1 Juan 2:26 - U Maganda A Baheta Ni Jesu-Cristo

²⁶ Insulat ko iye nikam tánni babalaan kam tu tolay hide a masoh a mángtawtaw nikam tu liwat de a toldu.

1 Juan 2:26 Σταυροειδείς Αναφορές

Markos 13:22

Dipo makpal a magwari-ware a hide u Cristo sakay te magwari-ware be a prupeta hide, sakay mángpeta bi hide ti tanda sakay makataka-taka hide a bagay tán itawtaw de ni maare pate u pinile hide nu Diyos.

Colosas 2:18

Dyan kam maniwala tu mángpeta hide tu liwat de a págpakumbaba sakay magsamba tu anghel hide. Ipagmadakál de a mas higit hide nikam dipo tu pangitain de hide pero u tatahoden ay magmadakál la hide magmadakál la hide dipo tu makamundu de a isip.

Colosas 2:8

Magingat kam tánni awan kam madaya nu maskin deya tu pamamag-itan nu awan hide ti kabuluhan a makadaya a toldu a awan naggábwat ni Cristo, nan kagi-kagi la nu mágkatanda hide sakay nu mágkadukás a ispirito.

1 Timoteo 4:1

Nadid, maliwanag a kinagi iye nu Ispirito nu Diyos: Tu dimodyan a aldew ay adággen nu agum u pánnampalataya de. Sunudán de u mágkadaya hide a ispirito sakay u itáttoldu nu makadimonyo hide.

2 Timoteo 3:13

Pero u tolay hide a mágkadukás sakay mapagkunware ay lalo pa a magpakadukás. Tulos-tulos hide a maglinlang. Pero awan de tukoy a pate hide ay nalinlang be.

1 Juan 3:7

Anak ko hide dyan kam paloko maski ni deya man. U maggimet ti maganda ay essa a matuwid a tolay, konna ni Cristo.

2 Juan 1:7

Nadid, makpal dán ti munduwáy u manglinlang hide, magtoldu hide a ti Jesu-Cristo ay awan nagin tolay. U konna hod hide a tolay ay máglinlang sakay kontara ni Cristo.