1 Corinto 8:3 - U Maganda A Baheta Ni Jesu-Cristo

³ Pero u mangmahal tu Diyos u kilalaán na a kao na.

1 Corinto 8:3 Σταυροειδείς Αναφορές

Mateo 7:23

Sakay tábbegán ku hide ‘Awan takam matengge. Makasalanan kam, umadeyu kamon.’

Juan 10:14

Hikán u mabait sakay matapat a pastol. Tukoy-tukuyák nu tupa ko hide. Sakay tukoy-tukuyák di be.

Juan 21:17

Tu katállo a beses ay kinagi ni Jesus, “Simon a anak ni Juan, mahalák mu beman a talaga?” Nalungkut ti Pedro dipo tállo na dán siya a beses a tanungán ni mahal na be man siya. Kanya timmábbeg siya, “Panginoon, tukoy mo u atanan a bagay. Tukoy mo a mahal taka.” Kinagi ni Jesus nikuna, “Pakanán mo u tupa ko hide.”

Roma 11:2

Awan inadiyan nu Diyos u tolay hide a sapul pa tu sapul ay pinile na dán. Awan moy beman tukoy u kinagi na tu Kasulatan tungkul ni Propeta Elias? Dinumaing siya tu Diyos dipo tu gággimitán nu Israelita hide.

1 Corinto 13:12

Nadid a kasalukuyan, awan maliwanag u pákkaintendi tam tungkul tu Diyos a kumán a mahabuháb a hupa u ketan tam tu aspeho, pero dumemát u aldew a ketan tam siya ti harapan. Badit palla u tukoy ko nadid; pero dumemát u aldew a matukuyan ko iye a atanan, konna tu pákkatukoy nu Diyos nikán.

1 Corinto 2:9

Pero konna he u nakasulat tu Kasulatan, “Awan palla ti tolay a naketa oni nakasaneg, sakay nakatukoy, tu bagay hide a inhanda nu Diyos para tu magmahal hide nikuna.”

Galacia 4:9

Pero nadid a matengge moy dán u Diyos, o mas maganda a kagiyán a, matengge kamon nu Diyos, bakin a soliyán moy dámman u baka-bakán hide a toldu ni munduwáy? Bakin a gusto moy dámman a paalipin a huway ti itod hide a bagay?

2 Timoteo 2:19

Pero awan maare a mawan u tatahoden a toldu a gábwat tu Diyos. A konna tu pundasyon a indátton na sakay tinatakan na ti konna he, “Tukoy nu Panginoon ni deya u sakup na hide,” sakay “U tolay a sumunud tu Panginoon ay dapat ibutan na u gimet na a madukás.”

Santiagu 1:12

Pinagpala u tolay a manatile a matatag tu pánnampalataya na tu pagsubuk hide sakay kahirapan, dipo ni malampasan de itod ay magkahod hide ti biyag a awan ti kahád a impananto nu Diyos tu atanan a magmahal nikuna.

Santiagu 2:5

Mahal ko hide a kákkapatkákka, mágsaneg kam! Awan beman pinile nu Diyos u mágkahirap hide ti munduwan iye tánni magin mayaman ti pánnampalataya, sakay magin tagapagmana tu kahariyan a impananto na tu atanan a magmahal nikuna?

1 Pedro 1:8

Maski ni awan moy siya netan ay minahal moy dán siya. Sakay maski ni awan moy palla siya netan hanggan nadid ay naniwala kamon nikuna. Kaya awan masukat u kasayaan moy sakay awan mepaliwanag tu pamamag-itan nu pággupos.

1 Juan 4:19

Magmahal kitam dipo u Diyos u dipalongo a nagmahal nikitam.

1 Juan 4:7

Mahal ko hide a kákkapatkákka, magmahalan kitam dipo gábwat tu Diyos u págmahal. U magmahal tu kapatkákka na ay anak nu Diyos sakay tumengge tu Diyos.

Pahayag 2:13

Tukoy ko a mámmágyan kam tu lugar a paghariyan ni Satanas, pero tulos-tulos kam padi a tapat nikán. Awan moy inadággen u pánnampalataya moy. Maski ni binuno ti Antipas, a matapat ko a tagapagserbi ti lugar moye a páppágyanan ni Satanas.

Pahayag 2:19

Tukoy ko u gimet moy, u págmahal, katapatan, págserbi sakay págtiyaga moy. Tukoy ko a lalo a maganda u gággimitán moy nadid nan tu itod.

Pahayag 2:9

Tukoy ko u pagsubuk a dáddanasán mo. Tukoy ko a mahirap kam, pero i tatahodinay ay mayaman kam. Sakay tukoy ko be u pangsássida nikam nu bakán hide a Judio, pero i tahoday ay sakup hide ni Satanas.