1 Juan 2:20 - U Maganda A Baheta Ni Jesu-Cristo

²⁰ Pero inyatád dán nikam u Banal a Ispirito kaya tukoy moy dán u tatahoden.

1 Juan 2:20 Σταυροειδείς Αναφορές

Mateo 13:11

Tinábbeg na hide “Impakapospos nu Diyos nikam u sekreto nu Kahariyan na pero awan na ipakapospos nide.

Markos 1:24

“Ánya pák-alam muway nikame, Jesus a taga-Nazaret? Immangay kabe man he para puksaán mu kame? Tukoy taka, hiko u Banal a gábwat tu Diyos.”

Lukas 4:18

“Katoy nikán u Ispirito nu Panginoon, dipo hikán u pinile na a mángpakapospos tu Maganda a Baheta tu mágkahirap hide a tolay. Inutusanák na para ikagi tu pireso hide a malaya dán hide, sakay konna bi hod, u buhák hide ay maketa dán. Inutusanák na para palayaán u áapi-apiyán hide,

Lukas 4:34

“Jesus a taga-Nazaret,” kagi na, “Ánya i pák-alam muway nikame? Ummangay ka beman he para bunuwán mo kame? Tukoy ko ni deya ka, hiko u Banal a Anak nu Diyos.”

Juan 14:26

Pero ni nakalakadák dán, u tagagiyya nikam ay u Banal a Ispirito a paangayán he nu Ama. Siya u mangtoldu nikam tu atanan a bagay sakay mángpaala-ala nikam tu atanan a kinagi ko nikam.

Juan 16:13

Pero káddemát nu Banal a Ispirito a tagapagtoldu tu tatahoden ay tulungan nakam para maintendiyan moy u atanan a tatahoden. U itoldu na ay bakán a gábwat nikuna, nan u nasaneg nala tu Diyos u kagiyán na. Sakay kagiyán na be nikam u tungkul tu bagay hide a dumemát.

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 3:14

Inadiyan moy u Banal a awan ti kasalanan, mas ginusto moy pa a paluwasan tu págpiresuwan ti Barabas a essa a mágbabono.

1 Corinto 2:15

U tolay a te Ispirito nu Diyos ay maare na a matukuyan u kahalagaan nu atanan a bagay ni iye ay maganda oni awan pero u tolay a awan nikuna u Ispirito nu Diyos ay awan na matukuyan u tolay a tehhod a Ispirito nu Diyos.

Hebreo 1:9

Masaya ka tu maggimet ti maganda, pero u masássuwayán ay sasala mo. Kanya pinile ka nu Diyos a Diyos mo, sakay inatádden na ka ti kasayaan a higit tu kaguman mo hide.”

Hebreo 8:11

Awan dán kailangan a tolduwan nu ti deyaman u kasa-banuwan na, oni kagiyán tu kapatkákka na a, ‘Tenggiyán mo u Panginoon.’ Dipo tenggiyánnák de a atanan, sapul tu kababaan hanggan tu kataasan.

1 Juan 2:27

Pero maski ni magkakonna hod ay katoy dán nikam u Banal a Ispirito a inyatád ni Cristo. Mentaras a katoy nikam u Banal a Ispirito ay awan kamon kailangan a tolduwan ni deya man. U Banal a Ispirito u mángtoldu nikam tu atanan, sakay u atanan a itoldu na ay tatahoden, bakán a kakabuliyan. Kanya manatili kam ni Cristo dipo ina u intoldu nikam nu Ispirito.

1 Juan 4:13

Tukoy tam a nákpagkaessa kitam tu Diyos sakay u Diyos ay nákpagkaessa be nikitam dipo inyatád na nikitam u Banal na a Ispirito.

Judas 1:5

Maskin tukoy moy dán iye hide a atanan ay gusto ko la a ipaisip nikam, a maski ni inligtas nu Panginoon u lahe a Israel ti Egipto ay pinuksa na padi u atanan a awan summampalataya nikuna.

Pahayag 3:7

Isulat mo be iye tu anghel nu gurupo nu mánnampalataya hide ti Filadelfia: Iye u pekagi nu banal sakay u tatahoden, hod nikuna u susi oni kapangyariyan a nagsapul tu pághare ni David. Siya u maghatul ni ti deya u makasaddáp tu kahariyan na, nan awan ti makapángsiradu tu binukasan na, sakay awan ti makapangbukas tu siniraduwan na:

Pahayag 4:8

Tággánnám u pakpak nu nilalang hide a biyag sakay putat ti mata u bawat essa tu atubang sakay tu adág de. Sakay awan hide ti imang a mágkakansiyonán aldew ay ti gibi ti konna he: “Banal, banal, banal, u Panginoon a Diyos a makapangyariyan tu atanan. U Diyos tu sapul, Diyos nadid sakay Diyos tu pademát.”