1 Corinto 8:1 - U Maganda A Baheta Ni Jesu-Cristo

¹ Nadid, iye u metábbeg ko tu tanung moy tungkul tu makan a nealay tu diyos-diyosan hide. Tukoy tam, “a tehhod kitam a karunungan a atanan.” Iye a “karunungan” u rason tánni magin palalo u tolay, pero u págmahal u makapangpatibay nikitam.

1 Corinto 8:1 Σταυροειδείς Αναφορές

Gimet 15:10

Bakin a gusto moy a purbaan u Diyos? Bakin a pagimet moy tu mánnampalataya hidi u bagay hide a mágkahirap a maski u ninunu tam hide sakay hikitam ay awan tam magimet?

Gimet 15:29

Dyan moy kanán u neatang hide tu diyos-diyosan hide, dyan kamon kuman tu tehhod hide a dige sakay dyan moy dán kanán u hayup a nabitte. Sakay diyan kamon mangibábbey oni mangilállake. Adeyuwan moy i bagayan ina hide, dipo kapiyyaan moy u págsunud tu utus me a iye. Sigi hanggan dálla he.”

Gimet 21:25

Pero tu mánnampalataya hide a Hentil, insulat mi dán nide u disisyon me a diyan hide kuman tu ányaman a nealay tu diyos-diyosan, pate u dige sakay u hayup a natay a awan napadigiyan, sakay diyan mangibábbey oni mangilállake.”

Roma 11:25

Kákkapatkákka ko hide, gusto ko a matukuyan moy u essa a katutuhanan a nadid ko la a ikagi nikam, tánni awan magin mataas u pangisip moy tu sadile moy. U págmaigát nu Judio hide ay pansamantala la, awan habang panahun. Iye ay hanggan a makompleto u bilang nu Hentil hide a manampalataya ni Cristo.

Roma 12:16

Mabiyag kam ti mapayapa tu balang essa. Dyan kam magmadakál, ni awan mákpággagum kam ti maayus tu mababa hide ti kalagayan a tolay. Dyan kam mágmaru-marunung.

Roma 14:10

Kanya dyan mo hatulan oni sestiyán u kapatkákka mo ni Cristo. Dipo hikitam a atanan ay umatubang tu Diyos, sakay siya u manghatul ni u ginimet tam ay maganda oni madukás.

Roma 14:14

Dipo tu pákpágkaessa ko tu Panginoon Jesus, siguraduwák a talaga a awan ti bawal a makan. Pero ni tu akala nu essa a tolay ay bawal u essa a makan, dapat dyan na kanán.

Roma 14:19

Kanya pilitán tam a gimitán a palagi u bagay hide a makapangatád ti kapayapaan sakay makapángpatibay tu balang essa.

Roma 14:22

Kanya ányaman u pánniwala mo ti bagayan iye hide, hiko dálla sakay u Diyos u dapat a makatukoy. Mapalad u tolay a awan gágguluwán nu konsensiya na dipo tu pággimet na tu bagay hide a tukoy na a tama.

Roma 14:3

Awan dapat a sestiyán nu tolay a kuman ti maskin ánya, u tolay a atong la u kanán na. Sakay dyan hatulan nu kuman la ti atong u kuman ti maskin ánya. Dipo hide a duwwa ay pareho la a tanggapán nu Diyos.

Roma 15:14

Kákkapatkákka ko hide, maniwalaák a talaga a tunay kam ti kabaitan, te sapat a tukoy sakay marunung a magpaala-alaan tu balang essa.

1 Corinto 1:5

Dipo tu pákpágkaessa moy ni Cristo ay limmagu kam tu atanan a bagay, magin ti paggupos sakay karunungan.

1 Corinto 10:15

Kagiyán ko iye nikam bilang essa a tolay a makaintende, hikamon u bahala a mangisip ni u kákkagiyán ko ay tama oni male.

1 Corinto 10:28

Pero ni tehhod a mángkagi nikam a, “Nealay iye tu diyos-diyosan hide,” dyan moy iye kanán alang-alang tu nángkagi nikam tánni awan mabalisa u konsensiya.

1 Corinto 14:20

Kákkapatkákka hide, dyan kam konna tu isip nu anak. Pero ni tungkul tu págkasala magin konna kam tu anak a awan ti tukoy tu mágkadukás. Pero dapat a mágkakáttáng dán i isip moye.

1 Corinto 15:34

Magpakatino kam sakay adággen moy dán u kasalanan. U agum nikam ay liwat u pákkatukoy na tu Diyos; kagiyán ko iye tánni mepasanike kam.

1 Corinto 4:10

Kagi nu tolay hide, Awan kame kan ti tukoy dipo u itáttoldu me ay tungkul ni Cristo; pero mágkarunung kam kan dipo ni Cristo! Mágkahina kame kan; pero mágkabegsák kam kan! Sássestiyán kame pero igággalang kam!

1 Corinto 4:18

U sangan nikam ay magmadakál dán dipo u akala de ay awanák dán hina angay.

1 Corinto 4:6

Kákkapatkákka hide, ginamit ko a halimbawa u sadile ko sakay ti Apolos para maintendiyan moy u gusto a kagiyán ni kakagiyanan iye, “Diyan moy dagdagen u nakasulat.” Kaya dyan moy ipagmadakál u essa a tolay sakay hamakán moy labe u essa.

1 Corinto 5:2

Sakay hambug kam palla! Dapat masanike kam sakay maglungkut. Paibután moy tu grupo u makán gimitán ti iye!

1 Corinto 5:6

Dyan kam magmadakál. Awan moy beman tukoy a u madukás a gimet ay kumán a u págpaalsa ti tinapay? Dipo maski ni badit la ay meahes u atanan.

1 Corinto 8:2

U tolay a magkagi a makpal dán siya a tukoy, ay kulang palla a talaga u tukoy na.

1 Corinto 8:4

Kaya tungkul tu makan a nealay tu diyos-diyosan hide, tukoy tam a awan tatahoden iye hide a diyos. Sakay tukoy tam be a eessa u Diyos.

1 Corinto 8:7

Pero awan atanan ay makatukoy ti iye. U agum ay nasanay ti itod a magsamba tu diyos-diyosan, kaya hanggan nadid, kapag ni kuman hide ti konna he ay u akala de ay alay padi tu diyos-diyosan u kákkanán de. Dipo wad a kulang u karunungan de, kaya mabalisa hide tu buung akala de a nagkasala hide.

Efeso 4:16

Sakay tu pámmunu na, u atanan nu bahagi nu bággi a awan ti agum nan u mánnampalataya, pinagtongko-tongko na sakay u balang essa ay mamágtulungan. Sakay tu pánggimet nu kada essa tu tungkulin de a tehhod a págmahal, u atanan a parte nu bággi ay lumagu sakay bumegsák.

Colosas 2:18

Dyan kam maniwala tu mángpeta hide tu liwat de a págpakumbaba sakay magsamba tu anghel hide. Ipagmadakál de a mas higit hide nikam dipo tu pangitain de hide pero u tatahoden ay magmadakál la hide magmadakál la hide dipo tu makamundu de a isip.

Pahayag 2:14

Pero tehhodák a sangan a pangsalaan nikam: tehhod nikam a mangunonod tu toldu ni Balaam. Iye u nangtoldu ni Balak para igiyya na u Israelita hide a magkasala. Kaya kinuman hide tu makan a nealay tu diyos-diyosan hide sakay naggimet ti mágkahalay a gimet.

Pahayag 2:20

Pero sabi iye i pangsalaan kuwáy nikam: páppabayan moy la ti Jezebel, u bábbey a magkukunware a prupeta nu Diyos, a tolduwan sakay linlangán u tagapagserbi ko hide a mangibábbey oni mangilállake sakay kuman tu nealay hide tu diyos-diyosan.