1 Juan 1:1 - U Maganda A Baheta Ni Jesu-Cristo

¹ Summulat kame nikam tungkul nikuna a tu sapul pa ay átna dán, u Upos a Makapangatád ti Biyag. Nasaneg mi siya, sakay netan me, namámmalas sakay natawiden.

1 Juan 1:1 Σταυροειδείς Αναφορές

Lukas 1:2

Insulat de u ayun tu intoldu nu tolay hide a naketa tu ginimet ni Jesus sapul tu sapul sakay nangaral tu upos nu Diyos.

Lukas 24:39

Ilingán moy i kamát sakay i tikád kuwáy, hikán iye. Kahapánnák moy sakay malasán. U multo ay awan ti pilas sakay awan ti tulang, pero hikán ay tehhod a konna tu keitan moy.”

Juan 19:35

Hikán a nagsulat ti iye ay netan ko u nangyare. Kanya tukoy moy a tatahoden u patunay ko a iye nikam. Tukoy ko atatahoden u kagiyan ko sakay ikagi ko iye nikam para maniwala kam.

Juan 20:27

Kinagi ni Jesus ni Tomas, “Ilingán mo i kamát kuwáy hide sakay tawiden mo. Isáddáp mo be ikamát muwe ti hawes kuwáy. Diyan ka magalanganin; maniwala ka dán.”

Juan 5:26

U Ama mismo u pinaggabwatan nu biyag. Sakay u Anak ay inatádden na be ti kapangyariyan a paggabwatan nu biyag.

Juan 8:58

Timmábbeg ti Jesus, “Kagiyan ko nikam u tatahoden: Bagu pa a neenak ti Abraham ay atnaák dán.”

Gimet 4:20

Awan me maare a awan ibaheta u netan me sakay u nasaneg me.”

Hebreo 2:3

Konna bi hod, awan kitam makaiwas tu parusa ni awan tam pahalagaan u dakila a kaligtasan. U Panginoon u dipalongo a nángkagi ti kaligtasanan iye, sakay u nakasaneg hide nikuna u magpatunay nikitam a tutuhanan iye.

1 Juan 4:14

Netan me sakay pinatunayan tu agum a pinaangay nu Ama u Anak na tán iligtas u tolay hide ti munduway.

1 Juan 5:7

Kanya tehhod a tállo a makapagpatunay a ti Jesu-Cristo ay Anak nu Diyos:

Pahayag 1:11

Kinagi na a, “Isulat mo u atanan a ketan mo, sakay ipatawed mo tu pitto a grupo nu mánnampalataya hide: ti Efeso, Esmirna, Pergamo, Tiatira, Sardis, Filadelfia, sakay ti Laodicea.”

Pahayag 1:8

Kinagi nu Panginoon a Diyos, “Hikán u Alpa sakay u Omega.” U Sapul sakay Katapusan nu atanan a bagay. Siya u Diyos a hoddán hina tu sapul pa, sakay katoy hanggan nadid, sakay hanggan-hanggan. Siya u Diyos a makapangyariyan tu atanan.

Pahayag 19:13

U imbadu na ay kumán a imbatad ti dige, sakay u págdulaw de nikuna ay “Upos nu Diyos.”

Pahayag 2:8

“Nadid, isulat mo iye tu anghel nu mánnampalataya hide ti Esmirna: Iye u pekagi nu Sapul ay tu Katapusan, u natay sakay nabiyag a huway.