1 Juan 2:27 - U Maganda A Baheta Ni Jesu-Cristo

²⁷ Pero maski ni magkakonna hod ay katoy dán nikam u Banal a Ispirito a inyatád ni Cristo. Mentaras a katoy nikam u Banal a Ispirito ay awan kamon kailangan a tolduwan ni deya man. U Banal a Ispirito u mángtoldu nikam tu atanan, sakay u atanan a itoldu na ay tatahoden, bakán a kakabuliyan. Kanya manatili kam ni Cristo dipo ina u intoldu nikam nu Ispirito.

1 Juan 2:27 Σταυροειδείς Αναφορές

Mateo 13:11

Tinábbeg na hide “Impakapospos nu Diyos nikam u sekreto nu Kahariyan na pero awan na ipakapospos nide.

Juan 14:16

Sakay magdasalák tu Ama a atádden nakam ti Banal a Ispirito, siya u Tagagiyya nikam, kaguman moy siya a hanggan-hanggan.

Juan 14:17

Sa itod u Banal a Ispirito a magtoldu nikam ti tatahoden. Awan siya matanggap nu taga-mundu hide dipo awan siya ketan oni makilala nu tolay hide. Pero tukoy moy siya, dipo siya ay kakaguman moy a hod nikam a hanggan-hanggan.

Juan 14:26

Pero ni nakalakadák dán, u tagagiyya nikam ay u Banal a Ispirito a paangayán he nu Ama. Siya u mangtoldu nikam tu atanan a bagay sakay mángpaala-ala nikam tu atanan a kinagi ko nikam.

Juan 16:13

Pero káddemát nu Banal a Ispirito a tagapagtoldu tu tatahoden ay tulungan nakam para maintendiyan moy u atanan a tatahoden. U itoldu na ay bakán a gábwat nikuna, nan u nasaneg nala tu Diyos u kagiyán na. Sakay kagiyán na be nikam u tungkul tu bagay hide a dumemát.

Juan 4:14

pero u uminom tu dinom a iyatád ko ay awan dán mauwa-uwaw. Dipo u dinom a iyatád ko ay konna tu essa a hábwayan a awan makakatiyan. Sakay u tolay a tumanggap ti iye ay magkahod ti biyag a awan ti kahád.”

Juan 6:45

Ayun tu insulat nu prupeta hide, ‘Tolduwan hide a atanan nu Diyos.’ Kanya u atanan nu mágsaneg sakay nakatukoy tu Ama ay umadene nikán.

1 Corinto 2:12

Pero bakán a u ispirito nu mundu u tinanggap tam nan u Ispirito nu Diyos, tánni maintendiyan tam u kaluub hide a inyatád na nikitam.

1 Corinto 2:13

Kaya ngane a mangaral kame tu pamamag-itan nu karunungan nu Banal a Ispirito bakán a ayun tu karunungan nu tolay. U ipáppaliwanag me tu páppágyanan hide nu Ispirito nu Diyos ay u tatahoden a Ispiritwal.

2 Corinto 1:21

U Diyos u nangpatibay nikame sakay nikam tu pákpágkaessa tam ni Cristo, sakay siya be u nangpile nikitam.

Efeso 4:21

Ni talaga sinaneg moy u toldu na sakay natolduwan kam tu katutuhanan a katoy ni Jesus,

Colosas 2:6

Ta tinanggap moy dán ti Cristo Jesus bilang Panginoon, ay dapat mabiyag kam a karapat-dapat nikuna.

1 Tesalonica 2:13

Kaya ngane, pirme kame a magpasalamat tu Diyos, dipo nikuna a ipakapospos me nikam u Upos na, ay tinanggap moy iye dipo naintendiyan moy a tatahoden iye a Upos nu Diyos, bakan a upos nu tolay. Kaya ngane u kapangyariyan nu Upos na ay ketan tu maayus moy a kákkabiyag a mánnampalataya hide.

1 Tesalonica 4:9

Nadid, tungkul dámman tu págmahal para tu kákkapátkákka, awan kamon dapat a paalaalaan dipo intoldu dán nikam nu Diyos ni kodya kam a magmahalan.

1 Timoteo 2:7

Dipo he ay napiliyák a tagapagbaheta, apostol, sakay tagapagtoldu ti pánnampalataya sakay tu tatahoden tu Hentil hide. Tatahoden i kagiyán kuwáy, awanák magbule-bule.

1 Pedro 1:23

Dipo neenak kamon a huway, bakán a tu pamamag-itan nu kákkeenak a maare palla a matay, nan tu bigu a biyag a hod nikam nadid a awan ti kahád, sakay inyatád nikam nikuna a simmampalataya kam tu awan magbabagu a upos nu Diyos.

1 Juan 2:28

Kanya ngane anak hide, itulos-tulos moy u pákkaessa moy ni Cristo tánni káddemát na a huway ay mabegsák u isip tam sakay awan kitam masanike nikuna ti aldiwan itod.

1 Juan 3:24

U sumunud tu utus nu Diyos ay mákkaessa tu Diyos sakay mákkaessa be u Diyos nikuna. Tukoy tam a nákkaessa u Diyos nikitam dipo tu Banal a Ispirito a inyatád na nikitam.

2 Juan 1:2

Mahal mikam dipo tu tatahoden a mágyan nikitam sakay katoy nikitam hanggan-hanggan.