1 Corinto 9:1 - U Maganda A Baheta Ni Jesu-Cristo

¹ Awan beman malayaák? Awan beman apostolák? Awan beman netan ko ti Jesus a Panginoon tam? Awan beman hikam u bunga nu págserbi ko tu Panginoon?

1 Corinto 9:1 Σταυροειδείς Αναφορές

Gimet 13:2

Essa aldew mentaras a magkulasyon sakay magpure hide tu Panginoon, kinagi nu Banal a Ispirito nide, “Ibukod moy di Bernabe sakay ti Saulo. Tehhodák a inlaan a tarabaho para nide.”

Gimet 14:14

Pero nikuna matukuyan iye di Bernabe sakay ti Pablo ay pinisad-pisad de u damit de dipo umád de u gusto nu tolay hide a gimitán de nide. Kanya gimmággenan hide a immangay tu bállog nu katolayan sakay pimmákhaw.

Gimet 14:4

Kanya nahate u tolay hide tu banuwan, u agum ay pimmisan tu Judio hide sakay u agum be ay tu apostol hide.

Gimet 23:11

Ti gibi labiyan itod ay pimmeta u Panginoon ni Pablo sakay kinagi na nikuna, “Begsákkan mo isip muwe! Nagpatunay ka tungkul nikán ti Jerusalemáy; konna be hina u gimitán mo ti Roma.”

Gimet 9:15

Pero kinagi nikuna nu Panginoon, “Kammudán hod! Dipo pinile ko siya para ipangaral tu Hentil hide u tungkul nikán, tu hare hide, sakay tu lahe hide ni Israel,

Gimet 9:17

Kanya immangay ngane hod ti Ananias. Summáddáp siya tu bilay sakay intupo na u kamát na ni Saulo. Kinagi na, “Kapátkákka ko a Saulo, pinaangayák he nu Panginoon tam a ti Jesus, a nákpágguhon niko tu dilan nikuna patamo ka he. Inutusanák na tanni maketa ka a huway sakay maputat ka tu Banal a Ispirito.”

Gimet 9:3

Nadid, immangay ti Saulo ti Damasco. Nikuna adene dán siya tu banuwan ay bigla a kimmislap tu palebut na u makasile a demlag a gábwat ti langet,

Gimet 9:5

Kinagi na, “Deya ka beman, Panginoon?” Timmábbeg ti Jesus, “Hikán ti Jesus, u páppahirapan mo.

Roma 1:1

Iye a sulat ay gábwat ni apostol Pablo a tagapagserbi ni Jesu-Cristo a dinulaw sakay pinile na tánni mángbaheta tu Maganda a Baheta nu Diyos.

Roma 1:5

Tu pamamag-itan ni Jesu-Cristo ay tinanggap me u kaluub a magin apostol tánni maakit me u tolay hide tu atanan a bansa a sumampalataya sakay sumunud nikuna.

Roma 11:13

Nadid, iye dámman u kagiyán ko nikam a bakán hide a Judio. Ginimiták a apostol nu Diyos para nikam, sakay ikarangal ko i tarabahuwan iye.

1 Corinto 1:1

Gábwat iye a sulat nikán a ti Pablo a dinulaw ayun tu kaluuban nu Diyos tán magin apostol ni Cristo Jesus. Sakay gábwat be tu kapátkákka tam a ti Sostenes.

1 Corinto 10:29

U gusto ko kagiyán ay u konsensiya nu agum bakán a u konsensiya moy. Maare be a makagi nu agum, “Bakin hadlangan nu konsensiya nu agum u kalayaan ko?

1 Corinto 10:30

Bakin a bahángngánnák nu agum tu makan a ipáppasalamat ku dán be tu Diyos?”

1 Corinto 11:16

Pero ni tehhod pa a masoh a mákpag-tábbegan tungkul ti iye hide, ay iye u makagi ko: awan kami dán ti iba a kaugaliyan tu págsamba nan sakay iye be u kaugaliyan nu agum pa a mánnampalataya hide tu Diyos.

1 Corinto 3:6

Konna he u halimbawa nu tarabahu me, kumán a hikán u nagmula, ti Apolos u nagdilig, pero u Diyos u nagpatubu sakay nagpalagu.

1 Corinto 9:19

Malayaák sakay awanák alipin nu deyaman; pero nagpaalipinák tu atanan tánni makaakiták la ti makpal para sumampalataya tu Panginoon Jesu-Cristo.

2 Corinto 10:7

U problema nikam ay u panluwas la u áilingan moy. Tehhod hina a tolay a magkagi a hide kan ay tagapagserbi ni Cristo, ni konna hod ay dapat dibe a isipán a maski hikame ay hed ni Cristo.

2 Corinto 11:5

Tu palagay ko be ay awanák medimodyan ti mágkalalakiyan ina hide a apostol.

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

Galacia 1:1

Iye a sulat ay gábwat nikán a ti Pablo, a pinile a apostol bakán a gábwat tu tolay oni tu pamamag-itan nu tolay, nan ti Jesu-Cristo sakay tu Diyos Ama a huway a nangbiyag ni Jesus.

Galacia 5:1

Nadid, ay malaya kitamon dipo pinalaya kitamon ni Cristo tu Kautusan a nangsakup nikitam. Kaya magpakatatag kam sakay dyan dán paalipin a huway!

1 Tesalonica 2:6

Awan me hinangad a puriyán moy kame oni puriyán nu agum a tolay.

1 Timoteo 2:7

Dipo he ay napiliyák a tagapagbaheta, apostol, sakay tagapagtoldu ti pánnampalataya sakay tu tatahoden tu Hentil hide. Tatahoden i kagiyán kuwáy, awanák magbule-bule.

2 Timoteo 1:11

Piniliyák na a apostol sakay tagapagtoldu para mepahayag ko u Maganda a Baheta.