1 Juan 2:15 - U Maganda A Baheta Ni Jesu-Cristo

¹⁵ Dyan moy sunudán u makamundu a kákkabiyag nu tolay hide ti munduway oni u bagay hide a katoy tu mundu. U magmahal ti munduway ay awan magmahal tu Ama.

1 Juan 2:15 Σταυροειδείς Αναφορές

Mateo 4:8

Káttapos ay inyangay dámman siya ni Satanas tu toktok nu essa a malangkaw a buked sakay impeta na nikuna u atanan a babansa ti munduway sakay u kayamanan de.

Mateo 6:24

Sakay kinagi pa ni Jesus “Awan ti makapagserbi ti duwwa a amo dipo kaiyamután na u essa sakay mahalán na u essa oni mas magin matapat siya tu essa nan tu essa. Awan moy maare a sabayán a pagserbiyan u Diyos sakay u kayamanan.

Lukas 16:13

Awan maare a pagsabayán a serbiyan nu essa a utusan u duwwa a amo dipo kaiyamutan na u essa sakay mahalán na u essa. Pagserbiyan na ti husto u essa sakay awan na pospusán u essa. Awan moy maare a pagsabayán a serbiyan u Diyos sakay u kayamanan.”

Juan 15:19

Ni kaguman kam tu taga-mundu hide ay mahalán dikam. Pero awan di kam kaguman, dipo pinile takam he ti munduway para awan kamon magin konna nide. Kanya u mundu ay maiyamut nikam.

Roma 12:2

Dyan moy ahigán u gággimitán nu tolay hide ti munduwan iye. Pabayan moy a baguwán kam nu Diyos tu pamamag-itan nu págbagu na tu isip moy hide, tánni matukuyan moy u kaluuben nu Diyos ni ánya u maganda katanggap-tanggap sakay makasaya nikuna.

Galacia 1:10

Diyan moy isipán a kaya ku iye a kákkagiyán ay para masaya nikán u tolay. U papure la a gábwat tu Diyos u gusto ko a matanggap. Ni ilingán ku laay ay u ikasaya nu tolay, ay awanák tunay a tagapagserbi ni Cristo.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

1 Timoteo 6:10

Dipo u págmahal ti pilak ay paggábwatan nu atanan a madukás. Inadággan dán nu agum u pánnampalataya de dipo tu soh de a magkahod ti makpal a pilak pero garabi a kalungkutan u inyatad ni iye nide.

Santiagu 1:27

U ibilang nu Diyos a Ama tam a makidiyos ay u tumulung tu ulila sakay tu bábbey hide a bilo tu kahirapan de, sakay awan mák-aheg tu mágkadukás hide a gimet ti munduway.

Santiagu 4:4

Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.

1 Juan 3:17

Ni ketan nu te anggen a tehhod a kailangan u kapatkákka na sakay awan na iye tinulungan ay kodya na a makagi a mahal na u Diyos?

1 Juan 4:5

Makamundu hide, kanya makamundu labe u itoldu de hide sakay u kapareho di labe hide a makamundu u mágsaneg nide.

1 Juan 5:10

Ni ti deyaman u sumampalataya tu Anak nu Diyos ay maniwala ti iye a patunay. Ni ti deyaman u awan sumampalataya tu patunay nu Diyos ay ginimet na a mabule u Diyos. Dipo awan siya maniwala tu págpatunay na tungkul tu Anak na.