1 Juan 2:24 - U Maganda A Baheta Ni Jesu-Cristo

²⁴ Pakaingatan moy tu puso moy u nasássaneg moy tu sapul nikuna summampalataya kam ni Jesus. Ni gimitán moy iye ay manatili kam a kaessa nu Anak sakay tu Ama.

1 Juan 2:24 Σταυροειδείς Αναφορές

Lukas 1:2

Insulat de u ayun tu intoldu nu tolay hide a naketa tu ginimet ni Jesus sapul tu sapul sakay nangaral tu upos nu Diyos.

Lukas 9:44

“Pakasanigán moy sakay pakatandaan i kagiyán kuwáy: u Anak nu Tolay ay itokyon nu tolay hide sakay masakup nu kapangyariyan nu tolay hide.”

Juan 14:23

Timmábbeg ti Jesus nikuna, “U mangmahal nikán ay sumunud tu upos ko. Mahalán siya nu Ama, sakay mágyan kame nikuna.

Juan 15:7

Ni manatile kam nikán, sakay u upos ko ay manatile be nikam, ay iyatád ko u ánya man a agidán moy.

Juan 6:56

U kuman tu bággi ko sakay uminom tu dige ko ay manatile nikán, sakay manatiliyák be nikuna.

Juan 8:25

Nagtanung hide, “Ti deya ka beman a talaga?” Timmábbeg ti Jesus, “Awan beman kinagi ko dán nikam tu itod pa ni ti deyaak?

Filipos 4:15

Sakay tukoy moy labe a taga-Filipos hide, nikuna lummakadák ti Macedonia sakay magsapul palla tu pángpakapospos tu Maganda a Baheta, awan dán ti iba a gurupo ni mánnampalataya a timmulung tu kailangan ko hide nan hikam la.

Colosas 3:16

U upos hide ni Cristo ay iyasák moy tu isip moy. Mamágpaala-alaan kam sakay mamágtolduwan tu balang essa ayun tu karunungan a kaluub nu Diyos. Mágkansiyon kam ti pang-ispirituwal a kansiyon a gábwat tu Diyos a te págpasalamat.

Hebreo 2:1

Kanya ngane, dapat tam a pakatáttawiden ti mahigpit u tatahoden a nasaneg tam, tánni awan kitam metawtaw.

Hebreo 3:14

Dipo hikitam a atanan ay kaguman ni Cristo, ni manatile a matatag u pánniwala tam hanggan-hanggan, konna tu inpeta tam a pánnampalataya tu itod nikuna a bigu kitam palla a summampalataya nikuna.

1 Juan 1:3

Inpakapospos mi ngane nikam u netan me sakay nasaneg tánni makaguman mikam tu pákpagkaessa me tu Ama sakay tu Anak na a ti Jesu-Cristo.

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.

1 Juan 2:7

Mahal ko hide a kákkapatkákka, bakán a bigu a utus u insulat ko nikam nan u date dán a utus a katoy dán nikam tu itod pa. Iye a mensahe ay nasaneg moy dán.

1 Juan 3:24

U sumunud tu utus nu Diyos ay mákkaessa tu Diyos sakay mákkaessa be u Diyos nikuna. Tukoy tam a nákkaessa u Diyos nikitam dipo tu Banal a Ispirito a inyatád na nikitam.

1 Juan 4:13

Tukoy tam a nákpagkaessa kitam tu Diyos sakay u Diyos ay nákpagkaessa be nikitam dipo inyatád na nikitam u Banal na a Ispirito.

1 Juan 4:15

U mángpahayag a ti Jesus ay Anak nu Diyos ay katoy tu Diyos sakay katoy be nikuna u Diyos.

1 Juan 4:16

Tukoy tam a mahal kitam nu Diyos, sakay pinagtiwalaan tam iye a tatahoden. U Diyos ay págmahal. U tolay a pirme a magmahal ay nákpagkaessa tu Diyos sakay nákpagkaessa be u Diyos nikuna.

2 Juan 1:2

Mahal mikam dipo tu tatahoden a mágyan nikitam sakay katoy nikitam hanggan-hanggan.

2 Juan 1:9

Ni ti deyaman u awan umayun nan dagdagen napa u toldu ni Cristo ay awan nákpagkaessa nikuna u Diyos. Ni ti deyaman u umayun tu toldu ni Cristo ay mákpagkaessa nikuna u Ama sakay u Anak.

3 Juan 1:3

Masayaák a tahod nikuna dimmemát u agum tam a kákkapatkákka sakay imbaheta de nikán a tapat ka tu tatahoden sakay talaga a nabiyag ka ayun ti iye.

Pahayag 3:11

Adeniyák dán a sole. Kaya itulos-tulos moy u mágkaganda moy a gimet, tánni awan ti makapang-agew tu piremyo moy a kurona.

Pahayag 3:3

Kanya ngani, isipán moy u toldu hide a tinanggap moy sakay nasaneg, sunudán moy ina hide sakay pagsisiyan moy u kasalanan moy hide. Ni awan kam lumukag ay angayák hina a konna tu káddemát nu mágtakaw, awan moy matukuyan u odas nu káddemát ko.