1 Corinto 9:8 - U Maganda A Baheta Ni Jesu-Cristo

⁸ U kákkagiyán ko ay awan la neayun tu isip nu tolay; nan konna be hod u nesulat tu Kautusan.

1 Corinto 9:8 Σταυροειδείς Αναφορές

Roma 3:31

U gusto na beman a kagiyán ay bali-awanán mi dán u Kautusan? Awan! Dipo u tatahoden ay mas lalo mi pa a tinupad u layunin nu Kautusan.

Roma 3:5

Nadid, te agum a tolay a magkagi a masmaganda kan a maggimet kitam ti madukás, para ketan kan nu tolay hide a tama u gimet nu Diyos. Kaya kákkagiyán de a awan na kitam kan dapat a parusaan tu kasalanan tam.

Roma 6:19

Magupusák tu pangkaraniwan a paraan para alisto moy a maintendiyan. Nikuna a nagpaalipin kam tu kadukássan sakay nagin madukás kam ngane. Nadid ay paalipin kam tu katuwiran tánni magin tunay kam a banal.

1 Corinto 14:34

u bábbey hide ay dapat a tumahimik tu pággipun-ipun nu mánnampalataya hide. Dipo awan hide payagen a magupos tu pággipun-ipun; kailangan hide a pasakup, konna tu kinagi nu Kasulatan.

1 Corinto 7:40

Pero palagay ko ay mas magin masaya siya ni awan dán siya mákkabanga a huway. Ina u makagi ko, sakay tukoy ko a he nikán u Ispirito nu Diyos.

Galacia 1:11

Gusto ko a matukuyan moy kákkapatkákka ko hide a u Maganda a Baheta a ipáppangaral ko nikam ay bakán a gime-gimet la ni tolay.

1 Tesalonica 2:13

Kaya ngane, pirme kame a magpasalamat tu Diyos, dipo nikuna a ipakapospos me nikam u Upos na, ay tinanggap moy iye dipo naintendiyan moy a tatahoden iye a Upos nu Diyos, bakan a upos nu tolay. Kaya ngane u kapangyariyan nu Upos na ay ketan tu maayus moy a kákkabiyag a mánnampalataya hide.

1 Tesalonica 4:8

Kaya ni ti deya man u mangadi ti iye a adal ay bakán a tolay u inadiyan na nan u Diyos a náng-atád nikam tu Banal na a Ispirito.