak nu Diyos ay mágsaneg tu Upos nu Diyos. Bakán kam a anak nu Diyos dipo awan kam mágsaneg tu upos nu Diyos.”

Gimet 13:10

sakay kinagi na, “Hiko! Anak ka nu diyablo! Kadima mo u atanan a bagay a tama! Katoy niko atanan a kakabuliyan sakay págdaya! Bakin pirme mo a baliktadan u tatahoden tungkul tu Panginoon?

Roma 13:8

Dyan kam manatile a te sagutin ni deyaman, liban tu sagutin moy a magmahalan. Dipo u magmahal tu kapatkákka na ay mangtupad tu Kautusan.

Efeso 5:1

Kanya ahigán moy u Diyos dipo atanan moy ay pinakamamahal na a anak.

Colosas 3:14

Sakay higit tu atanan, magmahalan kam dipo iye u mangatád ti tunay a págkakaessa.

1 Timoteo 1:5

U layunin ni bilinan iye ay magkahod kitam ti págmahal a gábwat tu malinis a puso, malinis a isip, sakay ti matapat a pánnampalataya.

1 Juan 2:29

Ni tukoy moy a matuwid ti Cristo, ay dapat tukoy moy be a u atanan a mággimet ti matuwid ay anak nu Diyos.

1 Juan 3:1

Isipán moy la ni sakodya ti kadakál u págmahal nikitam nu Ama. Dinulawan na kitam a anak na, a itona ngane u tatahoden. Iye u dahilan ni bakin awan kitam kilala nu makamundo hide a tolay dipo awan de tenggiyán u Diyos.

1 Juan 3:2

Mahal ko hide a kákkapatkákka, anak kitamon nadid nu Diyos. Pero awan padla ketan ni ánya u magin kalagayan tam. Tukoy tam a tu káddemát a huway ni Cristo ay magin konna kitam nikuna dipo ketan tam a talaga siya.

1 Juan 4:21

Sa iye u utus a inyatád nikitam ni Cristo: ni ti deya man u magmahal tu Diyos ay dapat be a magmahal tu kapatkákka na.

1 Juan 4:6

Pero kao kitamon nu Diyos kanya ni ti deyaman u tumenggi tu Diyos ay mágsaneg nikitam; pero awan mágsaneg nikitam u awan kao nu Diyos. Hed tam he a matukuyan ni tideya u magtoldu ti tatahoden a gábwat tu Ispirito nu Diyos sakay nitideya u magtoldu ti kakabuliyan a gábwat ni Satanas.

1 Juan 4:8

U awan magmahal ay awan tumenggi tu Diyos, dipo u Diyos ay págmahal.

1 Juan 5:19

Tukoy tam a anak kitam nu Diyos sakay tukoy tam be a u buo a mundo ay katoy tu kapangyariyan ni Satanas.

1 Juan 5:2

Sa iye u pakatukuyan tam a mahal tam u anak hide nu Diyos: Ni mahalán tam u Diyos sakay sunudán u utus na hide.

3 Juan 1:11

Mahal ko a amigu, dyan mo ahigán iye hide a madukás a halimbawa. U ahigán mo ay u maganda, dipo u maggimet ti maganda ay anak nu Diyos; u maggimet ti madukás ay awan palla nakatengge tu Diyos.